متفق معك قلباً و قالباً و فعلاً خلوها تصدي.
عرض للطباعة
اولا سعادتك بتكتب في الموضوع اللي انا عامله عن النيو سيراتو (مش التيدا ولا النيو سيتي التيلاندي) و انا مش من افراد التسويق على فكره انا مهندس و مليش في المبيعات (ده لمعلوماتك)
ثانيا النيو سيتي مبتعجبنيش و ده رأي و كمان تقفيل تيلاندي......... لا تعليق
ثالثا التيدا عربية محترمة جدا بس انا مجبتش سيرتها (لا بحلو ولا بوحش) عشان تحشرها في الموضوع و تخلي الناس تفتكر اننا بنعيبها ولا حاجة..؟؟؟
ثالثا سعادتك بتطلب من الناس تستنى و ده مش من حقك مع احترامي ليك (يعني ايه تقول لواحد متشتريش عربية ومتريحش نفسك من بهدلة المواصلات و خلافة هو و عائلته!!!!!) مش ممكن الانسان ده يكون عنده التزامات!!! انت متعرفش ظروف الناس يا سيدي الفاضل..!!!!
و بعدين يا سيدي في ازمة ولا مفيش ربنا يرزق كل الناس مش هندعي على الناس انهم يتأثرو بالأزمة الاقتصادية عشان حضرتك تشوف اثار الأزمة بوضوح على كل افراد الشعب...!!!!
و في ظل الأزمة الأقتصادية ربنا يرزقك و تجيب مرسيدس و نباركلك عليها و ندعيلك (مش نقولك من اين لك هذا)..!!!!
رأيك و رأي الناس يحترم تماما.....
اولا مش عيب ان عربيه كورى تبقى ب 120 مادام عربيه محترمه
شوف بره العربيات الكورى عامله ايه وتمنها كام
فى عربيات كورى اغلى من اليابانى
شوف الهيونداى جينسيس عامله ايه فى العالم
احنا بس اللى شعب ماشى ورا بعضه
نفضل نقول اليابانى احسن ومتجبش كورى
ولما نخلف عيال نفضل نقولهم نفس الكلام
ممكن يكون الكلام ده صح بس فى التمانينات والتسعينات
لكن دلوقتى واحنا داخلين على 2010 والكورى اتقدم
برضه نقول ازاى عربيه كورى ب 120 لمجرد ان صناعتها كورى
ماهى ممكن الصناعه الكورى دى تبقى احسن من السيتى التايلاندى
ويكون موجود فيها اللى مش موجود فى التيدا
وفوق كل دا ارخص منهم
يبقى ايه المشكله ؟؟؟؟؟؟؟؟؟؟؟؟
سيدى الفاضل
شكرا لك وللجميع
أولا هذا منتدى للحوار بين الأعضاء الفاضلين وهذا رأى لى أقوله للصالح العام
ثانيا سعادتك شايف أنه لم يكن من حقى أقول هذا الكلام بينما حضرتك فلى أكتر من مشاركه ترى أن السعر عادل جدا بل وتسأل لماذا لم نحجز السيارة للآن!!
أنا عنما ذكرت هاتين السيرتين كن على سبيل المقارنه السريعة ولكن عندك أكثر من نوع آخر فى الفئة دى زى الليفينا و الأوكتافيا a4 والكوردوبا والفوكس والانسر و و ....... مش علشان أحسن أو أوحش لكن علشان نعرف إيه بالسعر دا
أنا كنت بطلب من اللى يقدر ينتظر وليس من الكل وذللك للصالح العام علشان أكيد حضرتك عارف أن الوكلاء والتجار ما ذال عندهم مخزون 2007 و 2008 وأكيد 2009 وكمان 4أو 5 شهور هيكون فيه 2101 وعندها هيكون فيه تخفيض للأسعار (ذى ما حضرتك ذكرت السيراتو 2009 الشكل القديم نزل 5000 جنيه وأكثر)
ذكرت الأزمة الإقتصاديه علشان دى أثرت فى الأسعار جامد مثلا الحديد اللى كان بـ 9000 أصبح بـ 2800 جنيه وخلافه الكثير مما يدخل فى صناعة السيارات .... وهذا ما حدث فى العالم كله إلا مصر ؟؟؟
أتمنى من كل قلبى ليك وللناس كلها المزيد والبركه فى الرزق والكل يشترى اللى عايزه بس يكون بالسعر العادل للمستهلك والربح العادل للتاجر
أخيرا تقبلو تحياتى جميعا.
أستذ غازي .. الراجل ميقصدش حاجة وحشه ولا حاجة .. ولا بيحرض الناس انها متشتريش ولا بيسوء سمعة العربيات الكوري .. او بيتهمك بالذات انك تبع توكيل كيا .. الموضوع فيه حسن نيه .
الراجل شايف ان السعر بتاع العربية غالي أو غير عادل (بغض النظر عن امكانيات الناس اللي ممكن تشتري أو مش ممكن تشتري) .
العربية فعلاً حلوة وجميلة جداً وإمكانياتها ممتازة .. وخاصة الموديل اللي حضرتك حاجزه .. وانا لو في إمكاني كنت اشتريت نفس الفئة دي .. لأني شايف أنها احسن فئه ..
بس في الأخر العملية نسبية من واحد للتاني لأن ممكن الحاجة الغالية بالنسبة ليك متكونش غالية بالنسبة ليا . والعكس صحيح .. وهو في الأول والأخر بينصح الناس بالتصدي لجشع التجار بغض النظر عن بلد المنشأ للسيارة
يا جماعة انا شايف ان من حق كل واحد يعبر عن راية بموضوعية ومن حق اي حد انة يرد برضة بموضوعية .. لان دا منتدي .. وميش معني ان في اتنين رايهم مختلف يبقي دة معناة ان في خلاف او ان حد بيحتد على حد ..
انا شايف ان كل الناس محترمة ومفيش اي اغراض شخصية واعتقد ان بلاش نتمادي في الموضوع دا اكتر من كدة.
حصل خير يعني ..
:k32:
وجهة نظرى الشخصية و ليس تعليق او محاولة تغير رائى
انا جية سؤالى فى بالى لو حد يعرف العربيى بتتباع برة بكام بعد الأزمة الأقتصادية؟
و نشوف لو ضفنا الجمارك و الزى منو مع مراعة تكلفة التوكيل كصيانة و ضمان :)
نعرف الوكيل رافع السعر كد اية؟ و مبالغ و لا لأ
فى نقطة كمان موضوع كورى او يابانى او المانى انا بجد شايف كلو بثمنو
مثلا جودة الأمانى فوق 170 ألف جنية عشان تاخد نفس اوبشن الكورى الب 120 ألف
و مينفعش اقارن من غير تجربة انا مثلا مجرب الأنترا و ألمانى زى تيجوان من Vw فى فرق واضح
اداء و امكنيات و ثبات طبعا للألمانى بس ادفع بقى ثمن فرق الصيانة و قطع الغيار
الأنترا عملية جدا و مش حقولك على فرق قطع الغيار بس لا و كمان سرعة و ثبات مقبول و دة هيكون اكتر فى السيراتو عشان ال Abs و Esc و ضمان 5 سنين يعنى اكيد عملو شوية مجهود فى اختبارات الجودة
لو فى فرق كبير بين سعر البيع برة مصر مع الأزمة و سعر مصر مع الجمارك و التحابيش :)
انا شخصيا كنت ناوى اشترى اخر الشهر و ممكن اأجل الشراء
مع كامل احترامي لحضرتك و لكل الناس...
اولا: انا مش بجبر حد انه يشتري بل بساعد (اللي عايز) يشتري و راجع مشاركاتي كلها عمرك متلاقيني قولت يلا كل الناس تشتري!!!
ثانيا: انا مليش اي مصلحة ان حجم مبيعات كيا موتورز يوصل 10000 مليون في السنة..!! انا لا ناقة لي ولا جمل في الموضوع
ثالثا: انا زي زيك بالظبط (مستهلك) و اكيد عايز الأفضل ليا و للناس و لو العربية وصل سعرها 50 الف اكييييد هتبسط مش هزعل!! و كلامك في موضوع الأسعار و ان كله في النازل مظبوط 1000%, انا راجل شغال في سوق المقاولات و عارف الدنيا بيظة قد ايه...
رابعا: انا سر اعجابي بالعربية دي تحديدا مش اني هشتريها والله, السر هو ان دي اول عربية تنزل مصر بكل المواصفات و الكماليات اللي بتنزل (للبشر) اللي في الدول الثانية اللي احنا زيهم و من حقنا نستمتع بكل اللي في العربية, و ده اول توكيل ينزلك عربية كاملة مش محلوقة في مصر (اخيرا توكيل عامل المستهلك المصري على انه بني ادم).... بغض النظر العربية هتكون حلوة او وحشة بس الفكرة في المبدأ
خامسا: طبعا في عربيات كتير احسن منها كأداء و قوة موتور, و انا مش مجنون عشان اقارن بالألماني... بس ممكن اقارن ببعض الياباني عشان العربية كورية 100% و فيه ياباني كتير تقفيل (صيني و تايلندي و مصري)... و في الماني تقفيل صيني كمان (البولو)...
و اخيرا كل الناس حقها تقول رأيها بس لو مثلا مش عاجباني عربية و اتسألت هقول عشان كذا و كذا.... كعيوب فيها
و لو في عربية محترمة و انا مش بحبها (التيدا مثلا) ده رأي و انا مش مرتاح للعربية و هي العربيات ركوبة, بس لو سألتني ايه رأيك في التيدا هقولك 100 100 و هقولك كووووول مميزاتها اللي انا مقتنع بيها (عشان مش معنى اني مش بحبها لازم مصر كلها متركبش تيدا)... انا كده, على الحياد, و بقول رأي بصراحة حتى في اللي مش بحبه... عشان الاخ karaktar واخد الموضوع على صدره قوي في منتدى نيسان و مش عارف ازاي نتكلم على عربية لسة مسلموش الدفعة الأولى منها!!!!!!!!!!!!!
كل التقدير ليك و لرأيك اللي يحترم تماما ايا كان... انا على الحياد
يا باشا انا عارف والله و احنا مش عيال عشان نعمل مشكلة و نتخانق بسبب عربية يعني... انا واثق ان احنا هنا كلنا كبار و عاقلين و هنتفاهم بالمنطق و العقل.. وهو و كل الناس اتكلمه بكل احترام و انا رديت بنفس الشكل و مع احترامي لكل الناس طبعا كبير او صغير..
وشكراا جداا ليك لتوضيح الأمور يا باشا و اتمنى دوام الود و الأحترام بينا...
طبعا يا باشا حصل خير و شكرا على الروح الطيبة...
كلام مظبوط 100%
شكراا جداا ليك يا باشا... انت فهمت اللي انا بتكلم عليه فعلا..
زي كل مره... نفس الرأي يا باشا... شكلك اخويه :shyy:
+1111111111111111111
يا باشا انا عارف والله و احنا مش عيال عشان نعمل مشكلة و نتخانق بسبب عربية يعني... انا واثق ان احنا هنا كلنا كبار و عاقلين و هنتفاهم بالمنطق و العقل.. وهو و كل الناس اتكلمه بكل احترام و انا رديت بنفس الشكل و مع احترامي لكل الناس طبعا كبير او صغير..
ماشي يا استاذ حجازي .. ها ها ها .. اقصد استاذ غازي .. ربنا يديم المعروف بينا جميعاً .. وعلى فكرة اختيارك للفئة دي بالذات هو نفس اختياري بالضبط .. يعني نفس التفكير .. وربنا يوفق الجميع يا رب.
بس اقولك حاجة ومتزعلش مني .. وبكرر متزعلش مني (ومقصدش أي حاجة) :Zb_sor1[1]:.. انا حاسس انك بتتكلم كويس عن العربية دي أكنك راكبها بقالك سنه أو أكتر على الرغم من أن مفيش حد اشتراها ومشي بيها فترة علشان يعرف لو فيها حاجة خفية مش ظاهرة .. وأي عربية في الدنيا مهما كانت مركتها أو بلد منشأها ممكن يكون فيها عيوب .. فبالتالي لسه العربية دي ما مشيتش في الشارع واتعرف كل اللي فيها عن تجربة عملية .. مع غض النظر عن النجاح اللي حققه موديل 2008 اللي هو محترم .. بس مش بالتبعية موديل 2009 يكون كويس ومية مية زي الموديل اللي قبله .. وتحياتي لك :ask:
كلامك صحيح 1000%... و ناس كتير قليتلي بلاش عربية اول مرة تنزل و لسة متجربتش.. بس انا عجبتني العربية و عجبني انها موديل السنة و شكل لسة نازل بامكانيات بردو لأول مرة تنزل مصر كاملة مع توكيل محترم لو مش واثق في جودة العربية معتقدش كان هينزلها, ز انا حابب اخوض التجربة دي و لو محدش اشترى و خاف.. مين اللي هيجربها و يقول تمام و لا محدش يشتري يا جماعة؟؟؟؟ اسمحلي اكون دليل الناس في العربية دي..
و ممكن زي ما بتقول العربية يطلع فيها عيوب عشان مفيش حاجة كاملة ولا حتى الألماني و ممكن تكون عيوب عبيطة (زي اني لاحظت ان الخامات الداخلية مش زي القديمة و اسوأ شوية بصراحة و انا قولت ده لما الأستاذ احمد عمل موضوعة) و ممكن المشكلة تكون كبيرة و تعيب العربية!!
و ده اللي انا هقولهولكو ان شاء الله لما استلم و بكل حيادية و صدق...
مفيش اي حاجة تزعلني في كلامك خااالص, مهو لازم نتكلم و نتناقش عشان نوصل للصح... :verygood:
شكراا يا باشا...