رأيي من رأي علاوي لاني فعلا سمعت ان في مشاكل في الكنترول يونيت بتاعت الاوبل ال 1600 اوتوماتيك
عرض للطباعة
رأيي من رأي علاوي لاني فعلا سمعت ان في مشاكل في الكنترول يونيت بتاعت الاوبل ال 1600 اوتوماتيك
نفس الكلام المشكلة فى الكونترول يونت بتعها بيبوظ عشان العازل للحرارة سىء جدا فبيخلية يضرب ومعنها انة يضرب راح المتور تجيب متور تانى على فكرة الاسعار بتاعت الاوبل زادت ممكن تعمل 61
أنا معايا فيكترا 2002 أتوماتيك فول أوبشن .... و ماشاء الله عليها زى الفل .... مشكلتها الوحيده كانت فى التكييف و الحمد لله صلحته ... العربيه ممتازه جداً .... و إستهلاكها فى البنزين فوق الممتاز ... و لله الحمد م قابلنيش أى مشكله فيها خالص و لا كنترول بوينت و لا خلافه ... ولاحظ إنها عربيتى يعنى م سمعتش من حد و مش واحد صاحبى قال لى و الكلام ده .... و بالمناسبه لو على 65 ألف زى م انت بتقول إلحقها قبل غيرك
زميلى الفاضلين
Ahmad Allawy
و
tamertamer
أولاً : شكراً جزيلاً لكما على مداخلتكم .... و أنا شخصياً كثيراً ما إستفدت من أرائكم .... و ما شاء الله عليكم واضح إنكم خبره ...
بس أنا حبيت أنقل لزميلنا الفاضل هنا تجربتى مع هذا الموديل .... و إن كانت السياره معى من وقت ليس ببعيد - من 5 شهور فقط - .... بس بأمانه شايف إنها كويسه جداً .....
فى الأول لما جبتها و كان معايا قبلها مازدا يابانى .... فكرت أرجع تانى لليابانى بسبب الحراراه لإن حرارتها م بتقلش عن 80 و بتوصل ل90 - 95 فى الزحام الشديد بس بمجرد إنتهاء الزحام بترجع الحراره تنخفض تانى و عرفت من مشاركاتكم انتم و باقى الزملاء فى قسم الأوبل إن الحراره كده عاديه بالنسبه لأى أوبل .... طبعاً المازدا حرارتها عمرها م عليت
كمان العفشه ناشفه شويه مقارنةً بالمازدا بس برضو عرفت من منكم إن ده عادى فى الأوبل و كل الألمانى ....
بس طبعاً ما شاء الله ثباتها على الطريق حكايه .... و مشكلتها إن لو مش مركز معاها ممكن السرعه بتاعتها تعدى اللى محدده - عادةً بمشى من 90 - 110 و م بزودش عن كده ... طبعاً السرعه دى فى المازدا كنت ببقى حاسس إن العربيه هتتفرتك ....
معلش طولت عليكم .... لكنى شاكر و مقدر لمداخلتكم .... و طبعاً هدفنا كلنا هو مساعدة أحد زملائنا فى المنتدى فى إختيار سيارته ...