عرض للطباعة
السلام عليكم
لو سمحتوا يا جماعه انا معروض عليا عربيه فيات ريجاتا موديل 87بحاله كويسه بس لاني اول مره اشتري عربيه فكنت عاوز اعرف ايه هيه اهم عيوب ومميزات الريجاتا وايه اخبار استهلاكها في البنزين وكمان مدي توافر قطع غيرها واسعارها وكمان كنت عاوز اعرف الريجاتا تساوي كام اليومين دول علشان مايتضحكش عليا في السعر؟
منتظر ردكم سريعا وجزاكم الله خيرا.
حضرتك بقى تستنى العضو الفاضل سبعاوى لأن هو كان معاه ريجاتا و هيفيدك إن شاء اللهاقتباس:
المشاركة الأصلية كتبت بواسطة m_faiz
بس ياريت تغير العنوان لمميزات و عيوب الريجاتا عشان العنوان يدل على الموضوع فالناس تعرف تساعدك أكتر
الف شكر علي النصيحه يا باشا وياريت الاخ سبعاوي يرد علينا في اقرب وقت.
بالنسبة للعيوب والمميزات اعمل search فى المنتدى عن الريجاتا حتلاقى موضوع عنها مشارك فية سبعاوى وناس كتير حيفيدك .
بالنسبة للسعر اعتقد فى حدود 27او 28 الف انا معايا واحدة مو87 بدون تكييف بس حالة خاصة اشترتها السنة الفاتت زى دلوقتى كانت عاملة 31 الف .
بالنسبة لقطع الغيار سعرها معقول ومتوفرة لكن المشكلة فى الاكسسوار لانة مش متوفر غير مستعمل فقط مابينزلش منة جديد .
بس نصيحة اكشف عليها كويس علشان النضيف قليل عن تجربة وربنا يوفقك.
هل يوجد في الريجاتا عيوب شروخ في الشاسيه من المطبات زي 128 والريتمو وبتحتاج دعامات وعلب في الشاسيه ولا هيه أقوى منهم
رجاء من مقدم لاموضوع إن وفقه الله في شراء سيارة ريجاتا يفيدنا بسعرها ان امكن
وجزاكم الله خيرا
اقتباس:
المشاركة الأصلية كتبت بواسطة m_faiz
الريجاتا عربية ممتازة جداً جداً لو نضيفة
كان هذا الموجز وإليكم الأنباء بالتفصيل
الشكل الخارجي والداخلي:
1-يتميز الشكل الخارجي بإنسيابية جميلة مما لا يشعرك أبداً بقدم موديلها بالنسبة للعربيات الحديثة.
2-العربية كبيرة وواسعة جداً من الداخل ولها شنطة كبيرة جداً.
الريجاتا منها شكلين فقط سيدان والأخر إستيشن
3- مرتفعة عن الأرض مما يبعدك عن حرقة الدم نتيجة إحتكاك السيارة بالمطبات.
4-التابلوه عندما يكون بحالة الجديد يكون جميل جداً ولكن نادراً أن تجد تابلوه جيد.
5-العدادات مختلفة من موديل لأخر ولكن منها ما به كمبيوتر أعطال وعداد لعدد لفات الموتور rpm وطبعاً عداد السرعة واللمبات الموجودة
6-النور العالي والواطي والمساحات يتم التحكم فيهم بواسطة أزرع خلف الدريكسيون كأي عربية حديثة وليس زراير كموديلات فيات السابقة لها.
7-أسعار قطع غيارها الخارجية متوسطة وتقترب من السيارات الحديثة (اللانوس مثلا)
8-السيارة سهلة جداً في القيادة (ناعمة) رغم عدم وجود باور ونصف قطر دورانها صغير مما يمكنك من الدوران بها بسهولة (علي مرة واحدة) في الملفات الحادة.
مميزات ميكانيكية:
1-السيارة جر أمامي مما يعني رخص صياتة آلات الجر.
2-الموتور
1300 بكامة واحدة علوية يعطي 68 حصان وتسمي Regat 70
1500 بكامة واحدة علوية يعطي 82 حصان وتسمي Regata 85
1600 بـ 2 كامة علوية يعطي 100 حصان وتسمي Regata 100
الفتيس 5 سرعات + سرعة خلفية.
3- السيارة سهلة جداً في الصيانة عند الميكانيكية ومحفوظة وقطع غيارها متوفرة
4- أسعار قطع غيارها رخيصة ولكن أغلي من 128
http://www.nilemotors.net/Nile/showthread.php?t=9120
5- إستهلاك البنزين جيد (225 كيلو متر في الصفيحة داخل المدينة بدون تكييف) و (260 كيلو متر في الصفيحة في السفر بدون تكييف)
6-تقبل بنزين 80 بدون مشاكل ولكن 90 أفضل كثيراً في الأداء.
الكماليات والموديلات:
1- موديلات السيارة من 1983 حتي
1990
2- بعد 87 تسمي ريجاتا نوفا (من 88 إلي 90) وهي تتميز بعدد من الكماليات وفروق بسيطة في الشكل الخارجي.
3- الكماليات الموجودة في الريجاتا والتي تختلف من سيارة لأخري وفقاً للموديل:
التكييف - زجاج أمامي كهرباء - كمبيوتر أعطال - سنتر - إنذار - جنوط إسبور
الفابريكة لم يكن بها إنذار ولا جنوط سبور غالباً
العيوب:
1- صعب جداً أن تجد سيارة ريجاتا بحالة جيدة.
لقد رأيت ما يقرب من 40 سيارة ريجاتا (خلال شهر)ولم تكن هناك إلا ثلاث سيارات بحالة جيدة.
2- السيارة تصاب بالبارومة بسهولة فيجب الحرص عند الشراء والمحافظة عليها بعد الشراء.
يمكن التأكد بفحص الشنطة جيداً خاصة الكارتيرات وأماكن لحام الشنطة مع الرفرف
وأيضاً فحص القوايم وأسفل الأبواب
والحوض
3- التابلوه ضعيف جداً لدرجة إنك لو فكيت منه مسمار غالباً لن تسطيع تركيبه لأن مكانه سوف يكسر من الداخل.
سعر السيارة من شهر تقريباً من 22 حتي 26 حسب الحالة والموديل والكماليات
وهذا سعر السيارة الجيدة وليست المعدمة من البارومة
وهذه بعض الصور لتوضيح بعض الفروق:
1- الريجاتا العادية السيدان
http://www.allcarpictures.com/pictur...-regata003.jpg
http://www.gruppoimmobili.it/imgveicoli/28.jpg
http://piccolina.727.net/041007New/F...ta100Sback.jpg
2- الريجاتا النوفا
http://www.fiat-ritmo.4t.com/images/regata_85s.jpg
http://www.leblogauto.com/images/fha...861989_800.jpg
3- الريجاتا الإستيشن
http://www.motoweb.pl/tapety/picture...ta_1985_4d.jpg
http://farm4.static.flickr.com/3117/...afb0bbc7e7.jpg
4- أشكال التابلوه والعدادات.
http://totalcar.index.hu/images/test...tta/fiat07.jpg
http://totalcar.index.hu/images/test...tta/fiat03.jpg
http://farm1.static.flickr.com/49/17...047d7a04f8.jpg
العضو mtageldeen
جزاك الله كل خير
استفدت كتير جدا من المعلومات الرائعة الي قدمتها
وبالتوفيق للجميع