قول لخالتك نصيحه من واحد صاحب تجربه
انها تغير الموتور بواحد 1200 سى سى أحسن وأوفر
وحيخلى العربيه مطلوبه ومش حتخسر فيها اى حاجه لان الاوبل 1200 مطلوبه فى السوق وسعرها شادد غير الالف سى سى خالص
قول لخالتك نصيحه من واحد صاحب تجربه
انها تغير الموتور بواحد 1200 سى سى أحسن وأوفر
وحيخلى العربيه مطلوبه ومش حتخسر فيها اى حاجه لان الاوبل 1200 مطلوبه فى السوق وسعرها شادد غير الالف سى سى خالص
لا تقل ولا حاجة يا استاذ احمد. هما كدة اللي بيركبوا اوبل دول ناس متعبين اوي:D:D:D
دي اسعار قطع غيار اوبل كورسا موديل 97 (1200cc)
1- محل الشيماء في التوفيقية
----------------------
طقم دبرياج لوك الماني ----------> 825
طقم قواعد موتور اسباني --------> 345 (قاعدتين موتور 110 + 115 وقاعدة فيتيس 120)
طقم مساعد امامي SK الماني ----> 625
طقم مساعد خلفي Febi الماني ---> 525
طقم طنابير امامي SK الماني -----> 190
طقم طنابير خلفي Febi الماني ----> 450
طقم تيل امامي SK الماني --------> 120
طقم تيل خلفي انجليزي -----------> 130
طقم بيضة مقص Febi الماني -----> 170
جلبة مقص اسباني --------------> 70
بيضة طرف اسباني -------------> 130
2- محل اميريكان ستار في شارع شمبليون
------------------------------
طقم دبرياج لوك الماني -----------> 750
حساس سرعة -----------------> 145
طقم مساعد امامي Billich الماني --> 650
طقم مساعد خلفي Billich, Sachs الماني -----> 450
طقم طنابير امامي Lemforder الماني -------> 200
طقم طنابير خلفي مايلي الماني ------> 360
طقم تيل امامي Remsa اسباني ---> 90
طقم تيل امامي GM اصلي --------> 200
طقم تيل خلفي Remsa اسباني ---> 115
طقم مقص (بيضة + جلبة) ------> 150
بيضة طرف ----------> 60
يالا بقى يابو حميد شخلل جيبك واستعد. ارجو اني اكون قد افدت حضرتك
امال ليه بيقولو الاوبل قطع غيارها غاليه اوي
انا ملاحظ انها زي الياباني
وليد باشا.. انا مش عارف والله بجد اقولك ايه..
بجد مش عارف اوصف مدي شكري وامتناني ليك والله..
انت خدمتني خدمة رهيبة والله..
ربنا يكرمك ويوفقك ويجازيك عني خير..
وانا تحت امرك في اي حاجةعايز تجيبها او تعرفها و اخدمك بعنيا والله..
و انا باستأ\نك اني هانقل المعلومات بتاعتك دي لموضوع قطع الغيار اللي كان ميمي تشيكلز فاتحه وهاقول طبعا ان ده مجهودك و تعبك..
وربنا يكرمك
ملحوظة: شوف المشاركة بتاعتك كان رقمها كان.. و المشاركة بتاعتي دي اللي انا بارد فيها رقمها كام..
(بصرة..!!)
لو لاحظت شوية اكتر..
هتلارقيها متفرقش كتير عن الفيات اصلا..
يعني بغض النظر عن الطنابير مثلا اللي انا كنت جايبها الجوز ب 80 جنيه هنا ب 450
المساعدين سعرها تقريبا واحد.. ولو ان في بعض موديلات الفيات بتكون اغلي وانا باتكلم عن الفيات الفقديم مش الجديد يعني..
والتيل كمان فيه فرق سعر شوية بس بسيط..
لو ناوي توكل علي الله.. بس فكر كويس..
هتحس بفرق في الركوبة طبعا في مقابل فرق سعر بسيط,. وده اللي خلاني اجيب اوبل وماجيبش لانوس مع انها كانت احدث ب 4 سنين..
الشكر لله يا استاذ احمد انا ما عملتش غير الواجب. ربنا يوفقك والله يكون في عونك في شدة العربية وتلاقيها بعدها عروسة
استاذ احمد ابو الفتوح. مين اللي قال لحضرتك ان قطع غيار الأوبل غالية. بصراحة انا مش شايف انها غالية مقارنة بماركات عربيات تانية كتير. تاني حاجة ودي الاهم انك راكب حاجة الماني يعني قمة متعة القيادة وقمة الامان. ثالث حاجة ان قطع غيارها حتى لو غالية بس بتعيش اضعاف عمر قطع الغيار بتاعت الماركات التانية. وعلى فكرة لو في قطع انت حاسس انها غالية ممكن حضرتك تجبها استيراد. وفي موضوع معمول في منتدى اوبل مختص بقطع الغيار المستعملة واماكنها والموضوع مثبت.
فكر كويس وتوكل على الله وتنضم لرابطة عشاق الأوبل:D.
السلام عليكم..
عندي شوية حاجات اشتريتها جديدة و عايز اقولكم سعرها..
العربية كورسا 1200 موديل 97
طقم دبرياج كامل لوك الماني اسطوانة و دسك و بلية.. 725 جنيه
طقم قواعد موتور الماني مش عارف نوعهم ايه الاتنين اللي قدام 140*2 و اللي ورا بتاعت الفتيس ب100
يعني تقريبا كله عمل 1100 جنيه
من امريكان ستار في التوفيقية..
وبالمناسبة.. في حاجات من اللي غيرتها حالتها كويسة و موجودة لو حد عايز منها حاجة مستعملة بس حالتها نضيفة قوي..
هاحط الحاجات دي في موضوع قطع الغيار المستعملة..
وليد باشا..
انا ركبت الحاجات دي عند فادي المهندس اللي باتعامل معاه من اول ما اخدت العربية..
في صقر قريش.. او المعادي الجديدة زي ما البعض بيحب يسميها..
بالنسبة للمصنعيات.. هو التسعيرة بتاعته الاسطوانة و الدسك 150 التغيير..
و قواعد الموتور 100
اللي سمعته منه هو شخصيا.. انه في مقار تقريبا قواعد الموتور ب200 او 250 مش فاكر..
و الاسطوانة و الدسك ب400 او 450 ..
معلش انا مش فاكر الارقام بالظبط..
انا بالنسبة لتغيير قواعد الموتور..
هو فعلا بيرفع الموتوع بالكوريك..من تحت العربية.. و بيفك القواعد واحدة واحدة و بيغيرهم
الموضوع كله علي فكرةمش كبير قوي..بس غالبا بيحتاج انه يفك الطنابير و الكبالن و كده من قدام عشان يرفع الموتور براحته...
بس انا مش اكيد من المعلومة دي عشان انا في نفس المرة كنت باغير اسطوانة و دسك كمان..
ودول لازم كل حاجة قدام تتفك حتي المارش..
اتمني ان الرد يكون وافي..
وانا تحت امر سعاتك في اي وقت.. :)
تعقيب بسيط..
الاسطي الميكانيكي اللي شغال هناك هو من الناس اللي شغالين في التوكيل.. في مقار..يعني تقريبا نفس الكفاءة للشغل اللي بيتعمل هناك
وفوق كده ودي اكتر حاجة عجبتني.. انه بيقفل شغله كويس.. و مش بيكروت الشغل..
بينضف و يقفل علي نضيف..
اتعود بقي من الشغل هناك في مقار..