اشترتها من شهر ونص وكلي ندم عربية خشنه بتدبدب في المطبات كماليتها ملهاش لازمة طول ما أنا فيها بحس إنها لعبه أي عربية في أي ملاهي أمتن منها الصاج بتاعها ضعيف جدا فكر كده تسند على الباب ولا الرفرف مقدمتها كلها إكصدام ترييحة رصيف شرخت الإكصدام وفكت مسامير الإكصدام من الرفرف ويا ريتني ماسمعت كلام الناس وكنت مشيت اللي في دماغي واشتريت بريليانس FRV بجد عربية هتثبت قدراتها بس بتوع المعارض مبوظين سوقها ويقولك دي صيني وهتخسرك وانت بتبيعها في حين إن كل العربيات بتخسر وهي بتتباع وبعدين هو اللي بيشتري عربية بيفكر في إنه هيقوم يبيعها بكره الصبح ولا بيفكر في عربية فيها الكماليات اللي هتريحه وصاجها محترم يواجه الحاجات التافهة بتاعة كل بوم زي إنك تنزل من مكتبك ولا بيتك تلاقي نطع قاعدلك على كبوت العربية مش هقول خبطة ولا ترييحة لا قدر الله وبعدين الأفيو تعتبر بدون كماليات 2 زجاج كهربا راديو/ كاسيت سنتر بدون ريموت مساحة خلفية وطبعا ممكن استسمحك انت تقرر لنفسك لأن ممكن يكون أنا ضد العربية دي لأن مفيش بيني وبينها ود رغم مرور شهر ونص وكلامي مش معناه إني بقولك اشتري بريليانس إف آر في معرض سمير ريان بيسمح بدرايف تيست روح عنده وجرب أي عربية وقرر وربنا يوفقك للي فيه الخير
المفضلات