المشاركة الأصلية كتبت بواسطة momenhamdy
طب اولاً انا بس مش عايزك تكون عصبي لان الموضوع مش مستاهل تمام
.
الفكره دلوقتي ان كل حاجة ليها مميزات و ليها عيوب
وان اكيد راجل مؤمن و عارف ان الكمال لله وحده
انت دلوقتي بتقول ان الانسر افضل من ناحيه اسعار الصيانه و قطع الغيار في كل مكان
طب ليه حضرتك اشتريت الجين ؟؟؟
وليه فضلتها علي الانسر مع انها اعاده البيع بتاعتها افضل و اسعار قطع الغيار افضل و اكثر انتشار و ممكن تلاقي قطع الغيار عند البقال ؟؟
اكيد في سبب خلاك تختار البروتون و اكيد انت شفت ان فيها مميزات اكتر من عيوبها صح ؟؟؟
لالالا تسمحلي حضرتك اختلف معاك في الرأي
في نظريه في الاقتصاد اسمها نقطه التعادل او ال Brake Even Point
النظرية دي بتقول ان لو حضرتك عايز تبيع من المنتج كتير يبقي قلل السعر علشان تعرف تبيع اكتر فتحقق الربح بدل الخساره
ولكن حضرتك تعالي و شوف سياسه توكيل مصريه الي هو توكيل المتسوبيشي في مصر
العربيه بسم الله ماشاء الله بتبيع بدرجه انها بأت اكتر من 128 في الشارع و قطع الغيار في كل مكان الا ان العربية سعرها بيزيد هل دا طبيعي ؟؟؟؟
ازاي العربيه بتبيع كتير و سعرها بيزيد و لو تاخد بالك مفيش مره العربية غليت وسعرها تراجع ابداً هو الين مش بينزل ابداً ؟؟؟؟ بيعلي بس و لا ايه ؟؟
و في مقوله بيقولها التوكيل ان العربيه لو نزلت بكاسيت CD العربيه تزيد 3000 جنيه الجمارك بتاعتها هل دا كلام يعقل
طبعاً انا مش بهاجم توكيل المتسوبيشي او بمجد عز العرب لان الهدف من التوكيلات هو الربح الرهييييييييييييييييييييي يب لاني مجرب الكلام دا كله من واقع تجربه زي ماقولت قبل كدا في مشاركه سابقه يعني العمليه مفيهاش دفاع عن اي توكيل
بس الي عايز اوصله لحضرتك ان كل توكيل هدفه ازاي يحط اديه في جيبك وخلاص بس الذكاء ازاي التوكيل يستخدم سياسيه يخليك فاهم انه مش بيستغلك
ياريت اكون وصلتلك وجه نظري المتواضعه
ومش عايز تتعصب تاني
المفضلات