حل لمشكلة التراب اللي بيدخل من الهوايات

بعد بحثي الطويل علي سبب دخول التراب بشكل يجنن الي السياره خاصة التابلوه
اكتشفت ان الهوا بترابه بيخش علي الهوايات مباشرة بدون اي فلاتر

فبعد يوم كامل من الفك والبحث عن فلتر الهوا ده توصلت للاتي:
1-حضرتك تفتح كبوت العربيه
2-هتلاقي غطاء فيبر (بلاستيك) اللي موجود تحت المساحات
3-وهو مربوط بحوالي 10 كلبسات+مسمار في المنتصف بين المساحتين
4-طبعا انا رفعته لفوق لقيت كميه رهيبه من التراب و اوراق الشجر الصغيره
5-المهم لقيت فتحة الهوايه لا توجد عليها اي فلاتر للاتربه
6-والفتحه دي شكلها زي متوازي الاضلاع
7-جبت حتة كرتونه وحتطها علي الفتحه وضغت بصباعي علي حافة المتوازي لغاية ما بان مقاس الفلتر المطلوب
8-اشتريت بعد كده فلتر بتاع هونداي اكسنت (زي اللي راكب في الصني علي الانجكشن بس اصغر شويه)
سعره 18 جنيه بس
9-وقصيته علي مقاس المتوازي اللي عملته وركبته

ومن ساعتها مفيش ذرة تراب بتخش العربيه
بس لاحظ لما تحول الدراع بتاع التكييف انه يشتغل من بره سرعة الهوايه بتقل عشان العملية مبقيتش سايبه زي الاول
واســــــــــــــــــــــ ــــــــف للطاله

يا جامد
الله ينور

الله ينور هوة ده الكلام :) عايزين نجرب الموضوع ده فى الجين 2 كمان لو حد معاة يقلنااااااااا :)

الاستاذ الفاضل خليل
اذا امكن لو صور للشرح عشان انا مش فاهم اللى حضرتك بتكلم عليه

اكون شاكر لحضرتك و اسف على تعبك معانا

أحمد

هو ده الابتكار .....
الله ينور عليك ... واعتقد ان الكلام ده ساري علي باقي انواع السيارات مع اختلاف الاماكن والمقاسات
واعتقد لو حطيت أسفنجة رقيقة و ثبتها باي افيز او سلك ح يجيب نتيجة
ده لو مالفيتش نفس المقاس بتاع الفلتر
شكرا للفكرة :hlopaet_prv:

ان شاء الله هاجيبلكم الصور

فكرة حلوة
انا كتيرررر جدا لو الجو كويس بكون قافل الأزاز ومشغل الهواية بدون الكمبريسور بتاع التكييف لأن فتح الأزاز بيعمل صوت رخم
فـ دايما بحب اقفل الأزاز واشغل الفانات بتاع الهواية دى ومشكلة طبعا موضوع التراب

فاكر مرة كان فى حاجة مولعة على جانب الطريق والطريق كلة دخان ابيض اول ما دخلت فية لاقيت دفعة دخان ابيض طالعلى من التابلوة ههههههه حسيت ان العربية مخرومة

بس معقول كل العربيات مفيش فلتر على الهواية ؟

ايه يا جدعان تراب ايه اللي بيدخل من الهوايات هو احنا راكبين 128 . مفيش الكلام ده خالص من حقك يا كابتن انك ترملهم العربية في التوكيل لو انت في الضمان و يتصرفوا ممكن يكون في قطعة غيار زي اللي حضرتك عملتها ديه تكون مش موجوده من يوم ما اشتريت العربية

الصور زي ما وعدتكوا

http://up.arabseyes.com/upfiles/OTn03165.jpg

الله ينور عليك

احب الناس اللى بتفكر وتشتغل بأيديها

هو ده الإحتراف
أنا هأعمل كده و شكرا

تسلم ايدك يا باشا
و تعبينك معانا

و بجد متشكرين للافادة

أحمد

جزاك الله خيرا

معلش عندى سؤال...........هو مش المفروض ما دام انت قافل على الهواء اللى ييجى من بره ان التراب ما يدخلش حتى لو مفيش فلتر خالص؟؟؟؟؟؟؟؟؟؟؟ لأن فيه بوابه هتبقه مقفوله.

بالظبط كدا يا mohamedway انا معاك

بصوا يا اخوانا
التراب بيبقا متراكم تحت الغطا الاسود اللي تحت المساحات
وبمجرد ما بتشغل الهوايه وتحول الدراع بتاع الهوايه انه يجيب هوا من بره بيخش التراب المتراكه مباشرة داخل العربيه
لان الفلاب(البوابه) اللي بيحدد ياخد هوا من جوه العربيه او من بره بيكون تحت الفلتر (اللي احنا مفبركينه)اللي مش موجود اصلا

حتر لو شغلت الهوايه والفلاب بياخد هوا من جوه العربيه فهو مبيكنش محكم الغلق(لانه عباره عن قطعة بلاستيك وعلي اطرافها جوان من الاسفنج غير محكم)

وممكن اللي عايز يشوف الموضوع بتاع الفلابه يتبع الخطوات السهله جدا دي

1-حضرتك هاتفك درج التابلوه اللي علي يمينك عن طريق مفك عاده وطنطر البنزين(الكلبسين )اللي هما المفصلات بتاعته
2-هتلاقي وش بلاستيك مستطيل وليه دراعين صغيرين من تحت
3-هاتشد الدراعين دول لبره هاتظهرلك الفلابه بتاعه تحديد ماخذ الهوا من جوه ولا بره
4-ممكن تحرك دراف الفلابه وهاتشوفه بنفسك

مش بقوللك هوه ده الإحتراف

الاحتراف هو كلامك الجميل يا استاذ عماد

الله ينور يا معلم

اوحيك على تفكيرك مجهودك الرائع .
بس انا لسه جايب العربيه جديده وخايف انى افك او اركب اى حاجه علشان مخرجش من الضمان..
فهل عند صيانه 1000 يرضو يعملولى الفكره دى؟
انا فعلا لاحظت ان اتراب كتير على التبلو برغم انى مخرجتش بها كتير.
وياريت تقولولى احسن حاجه اللمع بيها التبلو ... ولا اجيب فرش للتبلوه

ميه ميه...

فكره ممتازه و تنفيذ رائع...

ممكن حضرتك تسألهم فى التوكيل عن الفلتر
وبالنسبه لتلميع التابلوه فى مناديل لتلميع التابلوه ممتازه جدا

الله ينور علي فكرتك ..وعلي الصور .. وعليك.

ايه الأفكار الجامده دى

مشكوووووووووووووور