ايه رايك فى تنظيم المرور فى اسكندرية عالبحر

**amrico** · 29-04-2009 01:53 PM

بخصوص الأسوار الحديد دي شوفتها في بعض الدول بس بيعملوها للحيوانات اللي مالهاش عقل عشان يمنعوا الحوادث وبتكون على جوانب الطريق
وحتى لو اتعملت في مصر حاتلاقي أوام الناس عملوا فيها فتحات وكله بيعدي واللي هايعرف ينط هاينط يعني من الآخر الحيوانات بتلتزم أكتر من الناس
انا عندي مشكلة تانية مع الكورنيش
الحمد لله انا متعود على اني امشي في الحارات المرسومة على الطريق ولو هانقل من حارة لحارة لازم أدي إشارة (واحد أهبل بأه هاتقولوا ايه) وبصراحة اتعودت على كده عشان معظم وقتي بكون مسافر برة مصر
الكورنيش الحارات فيه مرسومة بوضوح في بعض المناطق بس لو فضلت ماشي في الحارة بتاعتك لما الشارع يلف بتلاقي اللي بيشوحلك بإيده واللي يقفل عليك واللي واللي واللي .......
المشكله انك لو تمشي في حارة محددة هاتتسبب في حادثة اكيد أو هاتلاقي اللي بيشوحلك ومحدش بيرحم والسواقين مجانين وطايرين

من سنه ونص تقريبا حصل قدامي حادثة ربنا اكرمني وهربت منها بأعجوبة عند كنتاكي رشدي عالكورنيش وكانو اتنين شباب بيتسابقوا ْ تقريبا (دايو سبيرو & أوبل أسترا) وجايين من ورايا زي الصواريخ
انا كنت ماشي 60 ودي السرعة المقررة المهم راحو التنين واحد معديني من اليمين وواحد من الشمال وراحو خابطين في بعض قدامي بشوية. الدايو فضلت تلف حوالين نفسها قدامي بشكل مرعب والأوبل راح مجنح يمين ولطش في تاكسي نصر 1300 وانا بفضل الله رحت اقصى الشمال بدون تفكير وربنا ستر مكانش حد في الناحية دي وإلا كنت هالبس فيه وبعد ماعديت منهم الكورنيش اتقفل طبعا
لازم غرامات وعساكر وإشارات وسجن وشتيمة وقلة أدب عشان الناس تلتزم
من غير كده الملتزم الناس بتعامله على انه أهبل ولا حول ولا قوة إلا بالله
وبالنسبة للحلول لازم انفاق أي كان تكلفتها لأن حياة إنسان واحد تساوي أكتر من ميزانية أنشاء 1000 نفق وفي نفس الوقت يكون في غرامات على اللي بيعدي من الشارع (بعد عمل الأنفاق طبعا) وأكيد تخفيض السرعة بمساعدة الرادارات
انا أسف للإطالة بس بصراحة مناظر الناس وهي مرمية على الأرض متغطية بجرايد غرقانة دم ماشفتوش كتير غير في مصر وإنا لله وإنا إليه راجعون

========
ع ــــ م ــــ ر و
========

**Samah AbdAllah** · 30-04-2009 03:03 AM

يارب حد يفهم
ولا المسؤلين مش هيتحركوا الا لو راح واحد منهم ولا قريب ولا ابن ضحية حادثة من دول

**hoka** · 30-04-2009 06:46 AM

المشاركة الأصلية كتبت بواسطة BASKOTA

الف سلامة عليك
ده احنا لسة مكلمناش عن ازمة المرور لما تمشى فى شارع ابوقير وخصوصا اشارة كيلوباترا مأساة يوم راس السنة اكتر من ساعة واقفة فيها وعسكرى المرور مش عارف يعمل حاجة كأن اسكندرية كلها هتقضى الكريسماس فى سموحة

اشارة كليوبترا فظيعة ومالهاش حل فى راس السنة وديل السنة كمان

**aesmat1** · 25-05-2009 06:22 PM

الحل هو عمل رادارات بطول الكورنيش، وكذلك توعية السائقين بضرورة الألتزام بالحارات المرورية.

**Maged_Samy** · 28-06-2009 06:06 PM

كل يوم فى قتيل فى منطقة استانلى انا مش عارف اذاى مفيش نفق فى استانلى ؟؟؟؟ النفق الموجود بيعدى نص الشارع بس . والله حرام كل يوم واحد او اتين بيموتوا قدام كازينو السرايا . ياريت المحافظة تعمل نفق ذى اللى بيعملوه فى اسبورتنج