ايه رايك فى تنظيم المرور فى اسكندرية عالبحر
اولا: مشكلة return
اكيد كل السكندريين عارفين مشكلة الريترنreturn فى طريق الكورنيش كله وحتى الزوار اللى بيدخلوا اسكندرية من الصحراوى وعاوزين ينزلوا عالكورنيش بيدخلوا النفق طبعا ويطلعوا على الشاطبى ويعدوا الترام ويكملوا ينزلوا عالبحر لو راجع جليم وميامى وطري المنتزة مفيش مشكلة لو رايح محطة الرمل بقا يلف من الابراهيمية تقريبا عشان يقابل اول ريترن هو كان اقرب من كده شوية لقوا الناس مش بتشتكى وساكتة بعدوه شوية كمان والاجمل لو كنت عاوز تاخد الطريق الموازى للترام الاول كنتاول ماتعدى الترام فى اشارة لما تتفتح تلف واتخد الطريق الموازى للترام بعد شوية بقا تاخد الشارع لاخره لحد البحر وبعدين تلف وترجع تانى برضه لقوا الناس مبسوطة بيتفسحوا لغوها اللفة دى ولازم تمشى عالبحر وتاخد نفس الريترن بتاع الابراهيمية ده وتكمل لحد الازاريطة كده وتاخد ريترن تانى عشان ترجع الشاطبى وتنزل عالترام
انتوا ايه رأيكوا هو ده التنظيم الصح اللى هيقلل الحوادث.واللى هى اصلا مقلتش.
ثانيا: مشكلة انفاق المشاة
الكورنيش بعد التوسعة الهايلة اللى حصلت فيه طبعا با تحفة وجميل وعمل انسيابية فى المرور وده شئ طبعا كلنا نفتخر به لكن تبقا مشكلة المواطن العادى اللى مش بيركب عربية ولا تاكسى هينزله مكان ما يحب الناس البسيطة اللى بتركب باس او مينى باس او ميكروباس لسة التوك توك ماخدش طريق الكورنيش الناس دى بتنزل فى اقرب مكان من المشوار اللى رايحاه واللى احتمال كبير جدا ميكونش قريب من نفق مشاه يعملوا ايه وماتقوليش يمشى لحد النفق ويعدى منه وبعدين يطلع من الناحية التانية يمشى نفس المشوار تانى وماتقوليش مشوار ايه لان المسافة بين الانفاق طويلة جدا مثلا نفق جليم اللى بعد من طرق محطة الرمل فى ستانلى واللى بعده طريق المنتزة فى زيزنيا معتقدش ان فى حد راجع من شغله تعبانة ولا ست كبيرة ولا راجل عجوز ولا حتى شاب هيمشيها والنتيجة حوادث ملهاش نهاية وشباب كتير راحوا فى حوادث وتنظيم المرور عالكورنيش مكانش فى صالحهم حتى السيارات ورغم التوسعة والريترن اللى على بعد مسافات ما ممنعش ولا قلل الحوادث
انا طبعا مش ضد التطوير ولا التوسعة ولا بقول نحفر تحت الكورنيش كله عشان نعمل انفاق
بس لازم يكون فى حل على الاقل يكون فى اشارت واماكن لعبور المشاه
فى ايطاليا موجودة عند كل عمود من اعمدة الاشارات زرار لما تحب تعدى الشارع والاشارة طولت او انت مستعجل اولاى سبب تدوس عليه تتغير الاشارة والعربيات بتقف والانسان يعدى ولما يعدى الناحية التانية يروح عند العمود برده ويدوس عالزار عشان الاشارة ترجع تفتح تانى والعربيات تمشى
ليه ما نعملش زيهم وماتقوليش الناس هتكسل تمشى لحد العمود لان ممكن بسهولة نعمل اعمدة كتير هيكون اسهل من حفر الانفاق واكيد الناس بتخاف على عمرها لاننا اصبحنا فى محاولة مرور الكورنيش كالذى يقوم بعملية انتحارية.
ياريت لو حد عنده مقترحات لحل الازمة
