مين إللى حيتحمل عجز ميزانية الحكومة ؟

دلوقتى الحكومة بتقول ان فى عجز الميزانية طيب العجز مين اللى هيتحملوا طبعا الشعب واحنا هنفضل سلبيا للمتى الى ان ندفن انا اترك لكل واحد يقول راية فى اللى بتعملة الحكومة مع المواطن المصرى دلوقتى كمثال سعر البنزين فى السعودية بريال فقط والسعر العالمى نقول 50 دولار للبرميل يعنى البرميل فى مصر يعمل 500 جينة تقربيا بحساب غلو البنزين فى الفترة الاخيرة دا غير ان دا خام يعنى لسة لم تضاف الية حاجات علشان البرميل الخام يعمل تقربيا برميل ونص بعد الاضافات اللى بتضاف الية يعنى البرميل ابو 50 دولار بيقف على الحكومة ب 150 جينة مع مكسب الحكومة وكل دا وفى عجز 100 مليون طيب ازى العجز بيجى

البنزين دلوقتى بقا برخص التراب بارة واحنا لسة عندنا الاسعار غالية ويقولك فى عجز متعرفش ازى

علشان انت فى مصر يا معلم

عجز الموازنة العامة للدولة الذى يحدث نتيجة لانخفاض موارد الاقتصاد يتم تعويضه للاسف عن طريق ما يسمى بالموارد السيادية للدولة (ولاحظ الاسم)، وهى الضرائب و الجمارك و الرسوم الخ الخ الخ. او عن طريق اخر هو تخفيض الدعم على سلعة تدعمها الحكومة مثل البنزين الذى يقولون انهم يدعموه ب 60 مليار جنيه سنويا. ربنا يستر

الاجابة الشعب يافندم هو الى هيتحمل العجز دة

أنا عايز أفهم ، أنا طول عمرى بسمع عن عجز الموازنة وعمرى ما سمعت عن فائض فى الموازنة وتروح حكومات وتيجى حكومات وإصلاح إقتصادى وخطط خمسية من ورا خمسية والبنك الدولى يشيد بأداء الإقتصاد المصرى وبرضوا فيه عجز فى الموازنة ! ممكن حد يحل الفزورة دى ؟

اقتباس:

---

المشاركة الأصلية كتبت بواسطة Sameh

أنا عايز أفهم ، أنا طول عمرى بسمع عن عجز الموازنة وعمرى ما سمعت عن فائض فى الموازنة وتروح حكومات وتيجى حكومات وإصلاح إقتصادى وخطط خمسية من ورا خمسية والبنك الدولى يشيد بأداء الإقتصاد المصرى وبرضوا فيه عجز فى الموازنة ! ممكن حد يحل الفزورة دى ؟

---

السبب واضح جدا، الزيادة السكانية بتاكل كل موارد التنمية.

و أكبر دليل على صدق النظرية دى هى حالة الصين اللى تقطع القلب، علطول مديونين و عندهم عجز فى الموازنة نتيجة الزيادة السكانية.

:Oc_sun1[1]:

اقتباس:

---

المشاركة الأصلية كتبت بواسطة Hossam_Hassan

السبب واضح جدا، الزيادة السكانية بتاكل كل موارد التنمية.

و أكبر دليل على صدق النظرية دى هى حالة الصين اللى تقطع القلب، علطول مديونين و عندهم عجز فى الموازنة نتيجة الزيادة السكانية.

:Oc_sun1[1]:

---

لا طبعا الصين اقتصادها مرتفع خصوصا فى ال 10 سنين الاخيرة
السبب فى العجز عندنا ان الى بيسرقوا فلوس الشعب كتير وبيخدوا كتييييييير
وبالتالى حتى لو الحكومة بتاعتنا مسكت الكويت الى هى من اغنى الدول فى المنطقة هتلقى الكويت بقا عندها عجز بعد كام شهر ودة طبيعى لان كله بيتسرق وبيتحول على البنوك بارة :,:

بسم الله الرحمن الرحيم
الاجابه ====المواطن

احمد عز بيقول لازم نلغى الدعم اللى على البنزين علشان نعوض العجر

ياراجل هو ده سوال محتاج جواب برضه
الشعب طبعا هو الي يتحمل العجز وانتو عاوزين تاكلو وتشربو وتركبو عربيات ببلاش ولا ايه شعب غريب صحيح لازم تشيلو المسئولية بقي شوية النهاردة هنلغي الدعم عن البنزين وكمان كام شهر هنلغي الدعم عن السكر والزيت والذي منه عشان تبطلو اسراف شوية
نجيبلكو فلوس منين شعب غريب صحيح

اقتباس:

---

و أكبر دليل على صدق النظرية دى هى حالة الصين اللى تقطع القلب، علطول مديونين و عندهم عجز فى الموازنة نتيجة الزيادة السكانية.

---

الصين اكبر دائن للولايات المتحده بقيمة ترليون دولار

المشكله فعلا في الحراميه , والمسئولين في الحكومه الي مش عارفين يستثمرو موارد الدوله صح

شاطرين بيبيعو لاسرائيل باقل من ربع التمن !!!!!!!!! داحنا ملاك الغاز بنستهلكه بسعر اكتر من اسرائيل :s حسبي الله ونعم الوكيل

اقتباس:

---

ياراجل هو ده سوال محتاج جواب برضه
الشعب طبعا هو الي يتحمل العجز وانتو عاوزين تاكلو وتشربو وتركبو عربيات ببلاش ولا ايه شعب غريب صحيح لازم تشيلو المسئولية بقي شوية النهاردة هنلغي الدعم عن البنزين وكمان كام شهر هنلغي الدعم عن السكر والزيت والذي منه عشان تبطلو اسراف شوية
نجيبلكو فلوس منين شعب غريب صحيح

---

شوية شويه الحكومه تقولنا الارض الي انت باني عليها بيتك دي بتاعتنا يلا اخرجو شوفو دوله تانيه تبنو فيها :d

شعب غريب صحيح والحكومه اغرب منه !!!!!!!!!!

عجز الموازنة هو الفرق بين المصروفات والايرادات
يعنى ان الحكومة بتصرف اكتر مما يجيلها ايرادات
طيب تقليل العجز ازاى
نزود الايرادات يعنى زيادة جمارك وضرائب سواء بزيادة السعر او زيادة ما يخضع لهم
نقلل المصروفات

العجز يمول عن طريق الاقتراض سواء من الخارج او
من الداخل زى السندات اللى البنك المركزى يبعها او طبع نقود جديدة

المهم
الحكومة بتصرف اكتر من ايرادتها
طيب ليه مفيش تقليل لمصروفات الاستقبال والبذخ وسفريات الموظفين للخارج ومكافات اللجان ومكافات مجلس الشعب والسيارات والمكيفات

اقتباس:

---

المهم
الحكومة بتصرف اكتر من ايرادتها
طيب ليه مفيش تقليل لمصروفات الاستقبال والبذخ وسفريات الموظفين للخارج ومكافات اللجان ومكافات مجلس الشعب والسيارات والمكيفات

---

يا سيدي الفاضل سيبك من المكيفات والذي منه :d على فكره كلهم بتوع كيف بش مش موضوعنا

شوفت تقرير المركزي للمحاسبات السنه الي فاتت الي بيقولك ان كل وزير بيجدد ديكور مكتبه سنويا بكام مليون

ولا طقم السيكرتاريه في كل مكتب من مكاتبه :d بما ان سيادة الوزير عنده مش اقل من مكتبين


دا اكيد ياعم كل وزير بيجدد ديكور بيته كمان على حسابنا , اعتقد كمان بيبنو بيوت على حسابنا واهو كلها علشان توفر الراحه والحاله النفسيه لسيادته علشان يطلع قرارات خائبه زيه