الموضوع: أشترى جين تو ولا لا ... ساعدونى

المشاركة الأصلية كتبت بواسطة bolty55

بجد انا محتار اوى وبعشق الجين تو . بس كتر الكلام عليها بيزعلنى عن عفشتها انها مش مريحة خالص وكدة ... والحقيقة كنت عايز اعرف رأيكم ... !؟. وانا عضو جديد فى المنتدى واتمنى انى اكون عضو جديد وافيدكم واستفيد منكم

والله الكلام بيزعلنا كلنا بص يا صديق انا معاي الجين تو من مايو 2006 واعتقد اني من اقدم مالكي الجين تو ومن الآخر الجين تو على حسب شخصيتك لو انت ناوي تستثمر فيها الفلوس يبقي مش هتنفعك (على فكره انا بعشق الجين تو بمعني الكلمة عشان محدش من صحبنا يتولى الدفاع والقتال من أجلها أنا بنقل وجة نظري وانا بحارب من أجلها ) لأنها وخده سمعه وبأكد سمعه وليست حقيقه إنها سياره من الآخر ماليزي وافهم كلامي كويس سيبك والمتحمسين ليها الشباب اللى زي زيك وزي حبيبنا اللى فى المنتدي وهيه تستاهل بصراحه ماعدا بعض اللحجات اللى تضايق فى التقفيل أما بخصوص العفشه نعمه والا طريه والا الكلام ده عفش الجين تو فوق الممتاز بالنسبه للطرق بتعتنا فعلا
عايز عربية بتسحب يبقي الجين تو
عايز عربية ثابته على الارض يبقي الجين تو
عايز عربية سعرها مناسب يبقي الجين تو
عايز عربية إستيل يبقي الجين تو
عايز عربية شكلها حلو يبقي الجين تو
عايز عربية توكلها مش حلو على الاقل فى تجربتي يبقي الجين تو
عايز عربية لما تبيعها سعرها ينزل جامد الجين تو
عايز عربية تقفلها مش 10/10 وتقفلها 8/10 يبقي الجين تو

ولك الاختيار
تحياتى

الحقيقة شكرا على كلامك دةز وتحياتى ليك ولكل اعضاء المنتدى

المشاركة الأصلية كتبت بواسطة momenhamdy

طبعاً مفيش كلام بعد كلام الاستاذ محمد
بصراحة الراجل جاب من الاخر

واكيد الكمال لله وحده
بس في سؤال ليك يا استاذ محمد حضرتك عامل كام الف كيلو بالعربيه ولك جزيل الشكر

انا عامل 66 ألف كيلوا يا ستاذ مؤمن على فكره انا مش ناسي موضوع الاسبري بس انشغلت ووالله

تحياتى

أكيد طبعا

أكتر حاجة بدايق منها انى ألاقى ناس معاهم العربية شوية منهم يقولو عفشتها وحشة وشوية يقولو عفشتها حلوة .... طيب الحل اية !!!