تقييم توكيــل هيونداى - غبور

**falcon191** · 29-03-2009 01:18 PM

أنا بافكر نعمل استطلاع رسمي من ناحية إدارة المنتدى لتقييم توكيل غبور وهدفه ليس الهدم ولكن هدفنا كالمعتاد أن يتحرك كل مسئول من ممكانه لتعديل السلبيات والارتقاء بمكانه.
بصراحة غبور مزودها أوي
:b4_592:

**BassamHafez** · 29-03-2009 01:52 PM

انا لا اثق في هذا التوكيل بالرغم اني تعاملت معاةه مرة واحدة بس في صيانة الالف واتسرق من العربية ساعتها 10 جنيه من التابلوة

ازاي ممكن اثق انه ميغيرش حاجة في العربية بدون علمي وخصوصا ان معظم اللي شغال في التوكيل فاتح ورش برة

**ahmed1981** · 29-03-2009 01:57 PM

ممكن تشوف الموضوع التالي ويحتوي على نفس الفكرة منعاً للتكرار:
http://www.nilemotors.net/Nile/showthread.php?t=21221

**falcon191** · 29-03-2009 03:02 PM

ممكن نرفع شعار على غرار"خليها تصدي ومدلها يعدي" ويكون الشعار الجديد "غبور سوف يبور"

**som3aa** · 29-03-2009 03:09 PM

انا لا اثق في هذا التوكيل بالرغم اني تعاملت معاةه مرة واحدة بس في صيانة الالف واتسرق من العربية ساعتها 10 جنيه من التابلوة

ازاي ممكن اثق انه ميغيرش حاجة في العربية بدون علمي وخصوصا ان معظم اللي شغال في التوكيل فاتح ورش بر

انا مش فاهم يعنى غبور شخصيا هو اللى سرق ال10 جنيه!!!
اساسا مش مفروض حد يسيب فلوس و لا اى حاجة فى العربية و دى سياسة الشركة زى ما هى سياسة بقية شركات السيارات و الفنادق كمان
طبعا غلط كبير ان اى حاجة تتسرق من العربية و لازم كنت تبلغ الشركة بس دا مش معناه ان التوكيل هيبدل قطعة من العربية !!

**BassamHafez** · 29-03-2009 04:41 PM

المشاركة الأصلية كتبت بواسطة som3aa

انا مش فاهم يعنى غبور شخصيا هو اللى سرق ال10 جنيه!!!
اساسا مش مفروض حد يسيب فلوس و لا اى حاجة فى العربية و دى سياسة الشركة زى ما هى سياسة بقية شركات السيارات و الفنادق كمان
طبعا غلط كبير ان اى حاجة تتسرق من العربية و لازم كنت تبلغ الشركة بس دا مش معناه ان التوكيل هيبدل قطعة من العربية !!

يا سيدي الفاضل هو يعني لما حد بيقول ان التوكيل وحش معناها ان غبور شخصيا هو اللي وحش :)))

الفكرة في الناس اللي هو بيشغلهم عنده والرقابة الموجودة مش اكتر لكن لما واحد ضميرة يسمحله انه يسرق حاجة من العربية وخصوصا انها في مكان هو مش محتاجة اصلا اللي هو تابلوه العربية يبقى ممكن يسرق اللي اكتر من كدة

الفكرة يا سيدي الفاضل في الرقابة

**rrrrreee** · 30-03-2009 12:18 PM

الشعار الجديد "غبور سوف يبور"

**A_A_ELAZIZ** · 01-04-2009 01:53 AM

انا هتكلم عن تجربتى الشخصية
انا عملت صيانه الألف في ابو رواش وبصراحة كانوا زي الفل بس مش عارف يمكن علشان انا مشترك في خدمة الصفوة ؟؟!!!!
انا كلمتهم وقلتلهم انى في السكة وعايز اعمل الصيانة قالولي انت جيت اصلا ليه !!!!!
المفروض احنا الى نجيلك و المهم قالولي هتروح بوابة رقم 5 ولما وصلت لقيت اسمى متسجل عندهم ولقيت ميكانيكى مستنينى وقالى قولى كل مشاكلك الى في العربية .
وبصراحة في خلال ساعة العربية كانت متزبطة وكله تمام ده كمان في حاجات انا مقلتلوش عليها عملها لوحده
وبعدها بحوالي 15 يوم استلت بيا واحدة من خدمة العملاء وسالتنى عن راي في العربية وفي مركز الخدمة وفي الصيانى وراي كان ايه في الناس الى شغاله من حيث التعامل ويلغتنى انها بعد كل صيانة هتتصل بيا علشان تعرف راي في الصيانة واي ملاحظات على العربية بالإضافة انهم مدينى رقم تليفون للشكوى وده خاص بخدمة الصفوة بصراحة شديدة انا كنت خايف من التوكيل من الى كنت بقراه في المنتدى بس والله هو ده الى حصل
ارجو مكنش طولت عليكم