تسعير هوندا أكورد 93

**sofokl** · 29-03-2009 02:31 PM

أرجو من الأخوة المحترمين أعضاء المنتدى أن يعطونى السعر التقريبى لسيارة أكورد موديل 93 اوتوماتيك بدون فتحة سقف وبحالة جيدة ، وشكرا مقدما للجميع

**Ahmad Allawy** · 30-03-2009 10:53 AM

معلش بعد اذنك.. هي كام سي سي..؟؟
ماشية قد ايه..؟؟ و هل رشة برة ولا فبريكة؟ و ايه كمالياتها؟؟

و كمان الاستاذ الفاضل محمد الشامي هو اقدر واحد يفيدك ف السعر عشان هو من بورسعيد.. و عارف في الهوندا كويس قوي.. و هونداوي قديم..

في انتظار باقي المعلومات..

**sofokl** · 31-03-2009 04:23 AM

اشكرك على اهتمامك يا أستاذ أحمد
وبالنسبة للسيارة هي رشة بره وموتورها 2000 سى سى والكماليات باور وتكييف وزجاج ومرايات كهربائية وهى اوتوماتيك زى ما قلت قبل كده ، بس مش عارف ماشية قد ايه
وشكرا مرة تانيه

**Ahmad Allawy** · 31-03-2009 10:13 AM

الشكر لله يا باشا.. مفيش حاجة..
بس هل انت بتفكر تشتريها ولا بتبيعها ولا ايه؟

**mshamy** · 31-03-2009 10:29 AM

كان في واحده مو 94 على موقع car 100100 صاحبها كان طالب 68 الف تقريبا بس كانت عايزه تترش نظافة
ممكن تقيس على هذه الحالة
وربنا يوفقك

**sofokl** · 01-04-2009 03:56 PM

العربية معروضة قدامى وبفكر أشتريها بس اللى انا خايف منه اكتر من السعر هو موضوع قطع الغيار وعلشان كده عملت مداخلة فى قسم الهوندا عن توافر قطع غيارها بس محدش عبرنى وده قلقنى اكتر وخصوصا انى اصلا ما بشوفش الموديل ده فى الشارع وموديلات التمانينات موجوده اكتر منها

**sofokl** · 01-04-2009 04:05 PM

شكرا ليك يا استاذ محمد على اهتمامك ، العربية معروضة ب 47000 بس موديل 93 وحسب ما اعرف هو آخر الشكل ده وفى شكل جديد من 94 ولو فيه كذا عربية معروضة كان الواحد قدر يحط متوسط سعر لكن للأسف مفيش ، لكن ياريت لو حضرتك تعرف حاجه عن توافر قطع غيارها ومستوى اسعارها يبقى اكون شاكر ليك مرة تانية

**sasam6** · 01-04-2009 04:40 PM

52000-60000 حسب حالة العربية

**mshamy** · 01-04-2009 07:29 PM

المشاركة الأصلية كتبت بواسطة sofokl

شكرا ليك يا استاذ محمد على اهتمامك ، العربية معروضة ب 47000 بس موديل 93 وحسب ما اعرف هو آخر الشكل ده وفى شكل جديد من 94 ولو فيه كذا عربية معروضة كان الواحد قدر يحط متوسط سعر لكن للأسف مفيش ، لكن ياريت لو حضرتك تعرف حاجه عن توافر قطع غيارها ومستوى اسعارها يبقى اكون شاكر ليك مرة تانية

تمام كلامك انه الموديل 93 اخر الشكل و العربية دي ممتازة بمعنى الكلمة بس شرط نظافة الإستعمال و الصيانة طبعا
حاجة العربية موجودة بس قليلة شويتين و غالية علشان أكورد