-
إاستشاره فى شراء سياره!
محتاج رأى اصحاب الخبره
قدامى النترا 2006 فبريكه بره وجوه تكييف تاتش وجميع الكماليات لونها ابيض عامله 58 الف كم
معروضه على 62000 جنيه
وبفكر ابيع الفيرنا بتاعتى ولو انها عزيزه عليا جدا واشتريها وطبعا هادفع الفرق.
ممكن حد يكون عنده خبره مع الالنترا ال 2006 يقللى مميزاتها وعيوبها
وياريت لو يقارنلى بينها وبين الفيرنا
وهل السعر ده مغرى للشراء؟؟؟
طب قطع غيارها اخبارها ايه؟؟
واستهلاك البنزين عامل ازاى؟؟؟
طبعا انا فاهم انى لو عملت شويه بحث فى المنتدى هلاقى المعلومات دى بس الوقت ضيق ومحتاج اقرر بسرعه
شكرا مقدما للإفاده
الموضوع سبق وطرحته فى منتدى الهيونداى وللأسف مشاهدات كتير وردود قليله(2 رد)
-
هية لو تخلص على 60.000 تبقى لقطة
-
بالنسبة لمميزاتها هية عربية حلوة ثابتة و فئة عليا عن الفيرنا و صالون شيك بس مشكلتها ان الشكل الجديد منها جامد لدرجة انة اكل الشكل القديم تمامااااااا بس هية كعربية جميلة و شيك و سعرها كويس بس لو عرفت تهز السعر الف او اتنين تبقى لقطة ...
-
هيا عربيه محترمه جدا انا عن نفسى احبها اكتر من الشكل الجديد وبعدين سعرها مناسب جدا وان وشطارتكوربنا يوفقك
-
انا مقتنع انها عربيه محترمه
بس عايز اعرف ايه عيوبها!!!
يعنى قطع غيارها اخبارها ايه؟
استهلاك البنزين عامل ايه؟
عفشتها عامله ازاى؟
طبعا انا مش بقول انها بى ام بس لو الفرق ما يستهلش بنها وبين الفيرنا خلاص ملوش لازمه المشوار من اساسه.
ولا ايه؟
-
اولا موتور الفيرنا 1600 سى سى .. هو نفسه موتور الالنترا حسب كلام ناس كتير قالولى كده
ثانيا قطع الغيار مش غاليه اوى زى ما انت متصور والكورى عامه اسعار قطع الغيار بتاعته ف اللذيذ
الميزه الكبرى .. وسع العربيه من الداخل احسن بكتير من الفيرنا اللى الكنبه بتاعتها اللى ورا ضيقه جدا
والثبات طبعا احسن ...
-
طبعا الالنترا القديمة احلى من حيث الشكل بكتيييييييييييييييييييييي ييييييييييييييير
بالتوفيق بأذن الله فى البيع
-
سياره ممتازه لوتعمل 59 تبقى لقطه
-
السلام عليكم اولا
ثانيا احب اضيف معلومتين عن العربيه دى او أأكد عليهم
العربيه دى الشكل القديم اللى هو 2005 و 2006 مالوش حل والسبب انهم غيروا الشكل ان الموديل ده نيم جنبه كل موديلات هيونداى التانيه زى الماتريكس والفيرنا والجيتس لان شكلها شيك جدا من بره وخصوصا اما بتتجنط وتهبط شويه وده اساسا بيعزز من ثباتها اللى مايختلفش عليه اتنين ودى ميزه فى كل موديلات الالنترا عموما
وفعلا موتورها هو نفس موتور الفيرنا بس موديل 2004 اما موديلات الفيرنا اللى بعد كده كلها 1500 سى سى وده سبب ان الفيرنا خفيفة على الطريق جدا لان الموتور قوى على البدى بخلاف التصميم غير الكامل طبعا وارتفاعها وكمان الفيرنا مش واسعه بالمره خصوصا من الخلف اما الالنترا فحدث ولا حرج
وبالفعل اغلب الناس اجمعوا ان بالرغم من اختلاف الانتريور بين موديل 2006 و 2007 الا ان الالنترا القديمه شكلها الخارجى اجمل وانسيابى اكتر والموديل الجديد كمان اعلى من القديم
ومن ناحية الفيرنا فمفيش اى وجه مقارنه
لان الالنترا عربيه والفيرنا مش عربيه بالاضافه الى انها فاشله حتى فى المقارنه بينها وبين العربيات اللى فئتها
ويارب اكون افدت ولو عاوز تسأل فى حاجه تانيه اناتحت امرك
-
أزود حاجة على كلام الاخوة الفوق, فى بحثى المستمر عن السيارات و الى مش عاوز يخلص :8954[1]:, كانت هذه السيارة مرشحة بقوة لكن ايام ماشتريت السبكترا فى يونيو 2008, ماكنش معايا ال يكفى ثمن هذا السيارة أيامها (70 - 80 الف حسب الحالة), جميل نجى بأه نتكلم عن العربية أنا سألت ميكانيكية و عفشجية كتير عن السيارة ديه, و كان مجمل الكلام بينتهى أن لكل شركة سيارات من فترة لاخرى تأتى بسيارة فلتة تكاد تخلو من المشاكل, و تحقق المعادلة الصعبة من سعر و سرعة و ثبات و راحة و أسعار قطع غيار جيدة, و نستطيع أن نقول أن هذا الموديل من هيونداى فى مصر هو من حقق تقريبا هذه المعادلة و انها قد تعتبر الفلتة من شركة هيونداى فى مصر (ولا أتكلم عن السوق العربى أو العالمى), لأنى شخصيا لم اسمع شكوى تذكر من هذه السيارة سواء ملاك لها أو صنايعية, و بالطبع مع مقارنتها بالسيارات ذات الفئة و بقيادتى لهذه السيارة أكثر من مرة أجد ماتور قوى ذو سحب عالى و سرعة قصوى تصل الى 200 كم ساعة, عافشة فى نظرى مريحة و ناعمة الى حد كبير (والذى لا يجده البعض فى اللانسر او الصنى) و ثابتة ايضا (و هو ما لا يجده الكثير فى التويوتا كورولا) , وسع داخلى طبعا و أناقة لا بأس بها, قطع غيار أعتقد انها مناسبة جدا بالنسبة لهذه الفئة, و ان كان الشىء الوحيد الذى قد يؤخذ عليها هو الفرامل (مقارنة بهذه الفئة أيضا).
نصيحة أخيرة عند شراء سيارة مستعمل لا تهتم ابدا لفرق سعر 1000 ولا 2000 مقابل الحالة الجيدة التريحلك دماغك, عشان أنا شايف الناس هنا بتتكلم انك تنزل 1000 ولا 2000 عشان يعتبروا السيارة لقطة, خصوصا انا صحيح مش متابع السوق قوى, لكن سعر 59 البيتكلم عليه أحد الأخوة اعتقد هيجبلك النترا من الأخر "مشنيشة" و اسف على اللفظ.
و ربنا يوفقك للفيه الخير ليك ان شاء الله
Content Relevant URLs by
vBSEO 3.6.0 PL2