اى عربيه فوق 1600 سى سى جماركها يبقى 200 %وش
ولو هى 1600 سى سى يبقى جماركها 60%
ولو فوق 2000 سى سى يبقى الجمارك 240 %
عرض للطباعة
اى عربيه فوق 1600 سى سى جماركها يبقى 200 %وش
ولو هى 1600 سى سى يبقى جماركها 60%
ولو فوق 2000 سى سى يبقى الجمارك 240 %
خلاص ادور على واحدة هناك 1600
الفئة اللى 176 فى التوكيل اللى هيا الvti موجودة فى المعارض بحوالى 165 بس مكتوب عليها عند الباب الامامى من الاسفل انها متقفلة فى تركيا بس المعارض بتستهبل وتقول انها خليجى علما بان بتاعت الوكيل 2009 هى اللى خليجى ومكتوب عليها ايضا فى نفس المكان انها صممت طبقا للمواصفات الخليجية من قبل شركة هوندا العالمية بس المعارض بتتعامل مع الناس على انهم معندهمش خبرة يعنى بمعنى اصح المعارض مستوردة النسخة الاوروبية او النسخة اللى بتروح تركيا وبتقول عليها انها خليجى لان الفطيم هو توكيل الهوندا فى مصر والخليج ايضا ومفيش معرض يعرف يجيب عربية خليجى غير من خلال الفطيم اما بالنسبة للفروقات بينها وبين بتاعت الوكيل من الداخل السيارتين نفس الكماليات بالضبط بس من الخارج النسخة التركية نفس شكل موديل 2008 من الامام وليس الشكل الجديد 2009 ومن الخلف الفوانيس غير الموجودة فى الموديلين 2008 و2009 تقريبا شكلها مربع وانا شفت واحدة عند معرض فى جسر السويس اسمة القرش وقالى سعرها 169 الف بس ممكن ينزل لو هتخلص كاش معاهم بس طبعا من غير ضمان الميزة الوحيدة انها ارخص حوالى 10 الاف جنية من التوكيل
موديلات الهوندا
اولا مفيش هوندا خليجي في مصر
اللى موجود حاليا
ياما عربية الوكيل
ياما العربية الهوندا اللى متقفلة في تركيا
عربية الوكيل طبعا احنا عارفين الكماليات بتاعتها
العربية التركي
هي هي نفس العربية بتاعت الوكيل ولكن الاختلاف في شكل الفوانيس الخلفية ( في الوكيل مسدسة و في التركي مدورة زي موديل 2008 بتاع الوكيل)
الفرق بيكون في عدد الايرباجات
اقل موديل في التركي سعره 140000 جنيه تقريبا
و فيه 4 ايرباج الفرش قطيفة و تكييف - باور - راديو cd - مرايات و زجاج كهرباء و طاسات عادية
نفس الكماليات بتاعت الوكيل ماعدا ان الوكيل نازل بـ 2 ايرباج
الموديل اللى بعده سعره بيعمل حوالي 160000
و بيزيد جنوط و نقلات في الدريكسيون - 6 اسطوانات راديو cd - عدد 8 ايرباج
اعلى موديل بيعمل حوالي 168000
يبنزل بجنوط و فتحة سقف و اشارات في المرايات - تكييف تاتش - طارة مالتي - فوانيس شبورة - فتحة سقف
بس التقفيل بتاعها مالوش حل رووووووووووووووعة تحس انه ياباني بجد مفيهوش غلطة
انا سألت على سعر الهوندا سيفيك يوم 30 مارس الخليجى لقيتها ب165000 جنيه وامكانيتها جامده جدا جنوط وفتحه سقف وتحكم فى الفتيس من الدركسيون طاره مالتى فانكشيون و8 ايرباج اى استفسار كلمنى على رقم 0102019291 عبدالله جوده
موجودة عند المعرض اللي جنب المصرية بتاعت المعادي ب 165 الف
يعني السيفيك كلها اللي في مصر تركي؟؟؟خليجي او توكيل
ارجوكم يا جماعه ارجو الإجابه
1- اسعار التركى 140 - 160 - 165 صح ؟ طب إخواتها فى التوكيل كام ؟
2- الفرق بين التوكيل و التركى 1- التركم من قدام الشكل القديم و من ورا مدوره و التوكيل من قدام شكل جديد و مسدسه فيه حاجه تانى ؟
3- الأوبشن هيه هيه ما عدا التركى ايرباجز زياده صح ؟ ولا التوكيل الشكل الداخلى او الأوبشن تفرق ؟
4- النصيحه النهائيه توكيل و لا تركى ؟
5- لو لقيت توكيل اعلى فئه مستعمل 2009 تخلص على كام ؟
بشكركم مقدما و ارجو سرعة الرد :)