السلام عليكم ورحمة الله وبركاته
أنا إن شاء الله هستلم تيدا سيدان الشكل الجديد أوتوماتك أول فئه (لونها رمادي وفيه درجة موف). فلو ممكن تدوني فكرة إيه الحاجات اللي أبص عليها عند الإستلام ولو في أي نصائح ممكن تفيدني خصوصاً إن دي أول عربة أشتريها.
الحقيقة موضوع العربية ده خد مني وقت كبير جداً في التفكير علشان أقرر إيه العربية المناسبة وفي الآخر لقيت إن التيدا تقريباً هي أكتر عربية سعرها مناسب لإمكانيتها وجودتها بعكس حاجات تانية كتير تحس إن سعرها مبالغ فيه.
في الآخر قررت اجيب تيدا هاتشباك وبعدين رحت مودرن موتورز وشفت العربيتين الهاتشباك والسيدان ودي كانت اول مرة أشوف الشكل الجديد فبعد ما شفتهم السيدان عجبتني جداً. (ممكن حد يقوللي الهاتشباك أحلى وانا كنت مقتنع بده برضه بس لما شفت الشكل الجديد السيدان عجبتني)
بصراحة التغيير البسيط اللي عملوه في مقدمة العربية والفوانيس وفي ضهرها خللى شكلها حلو اوي من وجهة نظري.
على العموم انا في انتظار نصايحكم وشكراً مقدماً
المفضلات