النتيجه كام دلوقتى
حد يعرف
النتيجه كام دلوقتى
حد يعرف
بعد 10 دقايق من الشوط الثاني
مصر متقدمة 1 / صفر بهدف عمرو زكي في منتصف الشوط الاول
تعادل 1:1 :(
جوووووووووووووووون
انا سامع الصوت بس مش متأكد
xxxxxxxxxxxx
سورى مشاركة خاطئة
كانت جون بس معرفش متحسبش لية
اكيد انا شايف يالا كوره زى ما هو
هجمه ضايعه لابو تريكه
كان كورة جت في الشبكة من برة لابو تريكة
الماتش خلص 1\1
اداء متواضع جداَ في الشوط التاني و ارتباك طول ال45 دقيقة .
في الشوط الاول .. متعب مشفتوش .. مشفتوش خالص أصلاَ في الماتش غير و هوا خارج .. و من افريقيا 2008 بنقول يا جماعة متعب مستواه دلوقت لا يؤهله للمنتخب و لو مكناش خدنا الكاس كانوا قتلوه أول ما رجع .
شحاتة حاطط بركات في الشمال .. علامة إستفهام .. طبعاَ النتيجة ولا رفعة من الشمال .. و الراجل متقيد في مكانه طول الماتش .
زيدان يخرج قبل متعب ؟!
و نقطة إستهلاك التغييرات كلها و أحمد حسن يكمل الماتش مصاب .
الحقيقة الجهاز الفني مكنش موفق تماماَ في الماتش ده ، و لازم يعيدوا حساباتهم .
يا جماعة نفسي اشوف مصر مرة واحدة في كاس العالم قبل ما اموت
نفس السيناريو بتاع كل مرة
انا ممكن حتي اقولكم اللي فاضل اية
نخسر من الجزائر واحد صفر و يبقي املنا الوحيد انن نكسب كل ماتشاطنا اللي فاضلة فرق بتاع 70 جون بس بشرط ان الجزائر تخسر من رواندا في رواندا ييجي 20/1
و لازم الواحد دة لو مجابتهوش يبقي مش حنتاهل
هو إحنا فعلاً في موضوع كأس العالم نحب حسبة برمة أوي .. لازم مش عارف مين يكسب 3-2 برة أرضه بعدين إحنا نكسبه 4-1 هنا و لازم الفريقين التانيين يتعادلوا !
و عامة مينفعش نتعامل إننا أبطال أفريقيا و أكبر فريق في المجموعة لأن إحنا في الأول و في الأخر مجرد فريق في مجموعة هتلاعب بعضها و اللي هيكسب نقط أكتر هيتأهل .
و مش عايزين نتشائم برضه لسة قدامنا 5 ماتشات بحالهم و مفيش حد راكب علينا في المجموعة .. دلوقت المجموعة كلها معاها نقطة بس الموضوع أصعب علينا لأن زامبيا متعادلة ماتش مهم برة أرضها .. و الجزائر متعادلة برة أرضها برضه و دي نتيجة إيجابية .. و لذلك إحنا مطالبين نهزم الجزائر و رواندا هنا مفيش بديل .. و نتعادل معاهم برة علي الأقل و نكسب رواندا برة .
و معالجة علامات الإستفهام :
مين الباك الشمال بتاع المنتخب !؟ أكيد مش بركات !
ليه بركات يلعب في الشمال .. و ليه بعديه المحمدي يلعب في الشمال ؟
نطلع هاني سعيد و ننزل حسني عبد ربه ليبرو .. يا سلاااااااام !
متعب ليه في المنتخب و التشكيلة الأساسية كمان!؟ يا جماعة مستواه سئ جداَ من أمم أفريقيا 2008 و دائماَ ما يكون لاعب في ناقص في الملعب .
و حاجات تانية كتير الحقيقة انا مضايق من النتيجة بشكل عام و مش مجمع .
علي صعيد أخر كوت إيفوار إنهاردة فازت علي ملاوي 5-0 في نتيجة منطقية من النتائج المنطقية القليلة في تصفيات أفريقيا التي شهدت إحراج كبير للكبار !