ما هو العمر الأفتراضى لمحرك السيارة ؟
السلام عليكم جميعا :)
ده سؤال بيشغل بالى بقاله فترة فقلت أسأل الأخوة الأفاضل أهل العلم و الخبرة هنا فى المنتدى. يا ترى موتور العربية يعمل كام مائة ألف كم ؟؟ يا ترى لو انا حافظت على مواعيد الصيانة الدورية و بغير الزيت و الفلتر فى ميعاده و بلبى كل طلبات العربية أول بأول بدون أى أهمال يا ترى ممكن أوصل بالموتور بدون عمرات الى 500 ألف كم مثلا أم اقل أو أكثر. أنا سمعت و الله أعلم طبعا أن الهوندا سيفيك موديل 92 هوندا كانت بتضمن الموتور تمشى بيه حتى 500 ألف كم مع المواظبة على مواعيد صيانة العربية. المفروض طبعا أن المواتير الحديثة تعيش أطول , و لا لأ ؟؟؟ يا ريت لو حد عنده معلومات بخصوص هذا الموضوع يا ريت يشاركنا , او يقول نوع العربية و أقص كيلومتر مشيته كان كام , أنا كان معايا ابيزا 94 وصلت بيها ل 140 ألف كم بس ديه قعدت معايا 3 سنين و كانت مستعملة , و كان معايا ابيزا سيستم بورش و صلت برده لحوالى 136 ألف كم و الأتنين أتعملهم عمرات :D
ولكم منى جزيل الشكر :) و شكرا على وقتكم , و السلام عليكم و رحمة الله و بركاته.