اللانوس اتسرقت والحمد الله

**Drift_Lover** · 29-03-2009 10:07 PM

نزلت النهاردة الصبح لقيت الزجاج بتاع السواق مكسور

والكاسيت مسروق والغبى قطع ضفيرة الكاسيت بموس

وبوظها خالص وطبعا العربية كانت متغطية ونزلت لقيتها متغطية!!!!

المهم رحت عملت محضر (زيه زى عدمه) والامين

ورئيس المباحث قالولى بلاش غطاء علشان بيساعد

الحرامى

واللى فهمته منهم ان الحرامى بيدخل العربية ويشد الغطا

ويعيش حياته

التلفيات

1- كاسيت jvc ب 850 جنيه

2- زجاج السواق ب 110 اصلى

3-زجاج امامى (نفسى اعرف الغبى ده شرخه ازاى) ب 250

وانا دلوقتى مش عارف اجرج ولا اعمل انذار

وهل الانذار مجدى ولا زى قلته

ربنا يعوض عليك..

وهو فعلآ الغطاء مع انه بيحمي العربيه لكنه بيغري الحرامي...
بيكسر الازاز بطوبه او حتة سيراميك من البوجيه. من بعيد.
ولما يطمن انه ماحش اخد باله.
يروح للعربيه ويفتح الباب ويركب ويقلب اللي فيها. (وطبعآ العربيه متغطيه)
ويخلع باللي سرقه... ده كمان ممكن يكون عنده وقت يفور الكوناكت (وياحبذا لو الدركسيون مش مسوجر) وياخد العربيه ويخلع في دقايق....

الإنذار أأمن...
والجراج طبعآ مكلف لكنه أكثر أمانآ.
وياريت بلاش الغطاء.

**boty50** · 29-03-2009 10:29 PM

ربنا يعوض خير

علي فكره هو قص الضفيره بموس علشان
الكاسيت من غير الفيشه بتاعته بيبقي مشكله
كبيره في اعاده توصيله في عربيه تانيه

**PoweRPassioN** · 29-03-2009 10:40 PM

ربنا يعوض عليك
قدر الله وما شاء فعل

**maka** · 29-03-2009 11:09 PM

شكرا لكل الاعضاء اللى رادوا

و انا رحت حطتها فى جراج بس غالى الشهر ب 100 جنيه بعد الفصال وبفكر

مكملش علشان نزلة الجراج مش عاطفية والعربية بتكحت فيها وهى نزلة وكمان

بعيد والواحد بيقبى نازل الصبح مستعجل

وبفكر اركب انذار رغم ان عربية واحد صحبى فيها انذار اتسرقت بنفس الاسلوب فى حلوان

بصراحة محتار وربنا ما ريح بال اللى سرقنى

ومعلش ليه استفسار هو الانذار ال 2 واى احسن و اامن من العادى

**ramylanos** · 30-03-2009 12:29 AM

ربنا يعوض عليك
وحسبي الله ونعم الوكيل في كل الحراميه

ممكن حضرتك تقولنا انت كنت راكن عربيتك فين بالضبط

يعني تحت البيت ولا بعيد

في حته ضلمه ولا كانت منوره

**mrghost** · 30-03-2009 12:33 AM

معلش ربنا يعوض عليك وكويس انها ت على كده بس

**maka** · 30-03-2009 12:44 AM

المشاركة الأصلية كتبت بواسطة ramylanos

ربنا يعوض عليك
وحسبي الله ونعم الوكيل في كل الحراميه

ممكن حضرتك تقولنا انت كنت راكن عربيتك فين بالضبط

يعني تحت البيت ولا بعيد

في حته ضلمه ولا كانت منوره

راكن تحت البيت و تحت شباك اوضتى والغريبة انى

سهران للساعة 4 ووالدتى بتقوم على الساعة 4 و

نفسى اعرف اتسرقت امتى

و الشارع المفروض منور بس نور

الشارع قاطع بقاله يومين وبيركن معى بتاع 7

عربيات بس من غير غطا ( ربنا يحرسهم لصحبهم)

وبعد اللى حصل 2 راحوا معى الجراج لحد ما يركبوا

انذار والباقى ركن من الناحية التانية من البيت على

الشارع الرئيسى لحد ما نور الشارع يرجع

**mo7a_mo7a** · 30-03-2009 01:04 AM

المشاركة الأصلية كتبت بواسطة zalpany2000

سيدي الفاضل
الحمد لله علي كل حال

نحن السابقون و انتم اللاحقون انا لسه حاصل فيا نفس الفصل و حطيت موضوع بخصوص السرقة اللي حصلتلي دي

اعتقد ان موضوع الانذار ده مجدي نسبيا ، و ربنا يكفيك شر السرقات ان شاء الله
و متزعلش نفسك يا اخي الكريم انا اتسرق مني شنطة فيها اللاب توب و ده فيه شغل سنة في الرسالة وورق مهم جدا

احمد ربنا انها جت علي قد الكاسيت والزجاج بس

و قول اللهم اجرني في مصيبتي و اخلفني خيرا منها

تحياتي

بصرة
انا شرحه لسة مسروق مني اللابتوب وفيه رسالة الدكتوراه وشغل 4 سنين بحاله طبعا كنت عامل باكاب بس هو اخد الشنطة وفيها الاسطوانات بتاعة الباكاب!!!!!

ربنا يعوض عليك تعبك خير محدش حاسس بيك ادي رغم شكري للاستاذ الجميل جدا اشرف فتحي

**mo7a_mo7a** · 30-03-2009 01:08 AM

بالنسبة للعربية

1- متسمعش كلام الظابط وحط غطا لكن برباط بحيث ميتفكش بسهولة وبالتالي هو لما يلاقي الحكاية متعقدة حيسيب العربية ويدور علي حاجة سهلة. لكن لو الغطا سايب يبقي عند الظابط حق

2- انا رايي تركب انزار لان الجراش مش خزنة ممكن تتسرق وهي في الجراج عادي وبعدين انت مش حتبيت العربية في الجراج طول الوقت انت اكيد بتروح وتيجي وبتركن فترات طويلة في اماكن مختلفة وفي كل مرة بتبق يالعربية عرضة للسرقة فلانزار حيبقي اكثر عملانية لانه حيبقي معاك في كل مكان بس استنضف نوع يعتمد عليه وبلاش الحجات الاي كلام

ربنا يعوض عليك وكفاية انه سابلك العربية مخدهاش

**mo7a_mo7a** · 30-03-2009 01:10 AM

المشاركة الأصلية كتبت بواسطة أشرف فتحى

ربنا يعوض عليك يادكتور
انا بجد زعلت جدا مش على اللاب لكن على الرساله اللى تعبت فيها

والله انت راجل بتفهم

مشاهدة نتائج الإستطلاع: اعمل ايه

الموضوع: اللانوس اتسرقت والحمد الله

LinkBack

أدوات الموضوع

عرض

-

-

-

-

-

-

-

المواضيع المتشابهه

عربيتى المازدا اتسرقت والحمد لله

الله يخربيتهم والحمد لله وشكرا هوندا

تجربه عمليه تمت والحمد الله

عملت حادثه والحمد الله

قدر الله وما شاء فعل والحمد لله( افيدني م/طارق زويل )

الكلمات الدلالية لهذا الموضوع

المفضلات

المفضلات

ضوابط المشاركة