1 هل الانذار مجدى فى حكايه تامين الهعربيه ضد السرقه
2 ايه الممكن يتسرق رغم ان العربيه فيها انذار
3 هل كل محد يخبط العربيه لازم انزل اوقف صوت العربيهولا فيه طريقه اخرى
معلش اخوكم مبتدى
عرض للطباعة
1 هل الانذار مجدى فى حكايه تامين الهعربيه ضد السرقه
2 ايه الممكن يتسرق رغم ان العربيه فيها انذار
3 هل كل محد يخبط العربيه لازم انزل اوقف صوت العربيهولا فيه طريقه اخرى
معلش اخوكم مبتدى
1 - الانذار ده عامل زى كلب الحراسة
ينبح لما يحس بحد
2- الانذار مش بيمنع السرقة نهائى لان الحرامى ممكن يتغلب عليه وممكن لا
ثم ده بيعتمد على انت ظابطه على حساسية كام
3 - هوة بعد شوية بيقف لوحدة
وممكن تعمله نور بس مش سارينة
بس انا شايف انه كدة مالوش لازمة
وياريت كمان تجيب قفل الدركسيون
العصايا اللى بتتحط فى الدركسيون بحولى 20-30 جنيه
منها نوعين
نوع بيقفل فى الدركسيون بس بحيث انه مايلفش
النوع التانى بينزل لدواسة تحت ويربط الدركسيون معاها
الانذار انواع
دور على انواعه فى المنتدى وشوف اللى يناسبك
بصراحه الانذار مبيمنعش الحرامى لانه ممكن التغلب عليه!
لكن الفكره انك بتبعد انصاف الحراميه
يعنى الشمامين اللى عايز يأخد اى حاجه من العربيه لما بيشوف لمبه الانذار على التابلوه بيخاف ويدور على عربيه تانيه!
كمان فى نوع جديد two way بيبعتلك أشاره على شاشه الريموت بأن العربيه حد بيحاول يفتحها او اتخبطت على بعد مسافه كبيره ممكن ما تسمعش السارينه منها
ونوع تانى المفروض انك بتركبله شريحه موبايل وبيتصل بيك او يبعتلك رساله لما العربيه حد يدورها وبعدين يفصل كهرباء العربيه وده مشفتوش قريت اعلانه بس فى مصراوى والوسيط
انما إن جيت للحق انا لما ركبته كان عشان الريموت وصوت الفتح والقفل والانتظار والمنظر العام (منظره يعنى).
بس ياريت تنقى حاجه محترمه تعيش معاك ومتعليش حساسيه الانذار بدل كل ما عربيه ما هتعدى جنب عربيتك هاتقعد تزمر لغايه البطاريه ما تفضى او يحصل لعقلك حاجه
شكرا يا اخوانى بس مش فاهم ازاى الحرامى هيتغلب عليه
بص هو طبعا الحراميه لهم طرقهم
بس اعرف واحد كانوا بيفتحوا الكبوت ويفصلوا السارينه او قطاش البطاريه لغايه مايسرقوا الكاسيت او يفصل الجهاز من جوه لو هايسرقوا العربيه لدرجه ان الراجل اللى اعرفه ركب بطاريه تانيه صغيره زى بطاريه الكشاف كده عشان تبقى مستخبيه وخاصه بالانذار بس ومفهمتش أزاى بيشحنها تانى بس انا عارف انه اتسرق منه الكاسيت اكتر من مره
تقريبا كده الحرامى بيبقى كهربائى سيارات سابق لانه بيلغى الانذار ويدور العربيه من اسلاك الكونتاكت
وكان واحد قللى انه بيعملوا وصله كهربه تعمل زى ماس فى الإنذار
الخلاصه انا شخصيا بركن العربيه فى جراج عشان مفكش وش الكاسيت كل ما اسيب العربيه ولا ارجع ملاقيش الغطاء
قلى عايز يسرق عربية هيسرقها بس انت بتزود من وقت السرقة وعوامل صعوبة فقط لا غير
لا بس علي فكرة الكلام ده لما الانزار بيركب بالطريقة البلدية او زي ما بيسموها لطش علي الضفيرة
لو الانزار من نوع جيد وتم تركيبه باحترافية (زي ما الكتاب بيقول) حتتجنب كتييير من المشاكل دي اللي بتحصل لما يتركب مجرد حساس ولمبة ومفتاح وشكرا زي 80% من عربياتنا
انما لو الموضوع ركب مظبوط بمكونات جيدة وحرفية عالية حيشتغل مظبوط وحيبقاله نظام دعم يعني كذا وصلة علي ضفيرة السيارة مما يجعل فصله صعب جدا وحيكون له زي ما انت قلت مصدر كهرباء احتياطي علشان يضرب لما البطارية تتفصل زي موضوع لمبة الطوارئ اللي بتنور لما الكهربا تتقطع في البيت وحيكون له مصدر صوت مستقل الي جانب السارينة ونور السيارة علشان لو السارينة باظت العربية تفضل تسررررررررخ
الانذار مفيد طبعا
خصوصا انة علي الاقل بيبعد عيون المخفيين عنك
بس انا الي اعرفة ان اي محاول لعمل قفلة او لعب في كهربة العربية مبيمنعش الانذار من العمل
زي عربية واحد صحبي كان بيغير البطاريية خالص والانذار شغااال
انا اعتقد ان دة العادي اصلا وهبقي اسئلة عن نوع الاانذار دة اية
يمكن اختلاف الانوع مش زي بعض