مناقشة حول فلتر بنزين السريون
السلام عليكم و رحممة الله و بركاته
طبعا كلنا صعقنا لما سمعنا سعر فلتر بنزين السريون بكام (1407 من غير ضريبة او تركيب)
فالواحد كان بيحاول يوصل لتفاصيل اكتر بخصوص الموضوع ده.
عمرو باشا عمارة كان تفضل و شاف الكتالوج, و ولا وجود او ذكر لميعاد محدد لتغيير الفلتر (التوكيل هنا فى مصر ينصح بتغييره كل 60 الف كم)
و كان محمود (Motorizer) سفيرنا فى سنغافورة :Oc_sun1[1]:سأل حد هناك على سعره, بس مستنين الرد.
بعت اسأل دايهاتسو انجلترا عن سعره, وده كان الرد:
اقتباس:
The Fuel filter is included with the fuel pump, it cant be bought on it's own. This costs around £200
الفلتر مش متاح لوحده, بيتباع مع طرمبة البنزين, و سعرهم على بعض حوالى 200 استرلينى (يعنى 1600 جنيه!!!). على فكرة سعر طرمبة البنزين هنا 2000+.
رحت بعت سألت تانى اذا كان موصى بتغييره, او عمل check عليه او صيانة كل فترة, و كان الرد
اقتباس:
There is no scheduled fuel filter replacement on UK Sirion.
طبعا كلمة UK sirion دى ممكن تستغل بشكل سىء, لكن عموما عرفنا سعر شوية حاجات, و شوية معلومات بخصوص الموضوع.
اكيد عندنا البنزين اسوأ, و الاحسن لنا يتغير كل فترة, لكن اكيد مش بالسعر الهلامى ده:dontudear:
المعلومة الكويسة, ان م/احمد كان قال لى ان التويوتا كورولا برضه الفلتر بتاعها معاه العوامة الالكترونية دى, لكن توكيل تويوتا متيح امكانية تركيب الفلتر فقط و تمنه ما بين 300-400 جنيه ... اظن كده افضل, و نتمنى يبقى متاح فى دايهاتسو