احكيلنا عن مواقفك الصعبة في السواقة و ازاي اتصرفت فيها
السواقة عندنا في اسكندرية بقت حاجة زي الزفت الصراحة و كل واحد بيعمل اللي هو عاوزه و فاكر نفسه هو اللي صح.....
وكنت عاوز اوضحلكم بكذا موقف حصلي في السواقة :
الموقف الاول : كنت داخل علي ميدان لقيت عربية بتلف الميدان و سواقها عاوز يسبقني قبل ما انا ادخل علي االميدان ده ...... ماشي حقه ..... المهم جيت اهدي لقيت تاكسي جاي من ورايا كابس و لو وقفت مرة واحدة اكيد حيلبس فيا من ورا .... طب احاول ااجي يمين الاقي تاكسي تاني كابس ومصر انه يلف الدوران عافية يعني لو انا حدفت يمين يبقي حاخبط في التاكسي ده ..... الصراحة ما لقتش حل غير اني اضرب كلاكس جامد ورحت فالت منهم كلهم ( رحت حادف يمين بسرعة وواخد الدوران قبلهم كلهم لاني لو كنت عملت اي رد فعل تاني كانت اكيد عربيتي حتتخبط )
الموقف التاني :
ماشي في شارع فؤاد و ده عبارة عن 3 حارات وماشي علي سرعة 50 تقريبا و لقيت عربية مرسيدس طالع من شارع جانبي شمال رحت عاطيله كالكس و ملمس رجلي علي الفرامل لانه ممكن يلف علي واسع .... وفعلا طلع سواقها ده حمار بمعني الكلمة وراح مكمل وطالع فعلا من الشارع الجانبي و بدل ما ياخد شماله بعد ما طلع من الشارع القيته راح حادف تاني علشان يدخل الشارع اللي بعده في اليمين.... وطبعا رحت دايس فرامل جامد والحمدلله ما خيشتش فيه.....
الموقف الثالث :
ماشي النهاردة في شارع جانبي ورايح االف يمين علشان اطلع علي الشارع الرئيسي لقيت سواق تاكسي رايح واقف عند اخر الشارع اللي انا فيه وسايب مسافة بينه وبين الناصية علشان اللي عاوز يعدي يعدي واتضحلي بعد ما حاولت اني امشي في الحتة دي ان المسافة يدوبك تاخدني لان كان فيه عربية راكنة علي الناصية بس للاسف ما عرفتش كده غير بعد ما عربيتي حكت في العربية اللي راكنة و جزء من فبر الرفرف الخلفي اتكسر عندي ....... و دي الوقفة المعتادة للتاكسيات عندنا في اسكندرية يعني يقفوا علي الناصية او في نص الشارع وكمان يفتح الباب وهو واقف في نص الشارع....... ربنا ياخدهم يارب
الموقف الرابع :
برضه النهاردة وانا ماشي في طريق بيمر به الترام الاصفر في المنشية والشارع زي الزفت وكله اسفلت مفرقع و حفر واخر بهدلة - المهم الشارع المفروض انه ياخد حارة واحدة فقط نتيجة لوجود عربيات مركونة علي جانب الشارع ..... وانا ماشي كان فيه منحني كده في الشارع و فيه اسفلت مفرقع و محطوط فين يدوبك جنب الرصيف طبعا رحت واخد الحتة دي علي مهلي لاني لولبست في الاسفلت اللي مفرقع ده ممكن الديريكسيون يفلت من ايدي و اخيش في الرصيف خصوصا اني كنت ماشي علي قضيب الترام..... برضه واحد من البعدا ( سواق تاكسي ) كابس عليا من ورا و قعد يزمرلي علي اساس اني كده باتلكع قدام منه ..... حاجة ترفع الضغط بجد
انا عارف اني تقلت عليكم في الكلام بس للاسف السواقة بقت حاجة ترفع الضغط ولولا عدم توفر المواصلا ت كان الواحد باع عربيته و ريح دماغه......
ياريت اللي حصل معاه مواقف صعبة زي دي في السواقة ياريت يحكيلنا و اكيد كلنا كده حنستفيد من تجارب وخبرات الاخرين