ضميري تعبني اوي و مش عارف ارتاح افيدوني من فضلكم

**ahm3d ham>ed** · 30-03-2009 03:10 AM

احنا والله فعلا شعب طيب وبحالات
لما الواحد يحصله حاجة زى كدة وميعملش حاجة للسواق نيجى ونقولة مطلعتش تيت اهلة لية مخلتوش يصلحهالك لية و (من افسد شى فعلية اصلاحة) ماضربتوش لية طالما هو بجح كدة

ولما نضربه ونطلع تيت اهلة وندفعه حق غلطته يصعب علينا وحراام عليك و(ماتقبلش العوض) !
وعلى راى تامر حسنى انا مش عارف انا مش قادر (انا مش فاهم)!
ياريت توضحولنا فى المواقف دى نعمل اية؟

**aboelnagah** · 30-03-2009 03:12 AM

عن راى لو انت فاكر شكل الولد ده بتاع الميكروباص وفاكره كويس ابعت ليه واحد صاحبك وهليه يتأسف ليه وساعتها لو رحت كلمته وصالحته مش هيتخانق معاك

وتبقى راضيت نفسك وراضيت ضميرك وربنا يكرمك لان انت ضميرك صاحى والعفو عند المقدرة دى اجمل صفة فى الانسان ممكن تكون موجودة

**samoevil911** · 30-03-2009 03:22 AM

ممكن اقول حاجة:
لو خدنا الموضوع بواقعية .. الدنيا فيها الحلو وفيها الوحش , فيها الكويس و الفاسد.. مش معنا ان اغلبية السوقين وحشين يبقي كلهم كدا.. احنا اغلبيتنا عموما كبشر وحشين مع بعض.. محدش فينا بيحترم التاني-مع احترامي للجميع- احنا كلنا -الا من رحم ربي- بناكل بعض .. ومحدش بيصبر علي التاني.. وكل واحد معاه سلطة او فلوس بيتنطط علي اللي اقل منوا.. يعني اللي يعرف لواء يتنطط علي اللي معاه ظابط عادي .. واللي معاه ملازم علي اللي معاه امين .. واللي معاه فلوس علي اللي معهوش..
قصدي من كل دا .. ان في احد الاعضاء دخل يهاجم سواقين الميكروباسات بشدة ولا كأنهم حسالة.. هما اه سعات جشعين وفي منهم الوحش وقليل الادب.. طب مبردوا احنا نبص على شببنا .. (شتايم وسب- سجاير- حشيش.... الخ) .. اقصد ان احنا كلنا في غيبوبة

العضو الكريم اللي ضرب السواق.. انا مش هقول مين اللي غلطان في الحادثة.. بس تسمحلس اقلك (مهمن حصل انت غلطان) لان دي كرامة رجل .. تخيل انت لما يجي واحد اعلي منك مركزا مثلا او شبين عملت معاهم حدثة وانت اللي غلطان .. ونزلت تكلم وتزعق-لعلمك معظم اللي بيعملوا حوادث بيبقوا شيفين انهم صح- المهم وزعقت ولان هما اتنين وانت لوحدك ومسكوك ضربوك في الشارع و بالام علي وشك وعيطت قدام الناس ووشك جاب دم... ممكن توصف ايه هيكون احساسك ..؟ خصوصا لو انت علي قد حالك وليس لك ولا حول ولا قوة..
وأومال فين الكاظمين الغيظ والعافين عن الناس.. اللي الرسول (ص) زكرهم لينا .. لو احنا بنحاسب بعض كدا .. يبقي المولي عز وجل علي كل اللي بنعملوا وظلمنا لانفسنا هيعمل فينا ايه..؟

يا جماعة امتي هنبقى احباء مع بعض ورحمين فيما بيننا..

تخيل حضرتك لو كنت اخدت الموضوع براحة .. مهمن كان اتنرفز كنت بكل هدوء .. اخدت حقك .. الناس دي رغم العجرفة اللي هما فيها .. بس من جواهم بيخافوا لان دول مش ركبين عربيات زينا للمتعة والتنقل.. دا اكل عيشهم..

نصيحة من اخ ولك مطلق الحرية في التنفيذ:
اولا متخدش اي قرار وانت متنرفز.. وحاول تكون هادئ دائما.. العصبية اول طرق السقوط في الهاوية
تاني حاجة ياريت مش تدي الفلوس لحاد غلبان ..لأ روح اديها للسواق ده .. يا عالم كان هيستخدمها في ايه .. الله اعلم هيصرفها علي اكل عيلتوا والا مرض والا اين كان.. يا عالم دول 100 جنية يعني بالنسبة ليه ممكن يقعدوه 5 ايام ممكن .. وكفاية دموعه..

من لا يرحم لا يرحم ..

والعضو الكريم اللي بيقول انك لو رحت تعتذر هيتلموا عليك.. احب اقول .. ان هو في حد رايح يصالح واحد ويديلوا فلوس وهو مش مجبر علي كده وهيضربوا .. و والله لو اضربت اهون 100 مرة من نظرة غضب من ربنا عليك ..

اسف جدا جدا علي الاطالة .. هذه وجهة نظري..

**mo7a_mo7a** · 30-03-2009 03:38 AM

علي فكرة هو شعور طيب منك
وفي محله خصوصا ان الولد زي ما بتقول واضح انه اصغر
انا مش حتكلم في الفلوس لكن انت مش شايف انك تاخد حقك بالضرب ده اسلوب همجي وفوضوي... زي الغابة القوي ياكل الضعيف
معلش استحمل كلامي اكيد مش حيكون في حجم الالم النفسي والبدني اللي انت اتسببت فيه للولد ده
وبعدين خد بالك انك مخدتش منه الفلوس برضاه .. لا .. انت سرقته بالاكراه! ايييييييييييييييوة سرقته بالاكراه
وبعدين انت خايف يضربك لما تروح هناك؟ طب مهو من حقه انه يضربك ... العين بالعين والسن بالسن ولا انت فاكر الدنيا ماشية في اتجاه واحد؟ واذا كان انت عملت كده مستني رد فعل سواق المكروباس يكون ايه..

انا رايي تروح انت وصاحبك الي كان معاك بلاش ولدك علشان البهدلة.. وبلاش الموقف بتاع المكروباس علشان متتعرضش لموقف خطر حاول تنتظره خارج الموقف بمسافة بسيطة حتي لو اضطريت تقطع عليه الطريق لانه اكيد مش حيقفلك وكلمه بالحسني ويا ريت تردله اي مبلغ مع الفلوس كاعتذار بسيط حيفرح بيهم جدا

معلش قسيت عليك لكن الموقف اللي انت حكيته بشجاعة مؤلم جدا

ابقي طمنا
تحياتي

**aif** · 30-03-2009 03:55 AM

انا وانا قاعد باشتغل دلوقت تخيلت اني قاضي وان الموقف ده حصل وانا بأحكم فيه
عارف كنت حكمت بأية ( بفرض ان السائق هو اللي غلطان 100 %)
اولا : يدفع السائق حق اصلاح ما كسره واللي هو المراية ( بنفس نسبة خطأه )
ثانيا : يقوم السائق بضرب صاحب السيارة الملاكي بنفس الكيفية وفي نفس الشارع
....
واللي ح يعفو عن حقه .... فهو خير للمحسنين

**mexmarine** · 30-03-2009 04:38 AM

و الله لو انت كنت سكت له كان هياخد منك ال 100 جنيه دول صنف مالوش حل خالص غير كده .. انا واحد قبل كده وقف ينزل زبون و انا وقفت وراه لكن بدل ما يمشى للامام رجع لورا و جابلى فانوس شمال و كمان كان هيجرى و لما جريت وراه وقف و نزل يبص على الاكصدام عنده و لا كأنه كسر لى فانوس خالص .. لذلك تم حمله و رميه على الرصيف و تم التعامل معاه على اكمل وجه .. انا احييك على تصرفك اللى ممكن يخيف طبقة البلطجيه ( ليس كل سائقى الميكروباس طبعا لأن فيهم كثير محترمين و غلابه عاوزين ياكلوا عيش) ده رأيي لأن المضار الوحيد من اى تسيب او بلطجه هو المواطن العادى اللى هو انا و انت و انتى و أسف للإطاله

**نينو** · 30-03-2009 05:17 AM

و الله انا معارف انام لدلوقتي الساعة 4 و ربع بس انتو عارفين انا كنت نازل مش في نيتي اي حاجة هيعتزر او يتاسف و هقولو اتاكل علي الله بس هو نزل يقولي مش تفتح يا عم .... اه يا عم انتي اعمي و منظر المرايا و هي مكسرة كنتو عاوزيني اعمل في اه اقولو معلش حصل خير علي العموم انا قررت خلاص و مش هغير رايي الفلوس هديها لحد محتاج . و شكرا و كان في رد من احد الاعضاء بيقولك العين بالعين و السن بالسن و نسي كلمة البادي اظلم المهم انا بشكركو كلكم عضو عضو و معلش قرفتكم معايا و اسف ليكو و شكرا .

**Mohd_Adel_Amin** · 30-03-2009 09:57 AM

المشاركة الأصلية كتبت بواسطة نينو

و الله انا معارف انام لدلوقتي الساعة 4 و ربع بس انتو عارفين انا كنت نازل مش في نيتي اي حاجة هيعتزر او يتاسف و هقولو اتاكل علي الله بس هو نزل يقولي مش تفتح يا عم .... اه يا عم انتي اعمي و منظر المرايا و هي مكسرة كنتو عاوزيني اعمل في اه اقولو معلش حصل خير علي العموم انا قررت خلاص و مش هغير رايي الفلوس هديها لحد محتاج . و شكرا و كان في رد من احد الاعضاء بيقولك العين بالعين و السن بالسن و نسي كلمة البادي اظلم المهم انا بشكركو كلكم عضو عضو و معلش قرفتكم معايا و اسف ليكو و شكرا .

رأيي الشخصي ان قرارك بإذن الله صائب و عموما لما تصحى الصبح وانتا بتصلي الضحى قول دعاء الاستخارة وتوكل على الله واتبرع بيها و خلي نيتك انك كنت بتسعى لاصلاح فساد موجود في المجتمع

-

الموضوع: ضميري تعبني اوي و مش عارف ارتاح افيدوني من فضلكم

LinkBack

أدوات الموضوع

عرض

-

-

-

-

-

-

المواضيع المتشابهه

خبراء النيفا من فضلكم افيدوني

من فضلكم افيدوني عن الهوندا سيتي

(عاجل) افيدوني من فضلكم

افيدوني من فضلكم في aveo 5

من فضلكم افيدوني

الكلمات الدلالية لهذا الموضوع

المفضلات

المفضلات

ضوابط المشاركة