الموضوع: ضميري تعبني اوي و مش عارف ارتاح افيدوني من فضلكم

انا مع حضرتك فى موضوع حته الضرب الزياده...بس ماتعرفش الظروف ايه اللى كانت حواليه

بس معلش

انا لو غلطت و كسرت مرايه حد ..مش هنزل ازعق؟؟؟

هنزل وانا وشى فى الارض وهتاسفله...وهنفذ اللى يطلبه كفايه حرقة الدم اللى انا سببتها ليه وضياع وقته

ومافيش حاجه اسمها كلنا بنى ادامين زى بعض...

فى فرق بين انسان يغلط وينزل يعتذر ..وواحد تانى ينزل يزعق...والسواقيين دول...متعودين على اسلوب معين...انهم يغلطوا وينزلوا يتبعوا اسلوب -خدوهم بالصوت-

عشان كده انا علقت على حته انو ماينفعش يرجع الفلوس..والراجل يجزاه خير هيديهم للمحتاجين...مش كفايه حرقة الدم وزعله على عربيته...كمان يروح يتاسف للشخص اللى كان السبب فى دا

مع العلم ان فى سائقين فى منتهى الاخلاق والاحترام...بس انا بتكلم عالسائق اللى فى الموقف دا

أوأيدك بشدة في كل ردودك
كل إناء ينضح بما فيه
مرة قبل كدة حصلي نفس الموقف ده مع سواق ميكروباص بردو كنت واقف و مشغل الانتظار و هو جه من جنبي زي القطر و كسرلي المراية
بس ده وقف على طول و نزل يتأسف و كا مصر انه يجيبلي واحدة غيرها و انا بصراحة كنت نازل اضرب على طول
لكن لما لاقيته محترم سيبته و الناس المحترمة دي فعلاً بتبقى الحوادث غصب عنها زي ما اي حد فينا ممكن يحصل حادثة
لكن في فئة تانية لازم تاخد بالجزمة زي اخينا الي نازل يزعق و يقول ما تفتح يا عم
انا مش عارف ليه انت سبت حقك و مخدتش بقية حق المراية او كنت كسرتله البربريز بالباقي و خلاص
لازم يتعور في فلوس علشان يمشي محترم و يحترم بقية الناس
انا لو مكانك اخد شوية من صحابي و اطلع عند الموقف بتاعة و امشي وراه لحد اي مكان فاضي و اخد منه بقيت فلوس المراية
اصل ده حقك
و اخينا الفاضل الي بيقولك انك كدة سرقته بالأكراه
طيب مهو كمان سواق الميكروباص سلب منك حقك و أهانك و نزل يزعقلك و كلمك بطريقة مستفزة
اؤيدك على ضربه لانه أهانك في الاول و لا اؤيدك على ترك حقك المادي

انا ضد الاهانه الجسدية وخصوصا لما توصل لدرجة الدم
صحيح معظم بتوع الميكروباص دول مش كلهم فئه متدنية اخلاقيا وذهنيا لكن في الاخر هو بني آدم

معلش اختلف معاكى كتير...

اولا وصف اى كائن بالانسان يعتمد على اخلاقة و تربيتة و شخصيتة مش لمجرد ان دة موقعة فى خريطة الكائنات الحية... بالتالى وصف سواق الميكروباص بالانسان مش صح... فيه كائنات كتيرادنى من الانسان بتتصرف بنفس الشكل فا من المنطقى ان سواق الميكروباص يكون ضمن المجموعة دى من الكائنات

وانت كنت في مركز القوة وهو في مركز الضعف
واستغليت انك اقوى منه جسديا واقوى لان معاك صاحبك تخيل لو كان الوضع معكوس

لو كان الوضع معكوس كان حيحصل نفس الشىء... بالتالى لازم استغل موقفى كويس جدا طالما انا فى موقف قوة... لانى ببساطة لو بقيت فى موقف ضعف محدش حيرحمنى... و دة برضة راجع للوصف السابق للكائنات دى

الاهانه الجسدية بتجرح النفس والكبرياء ولازم ترد له اعتباره على ضربك له

الاهانة الجسدية للكائنات دى تعتبر نوع من انواع التدريب على احترام الكائنات الاعلى و تذكرة لموقعهم الحقيقى على خريطة الكائنات الحية

وخلي في اعتبارك انه هو يقدر يوصلك ويجيب عنوانك من رقم العربية الموضوع سهل جدا ب 20 جنيه لامين شرطة في المرور

نظريا صح بس عمليا دة عمرة ما حيحصل لان بعد العلقة السخنة اللى اخدها عمرة ما حيفكر يتعرض للراجل دة خوفا من علقة اخرى... برضة فيه كانات ادنى من الانسان بتتعلم بنفس الشكل و رد فعلها بيكون مماثل تماما

لكن لما انت تبدأ بالاعتذار له

معتقدش فيه سواق ميكروباص فاهم يعنى ايه كلمة اعتذار اصلا

تتقي شر انتقامه

لن يحدث للاسباب سالفة الذكر

وتتقي تأنيب الضمير

only valid if we are talking about a human being

وتتقي العقاب في الاخرة

لا إله إلا أنت سبحانك إني كنت من الظالمين... كلامك صح مقدرش اقول حاجة.... فى الاخر ربنا خلقة انسان سواء شئت ام ابيت و اكيد القصة دى ليها حساب عند ربنا

طيب الواحد يعمل ايه يعنى؟؟؟ ينداس بالجزم من الناس دى و يسكت و يقول حسبى الله و نعم الوكيل و يحس انه متهان فى عيشتة؟؟؟ وللا ينفجر فيهم و يعمل زى ما حصل و فى الاخرة يتحاسب على كدة و يتعذب؟؟؟

اللى يعرف الاجابة يقوللى عشان كدة شكلها خربانة خربانة

وبلاش والدك يروح معاك وخد معاك اصحابك وحاول تقابله بعيد عن الموقف

انا مازلت ضد مواجة تانية لان حيحصل ما لا يحمد عقباة بالتاكيد

MMamdouh