الموضوع: ضميري تعبني اوي و مش عارف ارتاح افيدوني من فضلكم

المشاركة الأصلية كتبت بواسطة MMamdouh

انتى انسانة محترمة و لو حصل كدة بالفعل حتعتذرى و ساعتها مش حعرف اقول حاجة

انا افتكر ان فى يوم كنت ماشى عند سور نادى الزمالك وواحده بسويفت راحت رامية شمال للاخر كانت حتلبسنى فى الصور بتاع مطلع كوبرى 15 مايو... طبعا فرملت و فادتها بس جريت وراها و دخلت من جنبها (انا كل دة معرفش انها واحدة) و لسه حفتحه بقى و ازعق لقيتها بتقولى ان "انا غلطانة من ساسى لراسى و متاسفة جدا"...

طبعا انا حسيت انى اثبت و فتحت بقى و معرفتش اقول اى حاجة خالص... و زى الشاطر رحت باصص قدامى و مكمل طريقى و مش عارف انا ازاى اثبت كدة

الاسلوب بتاع الناس بيفرق كتير جدا فى اى موقف بغض النظر عن مين الغلطان و دايمل لما يبقى واحد غلطان و يعتذر بتلاقى اللى قدامة - بفرض انة محترم - بيتعامل بشكل محترم برضة و الموضوع بيخلص فى ساعتها

MMamdouh

هو ده المفيد يعنى الواد سواق الميكروباص لو كان نزل واعتذر بدل ماينزل يزعق كان هيترحم من الاهانه العلقه وماخسرش فلوسه ولا كان هيبقى فى موضوع خالص..

المشاركة الأصلية كتبت بواسطة samoevil911

ممكن اقول حاجة:
لو خدنا الموضوع بواقعية .. الدنيا فيها الحلو وفيها الوحش , فيها الكويس و الفاسد.. مش معنا ان اغلبية السوقين وحشين يبقي كلهم كدا.. احنا اغلبيتنا عموما كبشر وحشين مع بعض.. محدش فينا بيحترم التاني-مع احترامي للجميع- احنا كلنا -الا من رحم ربي- بناكل بعض .. ومحدش بيصبر علي التاني.. وكل واحد معاه سلطة او فلوس بيتنطط علي اللي اقل منوا.. يعني اللي يعرف لواء يتنطط علي اللي معاه ظابط عادي .. واللي معاه ملازم علي اللي معاه امين .. واللي معاه فلوس علي اللي معهوش..
قصدي من كل دا .. ان في احد الاعضاء دخل يهاجم سواقين الميكروباسات بشدة ولا كأنهم حسالة.. هما اه سعات جشعين وفي منهم الوحش وقليل الادب.. طب مبردوا احنا نبص على شببنا .. (شتايم وسب- سجاير- حشيش.... الخ) .. اقصد ان احنا كلنا في غيبوبة



العضو الكريم اللي ضرب السواق.. انا مش هقول مين اللي غلطان في الحادثة.. بس تسمحلس اقلك (مهمن حصل انت غلطان) لان دي كرامة رجل .. تخيل انت لما يجي واحد اعلي منك مركزا مثلا او شبين عملت معاهم حدثة وانت اللي غلطان .. ونزلت تكلم وتزعق-لعلمك معظم اللي بيعملوا حوادث بيبقوا شيفين انهم صح- المهم وزعقت ولان هما اتنين وانت لوحدك ومسكوك ضربوك في الشارع و بالام علي وشك وعيطت قدام الناس ووشك جاب دم... ممكن توصف ايه هيكون احساسك ..؟ خصوصا لو انت علي قد حالك وليس لك ولا حول ولا قوة..
وأومال فين الكاظمين الغيظ والعافين عن الناس.. اللي الرسول (ص) زكرهم لينا .. لو احنا بنحاسب بعض كدا .. يبقي المولي عز وجل علي كل اللي بنعملوا وظلمنا لانفسنا هيعمل فينا ايه..؟

يا جماعة امتي هنبقى احباء مع بعض ورحمين فيما بيننا..

تخيل حضرتك لو كنت اخدت الموضوع براحة .. مهمن كان اتنرفز كنت بكل هدوء .. اخدت حقك .. الناس دي رغم العجرفة اللي هما فيها .. بس من جواهم بيخافوا لان دول مش ركبين عربيات زينا للمتعة والتنقل.. دا اكل عيشهم..


نصيحة من اخ ولك مطلق الحرية في التنفيذ:
اولا متخدش اي قرار وانت متنرفز.. وحاول تكون هادئ دائما.. العصبية اول طرق السقوط في الهاوية
تاني حاجة ياريت مش تدي الفلوس لحاد غلبان ..لأ روح اديها للسواق ده .. يا عالم كان هيستخدمها في ايه .. الله اعلم هيصرفها علي اكل عيلتوا والا مرض والا اين كان.. يا عالم دول 100 جنية يعني بالنسبة ليه ممكن يقعدوه 5 ايام ممكن .. وكفاية دموعه..


من لا يرحم لا يرحم ..



والعضو الكريم اللي بيقول انك لو رحت تعتذر هيتلموا عليك.. احب اقول .. ان هو في حد رايح يصالح واحد ويديلوا فلوس وهو مش مجبر علي كده وهيضربوا .. و والله لو اضربت اهون 100 مرة من نظرة غضب من ربنا عليك ..


اسف جدا جدا علي الاطالة .. هذه وجهة نظري..

المشاركة الأصلية كتبت بواسطة mo7a_mo7a

علي فكرة هو شعور طيب منك
وفي محله خصوصا ان الولد زي ما بتقول واضح انه اصغر
انا مش حتكلم في الفلوس لكن انت مش شايف انك تاخد حقك بالضرب ده اسلوب همجي وفوضوي... زي الغابة القوي ياكل الضعيف
معلش استحمل كلامي اكيد مش حيكون في حجم الالم النفسي والبدني اللي انت اتسببت فيه للولد ده
وبعدين خد بالك انك مخدتش منه الفلوس برضاه .. لا .. انت سرقته بالاكراه! ايييييييييييييييوة سرقته بالاكراه
وبعدين انت خايف يضربك لما تروح هناك؟ طب مهو من حقه انه يضربك ... العين بالعين والسن بالسن ولا انت فاكر الدنيا ماشية في اتجاه واحد؟ واذا كان انت عملت كده مستني رد فعل سواق المكروباس يكون ايه..

انا رايي تروح انت وصاحبك الي كان معاك بلاش ولدك علشان البهدلة.. وبلاش الموقف بتاع المكروباس علشان متتعرضش لموقف خطر حاول تنتظره خارج الموقف بمسافة بسيطة حتي لو اضطريت تقطع عليه الطريق لانه اكيد مش حيقفلك وكلمه بالحسني ويا ريت تردله اي مبلغ مع الفلوس كاعتذار بسيط حيفرح بيهم جدا

معلش قسيت عليك لكن الموقف اللي انت حكيته بشجاعة مؤلم جدا

ابقي طمنا
تحياتي

انا مش لاقى كلام ققولة بعد اللى الناس ديه قالوه +11111111 انا هعمل كدة بس عشان انا لو مكانك خلاص انا فى موقف قوة ودربتة واخدت اللى عايزة عارف لو كان اعتز من الأول كان الموضوع خلص بس عشان عمل كده فمش بلومك على عملتة بس ممكن تتأسفلة وترجعلة الفروس :)

المشاركة الأصلية كتبت بواسطة mohamedezat

لسه الاسبوع اللى فات سواق كسر مرايه اللانسر نزلت لقيته راجل كبير فى السن المهم انا والله فى نيتى مش هاقبل منه حاجه بس قلت مش هاينفع اسيبه يمشى كده وعادى وخلاص

من كلامى وزعيئى لقيت الراجل معترف بخطأه بس اللى نرفزنى واحد من جهابزة الشارع المصرى عاوز يقنعنى انى غلطان علشان هو راجل غلبان وحاسس انى بافترى

طبعا حمرتله وشى وباعلى صوت عندى انت فاكره مرايه 128 انت عارف تمنها كام ؟ وبعدين انت بتتكلم ليه ؟ انت هاتدفعلى تمنها ؟ رد عليا هاتدع تمنها قالى لا قلتله متشكرين ليك وماتتعبش نفسك واللى عاوز يتكلم بالنيابه عن الراجل ده يطلع تمنها واتصلت بواحد بتاع قطع غيار وشغلت الاسبيكر بكام مرايه العربيه قال بعلو صوته والدنيا كلها ساكته ومنتبهه اوى للمكالمه ومنظر يهلك من الضحك وراح قايل 1150 جنيه
تقريبا نص اللى كان واقف انسحب والركاب سكتت خالص والسواق عينه فى الارض وبما انى اصبحت سيد الموقف والكل شايف ان الحق معايا قولتله بص ياحاج انا لو سيبتك يبقا حرام عليا علشان لو مغرمتش هاتأذى غيرى
بس ع العموم انا ماباقبلش عوض
الراجل بجد حسيت باسفه الشديد من نظرته وبعد كده لقيت واحد جالى واقسملى بالله انه يعرف السواق ده وانه محترم واكيد مش يقصد
وربنا يعوضنى خير

مش هاتيجى اعز من اللى راااااااااااااااااااااااا ااااااااااااااااااااااح


وموقف تانى واحد خبط عربيه كانت معايا من اربع سنين كسر الفانوس اخذت بطاقته على امل انه يجيب ليا 150 جنيه وبعد اربع ايام كلمنى وقالى انه جمع 100 جنيه قولتله تعالى وقابلته وماخدتش منه الفلوس واديتله البطاقه

هو الاحسن انك ماتقبلش العوض بس ده فى حاله انك تكون سيد الموقف واللى ادامك يعترف بغلطه
لكن فى موقفك انا لو منك هاكتفى بالعلقه اللى اخذها وخلاص

+111111111111111 لسة النهاردة وانا راجع واحد بلانسر راجع بدهرة باسس الناحية التانية إحساس كنت عارف انه هيخبط جبت مرشدير يادوب خبط كنت طاير بالعربية لورا فاديتة على اد مقدرت عشان فى كل الحالات مش هاخد منة عوض المهم ركنت قدام ونزلت ببص على اللى حصل ساب عربيتة ورا مكانها وجية ماشة وانا اسف وحقك عليا وانا اللإكصدام خبط الحتة ديه وبيتكلم بكل ادب من غير حتى مبصلوا قلتلوا حصل خير ولا يهمك :) وسيبتوا ومشيت طالما طلع محترم لكن لو كان نزل وقال نص كلمة !!! مثلا انتة مش تزمرلى ولا أى حاجة بجد كانت الكلية كلها هتتفرج علية وهيصلحهالى غصب عنة هههههه بس المشكلة انه طلع محترم ههههههههههه

برنس والله برنس انت المفروض كنت سحبت شوية بنزين من التانك وولعت فيه هو والعربية والراكاب كمان ....
احنا هنفضل نسامح لحد امتى وكمان ممعاهوش رخصة يا اخى لو مش عربيتك كنت هتعمل ايه تقولى ضميرك تعبك ...
وكمان الرسول قال : من اتلف شئ فعليه اصلاحه
وكلمت عوضك على ربنا دى شئ من اختراعات المصريين
اخوكم يوسف