اقتباس:
المشاركة الأصلية كتبت بواسطة khaled Ayman
اولا انا كان رأيى انه يرجع الفلوس ليه ؟؟
الراجل سواق ميكروباص و اكيد حالته الماديه زى الزفت ...
و محدش عارف ظروفه ايه ؟؟
عيان ولا سليم بيصرف على كام واحد ؟؟
محدش عارف صح ؟؟
و ال 100 جنيه اعتقد مش هتفرق مع صاحب الموضوع لانه مرايه عربيته ب 400 جنيه يعنى عربيه كويسه و عاليه ..
و ال100 جنيه مش هتغنيه ..
لكن هتغنى السواق ...
و بعدين انا معاك فى ان الى يغلط يتعاقب ..
بس فى حاجه اسمها رحمه ..
لازم اقدر موقف الى ادامى...
و انا معاك برده ان السواق غلطان بنسبه 100%...
بس متوصلش للضرب و اخد الفلوس بالعافيه ..
لو وصلت لكده غصب عن الشخص ..
يبقى فى فرصه انه يصلح غلطته ...
و السواق لو رجعله فلوسه و الراجل اعتذرله بس فى نفس الوقت فهمه غلطه ..
مش هيعملها تانى ...
لان اثر الضرب لسه موجود فيه و السواق عمره ما هينسى الى حصله ..
تحياتى ..
زى ماحضرتك قولت
"ماحدش عارف ظروفه؟؟؟"
يعنى ممكن تكون ظروفه كويسه..وممكن كان واخد الفلوس دى يشترى بيها مخدرات ولا حاجه
ولو كان غلبان فعلا كان حافظ على عربيات الناس ومشى باحترامه...او لما غلط نزل واعتذر..
انما الصراحه من الموضوع باين انو سواق -عيل صغير- وواخد الامور فتونه
وحضرتك بتقول ليه انه اخد الفلوس غصب؟؟؟
مش هو دا اصلا حقه...واحد كسرلى حاجه
يبقى يصلح اللى كسره...مش ينزل يشتمنى كمان ويقولى انت اعمى
وياباشا اغلب السواقين دول واخدين الدنيا بلطجه...وطول ماهما مش لاقيين حد بيغلطهم بيزيدوا..ومافيش حاجه هتلمهم
وصدقنى الرحمه دى ...ماتنفعش غير مع ناس تعرف يعنى ايه رحمه....بس دول واخدين الدنيا عافيه وقلة ادب.(اغلبهم يعنى)
ودول والله لو غلطوا وعاملتهم كويس صدقنى مش هيحسوا على دمهم وبتعظوا...بل بالعكس هتلاقى كل مره بيزيد فيها.(اغلبهم يعنى)
وياجماعه فى سواقيين كتير تفكيرهم على قدهم...يعنى لما يلاقى الراجل راجع بيتاسفله...والله ماهيعمل زى ماحضراتكم بتقولوا..انو هيحس على دمه ويتكسف ووشه يحمر...دا بالعكس..لو ماعملش حاجه للراجل...هيرجع يفترى فى الشارع اكتر من الاول.
تحيــــــــــاتـــى