عن العين السخنه شويه اسئله

**Samir Elshahawy** · 31-03-2009 01:53 AM

المشاركة الأصلية كتبت بواسطة amir

ياباشا مشكور والله انا مش بسئل علي الطريق
انا بسئل عن تقضيه اليوم هناك

العفو ياباشا بس يبدو أن الأمر أختلط عليا لأن فيه عضو فاضل من الشروق كان بيسأل عن الطريق

عموما انا برضه بأفكر أقضي يوم هناك كنوع من التغيير و راحة البال من ضغط الشغل الرهيب اللي أحنا فيه

**maka** · 31-03-2009 04:28 AM

سبحان الله انا امبارح بفكر انا و اصحابى نطلع يوم السخنة علشان نهرب يوم من ضغوط الحياة

**Dr_Smart** · 01-04-2009 05:29 PM

المشاركة الأصلية كتبت بواسطة maka

سبحان الله انا امبارح بفكر انا و اصحابى نطلع يوم السخنة علشان نهرب يوم من ضغوط الحياة

وانا كمان نفس النظام

انا دورت عالنت لقيت فيه بالميرا يوم ال day use ب 120 - 140 جنيه للفرد الواحد ومعاه وجبة غداء و ستيلا اغلى من كده
وفيه اماكن تانية ارخص اقل من 100 جنيه بس معرفش كويسه ولا لا زي واحة مينا

بس اتمنى نسمع اراء عملية وتجارب لناس راحت قبل كده عشان نتشجع

**asbeats** · 01-04-2009 07:15 PM

انا رحت العين السخنة مرة واحدة day use

قضيت اليوم كالآتي:
صليت الجمعة في الطريق
وصلت هناك حوالي الساعة 2 الظهر
اتغديت في CHILI'S اللي في بورتوسخنة
وبعدين مشيت بالعربية في اتجاة الزعفرانة ووقفت بالعربية قصاد البحر ونزلت قعدت على الرمل شوية
رجعت بعد كده يا دوب شربت حاجة في كافيه في بورتو سخنة
وبعدين حضرت حفلة لحسام حبيب ومشيت من هناك 8 كنت في القاهرة 10 ونص تقريبا عشان وصلت ناس جوه السويس

بس على فكرة فيه تفريعة وانت جاي من القاهرة على طريق السويس قبل السويس بحوالي 60 كم
اسمها "طريق وادي حجول" دي بتطلعك على العين السخنة مباشرة من غير متعدي على السويس
الميزة في الطريق ده
بيختصر وقت ومسافة كبيرة
انه فاضي جدا-كنت ماشي فيه لوحدي-
والمنظر في منتهى الروعة
وامان عشان بتاع الجيش اصلا وفيه على اوله وآخره بوابات -الدخول ب 5 جنيه-
والحد المسموح بيه في السرعة 120 كم وده مكتوب على تذكرة البوابة ومفيش اصلا رادار. وعيوبه ان فيه منحنيات كتير وبصراحة صعب يتمشي فيه بالليل عشان طبعا مفيش اضاءة