دايهاتسو ماتيريا .. لمشـروع سيـاحى .. يرجى المساعدة من اصحاب الخبرة

السلام عليكم ورحمة الله وبركاته

هدخل فى الموضوع على طول ..

انا بفكر فى مشروع للمساعدة فى الدخل الشهرى للاسرة
والموضوع انى اخترت عربية دايهاتسو ماتيريا اشتريها قسط و اشغلها فى شركة سياحة تجيب دخل شهرى يكفى اقساطها و يساعد البيت برده

اخترت الماتيريا عشان فيها امكانيات عالية وشيك وفيها كل الكماليات اللى شايفها من وجهة نظرى تنفع فى مجال السياحة ..

عايز اسال بقى عن شوية حاجات ضرورية

هل فعلا الماتيريا تنفع فى المجال دا ؟
يعنى لو دورت على شركات ممكن تاخدها ؟
لو اه فتقريبا كده هاخد مقابل شهرى عليها كام ؟
اقل حاجة واقصى حاجة ؟
وهل فى شركات معينة حد فيكم يعرفها بتاخد وعايزة سيارات جديدة ؟
ياريت اللى يعرف اسم شركة يكتبلى رقمها واسمها

واللى عنده معلومات زيادة ياريت يقولى
سواء العربية حلوة او وحشة او فى شركات معينة عايزة الموديل دا او عايزة اى نوع كويس

واحب انوه انى قريت كام موضوع فى قسم الدايهاتسو و عجبتنى جدا روح التعاون بين الاعضاء والصداقات المتكونة و المقابلات و اتمنى انى لما اجيب العربية ابقى صديق خفيف عليكم .. بس انا جديد فى المجال دا ومابفهمش حاجة فى العربيات غير انى بعرف اسوق ومعايا رخصة :D
فاستحملونى بقى

اسف جدا عالاطالة يا شباب و شكرا مقدما عالمساعدة
==
أشرف شريف

اه وياريت تطمنونى عن اسعار وتوافر قطع الغيار ليها عشان فى ناس قلقونى من الموضوع دا

بص يا سيدى

اخر مرة كنت فيها فى مركز الصيانة, مدير المركز حكى لى عن شخص مغرم جدا بالماتريا, عنده مكتب تأجير سيارات حاليا يملك 5 ماتريا

هو المستهلك بتاعه الاسر الخليجية عامة, لأن العربية واسعة جدا, و فيها كل الاوبشنز و الزجاج الفيميه الخلفى, و اكيد هتبقى ارخص من انهم يأجروا جيب او خلافه على الاقل من ناحية البنزين

قال انه بيأجر العربية ب 300 جنيه فى اليوم, غير شاملة فلوس السائق, و طبعا بياخدوها مدد مش اقل من اسبوعين تلاتة

هو بيحكى ان العربية شغالة زل الفل, و الناس معجبة جدا بيها و مستحملة الشغل ده.

اما بخصوص اسعار قطع الغيار, فأنا شايف ان فى بعض الحاجات اسعارها مبالغ فيها, و الباقى سعره زى المنافسين فى السوق الى حد ما.

توافر قطع الغيار, حاليا فى تقصير نوعا ما, و لكن فى وعود و لام كتير ان الموضوع ده هيختفى مع افتتاح فرع ابو رواش فى 15 يونيو ان شاء الله.

اتمنى اكون قدرت افيدك

الله يخليك يا معاذ انت طمنتنى شوية

بس يامين يلايمنى عالراجل دا :d

اقتباس:

---

المشاركة الأصلية كتبت بواسطة casper10

الله يخليك يا معاذ انت طمنتنى شوية

بس يامين يلايمنى عالراجل دا :d

---

اللى اعرفه ان مكتبه فى مدينة نصر

هحاول اجيب لك رقمه او عنوانه

ميرسى يا معاذ ربنا يخليك كلك ذوق والله
معلش هتعبك معايا :$

انا قريت رسالتك على الخاص


صدقنى هى عربيه تستاهل عربيه ستايلش موووت وتنفع للسياحه


العربيه معاياا وعامل بيها كدة لغايه دلوقتى حوالى 3063 كم زى الفل فى 3 اسابيع بسافر فى الاسبوع مرتين طنطا وبرجع القاهرة والله زى الفل يعنى حماله سفر

دوس يا معلم وربنا يوفقك

أنا بحب العربيه ديه عربيه تحفه

فيه شركه كهرباء بتتعمل في المحموديه بحيره وطالبين عربيات

طب ياريت اى حد يجيب معلومة يجيبها كاملة يشباب عشان اعمل تليفوناتى و كده :d
انتو كده بتطمنونى نص نص فين المساعدة الكاملة بقى :d

أنا بعتذر لك على التأخير

ده رقم أ/هيثم اللى بيأجر الماتريا :
0106215955

و لو سألك جبت الرقم منين, قول له من م/احمد عبدالوهاب, مدير مركز العبور

ده صاحب المكتب اللى عنده ال 5 ماتريا

اتمنى انى مكنش اتأخرت ... و نبارك لك قريب عليها:S_thum1[1]:

ألف الف الف الف شكرا بجد
مش عارف اشكرك ازاى يجميل
بارك الله فيك
(f) :)

لا بص عمتا هي عربية حلوة ومريحة بس انت اكيد محافظ عليها ادعي بس الي يركبها غيرك يحافظ عليها ومبروك وفكرة حلوة