صيانة ال 5000 ومشكلة مع التوكيل غريبة

**hobiko** · 10-04-2009 01:11 PM

من الواضح كدة إن مفيش توكيل محترم في مصر كل ما حتفتح أي قسم من أقسام الماركت التانية إلي في المنتدى بتاعنا تلاقي كل الناس بتشتم في التوكيل بتاعها أنا ماشفتش قسم كل الناس بتشكر في التوكيل و فوق كدة تلاقي المشاكل في التوكيلات كلها متشابهة ما بين ناس مش لاقية قطع غيار و معاملة متخلفة من بتوع الإستقبال لمشاكل تروح تصلحها و ترجع و هي هي لسة موجودة

نفس الكلام بالظبط في كل التوكيلات بدون إستثناء و دة طبعاً شيء طبيعي جداً في مصر المحروسة إلي مفيهاش أي مؤسسة خدمية بتأدي دورها كويس هي دي ثقافتنا أنا مش بأدملاك خدمة لأ احمد ربنا إن احنا بنحاول نصلحلك عربيتك و ناخد منك فلوس حاجة تقرف

**momenhamdy** · 10-04-2009 01:13 PM

المشاركة الأصلية كتبت بواسطة nobies

الجديد بقى يا جماعة
اتصلت بعد الخ hanystar مقالى ان المساعدين وصلوا وسالت عليهم قالى وصلوا يا فندم فعلا وممكن حضرتك تيجى تركبهم , فقولت له ممكن تحجزلى يوم السبت القادم علشان اجى اركبهم قالى يا ريت حضرتك تيجى قبل كدة علشان بيخلصوا بسرعة
قولت له مهو حضرتك احجزهملى خلاص باسمى
قالى يا فندم مفيش مشاكل بس افرض ان حد جيه وطلبهم مقدرش اقوله مفيش
قلت له مانتوا قولتولى مفيش المرة اللى فاتت لما كنت عندكم
قالى مهو فعلا مكنش فيه
اتنرفزت بقى وقولت له انا معرفش اللى بتقولة دة يعتبر اية بالظبط ومليش دعوة انا هاجى يوم السبت اخد حاجتى
قالى طيب

المهم يوم السبت اللى فات لبست ونزلت ركبت العربية وانا فى الطريق قلقت كدة قولت اما اتصل اتطمن بدل متحصل مشكلة
بعد طول انتظار للاخ بتاع قطع الغيار رد وقالى مفيش
طبعا صوت فى وشة يعنى اية مفيش
قالى لسة مجتش من المينا
قولت له نعم يا خويا انا حاجزهم من يوم الثلاثاء بالتليفون وقالولى تعالى السبت
رد عليا رد سخيييييييييييييييييف جدا " مين اللى قالك انهم جم التوكيل"
قولت له هوه انا المفروض اتعرف على كل شخصية بتكلمنى من توكيلكم المحترم واحفظ اسمة علشان تسالوة ان كنت انا كذاب والا لاء
قالى ثوانى هحولك بخدمة العملاء وقفل فى وشى
اتصلت تانى وطبعا اللى جية فى وشى اتهزق كثير وكان خدمة العملاء فعلا
حكيت المشكلة قالى هحولك بقطع الغيار
راح محولنى ببتاع قطع الغيار تانى
قالى انا اسف انا مقفلت فى وشك اصل احنا مبنعرفش نحول من هنا لخدمة العملاء
قولتله اومال انت عملت اية بالظبط ............. المهم قالى خليك معايا ثوانى وسابنى 18 دقيقة بسمع فى موسيقى
كنت طبعا رجعت البيت ودخلت شقتى واتصلت من التليفون الارضى بالتوكيل وكل دة والبية لاطعنى على الهولد مردش
طبعا عملت شكوى وقولتلهم ان المشكة دية هتوصل لحماية المستهلك وهعملكم محضر لو متحلتش
قالولى فى حد هيتصل بيك حالا يا فندم ويحللك مشكلتك
فعلا بعد 30 دقيقة اتصلت مهندسة قعدت تعتزر شوية وبعدين قالتلى ان المساعدين مش موجوديين وانهم كان عندم قطعتين ومحجوزيين
طبعا عرفت هما جابولى مهندسة ترد عليا لية , علشان مزعقش اكثر من كدة بس للاسف 20 دقيقة تهزيق منى للتوكيل وزعيق وضغطى على جدا ومراتى وبنتى اتلموا عليا وكانت ليلة
المهم قالتلى ان فى خلال الاسبوع دة فى حد هيكلمنى وهيكونو وصلوا

المهم فعلا يوم الثلاثاء الماضى اتصلت بيا تانى وقالتلى انهم وصلوا تعالى ركبهم بكرة
قلتلها بكرة دة يبقى الاربعاء انا مقدرش اسيب الشغل انا هاجى يوم السبت
قالتلى مفيش مشاكل
طبعا اكدت جدا على ان المساعدين لازم يبقوا موجودييين هههههههههههههاااااااااااا ا انا مش ههزر والله المرة الجاية

ربنا معاك يا استاذي الفاضل
و ان شاء الله المساعدين يتغيروا و يكون كله تمام

**hany79** · 10-04-2009 01:27 PM

فعلا شكل كل التوكيلات زبالة, و هي دي طبيعة الشعب المصري لما يطمن انه بقى كويس ,يقعد يهرتل بعد كده. الاسبوع اللي فات كنت في السبع زهراء المعادي ,لقيت المهندس بتاع الاستقبال قاعد مبلط برة و شوية يختفي و العربية فضلت مرمية ربع ساعة و الورشة جوة مفيش فيها غير عربية واحدة و فني عمره بتاع 16 سنة عمال يعك فيها.
بعد كده دخلت عربيتي و برده عيل تاني جه هو يعمللي الصيانة (15000) طبعا انا قاعد بتفرج من فوق و دمي محروق من الخدمة الزبالة و بعد كده حاسس ان في حاجة مش مريحاني في العربية, كلموني يسالوني بعد كده اذا كان فيه اي مشكلة ,قولتلهم بقى ان الصيانة و الاستقبال و كلوا بقى زبالة و اني حروح يشوفوا فيها ايه مظبوطة كده و لا انا نفسيا حاسس انها مش مظبوطة.
خلاصة الكلام كل الاماكن اللي بتقدم خدمات لازم تفرش في الاول و بعد كده يظهروا بقرفهم.

**Ahmed Selim** · 10-04-2009 02:08 PM

الى صاحب الموضوع

لما تروح أن شاء الله أبقى أسأل على المهندس وائل زكى

راجل محترم جداً بيشتغل 3 أيام فى توكيل رينو و 3 فى كيا عشان العك اللى عندهم ده........لو ملقتهوش فى اليوم جه فى كيا أطلب منهم أنهم يحولوك عليه و أحكيله......لعل و عسى يقدر يساعدك

**nobies** · 11-04-2009 04:23 PM

السلام عليكم

النهاردة روحت التوكيل ولية راجع من شوية
المهم النهاردة العدد كان كبييييير جدا جدا فقررت انى مش هتكلم على اى مشاكل غير موضوع المساعدين وممكن اجى تانى علشان المشاكل التانية لانى لاحظت صوت تزييق من التابلوة واتضحلى انة من البربريز

المهم قابلنى مهندس الصيانة وعرفتة انى جاى النهاردة علشان المساعدين
قاللى تمام اتفضل فى الاستراحة من الساعة 10:30 ص
بعتلى الساعة 12:20 قابلنى مهندس تانى قالى حضرتك كان المفروض انك عارف ان الشدادات لازم تتغير فممكن تكون هيه اللى عاملة الصوت دة
قولتلة يا نهار ابيض هوه انتوا بعد مركبتوا المساعدين الصوت لسة موجود
قالى مساعدين اية اللى ركبناهم؟
قولت له امال انتوا ركبتوا اية؟
قالى مركبناش حاجة انت عرفت منين اصلا انهم من المساعدين
- انا اصلا جاى علشان اركب المساعدين وقولت كدة من البداية وانتوا اتصلتوا بيا علشان كدة
- يعنى فى حد كلمك؟
- ايوة امال انا عرفت ان فى مساعدين ازاى
- طيب ثوانى اشوف كدة
استنيتة لحد ما رجع ومعاه بقى المهندس اللى قابلنى ومعاه المهندسة اللى كلمتنى فى التليفون
- طبعا روحت هاجم عليهم بقى وقولت هزعق وهتبقى ليلة بقى خليها تخرب
راح مطلع ايدة كدة فى وشى بيوقنى يعنى وقالى خلاص هنغيرلك المساعدين انت بس اهدا من فضلك
- روحت نازل الاستراحة وندهولى الساعة 2:30 علشان استلم العربية والحمد لله الصوت فعلا راح

بس واضح كدة ان الموضوع لازم يبقى غلس علشان تتحل المشاكل
انا طبعا روحت بعدها سلمت علية وعلى المهندسة واعتزرتلها علشان هيهي اللى خدت الدش الاولانى بقى يعنى

واخيرا الحمد لله بس انا باعتبرها مغامرة لاخذ حقق الطبيعى

**momenhamdy** · 11-04-2009 06:03 PM

المشاركة الأصلية كتبت بواسطة nobies

السلام عليكم

النهاردة روحت التوكيل ولية راجع من شوية
المهم النهاردة العدد كان كبييييير جدا جدا فقررت انى مش هتكلم على اى مشاكل غير موضوع المساعدين وممكن اجى تانى علشان المشاكل التانية لانى لاحظت صوت تزييق من التابلوة واتضحلى انة من البربريز

المهم قابلنى مهندس الصيانة وعرفتة انى جاى النهاردة علشان المساعدين
قاللى تمام اتفضل فى الاستراحة من الساعة 10:30 ص
بعتلى الساعة 12:20 قابلنى مهندس تانى قالى حضرتك كان المفروض انك عارف ان الشدادات لازم تتغير فممكن تكون هيه اللى عاملة الصوت دة
قولتلة يا نهار ابيض هوه انتوا بعد مركبتوا المساعدين الصوت لسة موجود
قالى مساعدين اية اللى ركبناهم؟
قولت له امال انتوا ركبتوا اية؟
قالى مركبناش حاجة انت عرفت منين اصلا انهم من المساعدين
- انا اصلا جاى علشان اركب المساعدين وقولت كدة من البداية وانتوا اتصلتوا بيا علشان كدة
- يعنى فى حد كلمك؟
- ايوة امال انا عرفت ان فى مساعدين ازاى
- طيب ثوانى اشوف كدة
استنيتة لحد ما رجع ومعاه بقى المهندس اللى قابلنى ومعاه المهندسة اللى كلمتنى فى التليفون
- طبعا روحت هاجم عليهم بقى وقولت هزعق وهتبقى ليلة بقى خليها تخرب
راح مطلع ايدة كدة فى وشى بيوقنى يعنى وقالى خلاص هنغيرلك المساعدين انت بس اهدا من فضلك
- روحت نازل الاستراحة وندهولى الساعة 2:30 علشان استلم العربية والحمد لله الصوت فعلا راح

بس واضح كدة ان الموضوع لازم يبقى غلس علشان تتحل المشاكل
انا طبعا روحت بعدها سلمت علية وعلى المهندسة واعتزرتلها علشان هيهي اللى خدت الدش الاولانى بقى يعنى

واخيرا الحمد لله بس انا باعتبرها مغامرة لاخذ حقق الطبيعى

الف حمد لله علي سلامتك من المشوار السخن دا و الحمد لله ان المشكله اتحلت

انا بس في ملحوظه صغيره عايز اقولها لحضرتك مفيش توكيل بيغير حاجة في الضمان غير لما يطلع عين العميل ( اسف علي التعبير ) و لكن هي دي الحقيقه و احيك علي طول بالك و علي تمالك الاعصاب

ولك اجمل تحيه :k10: