الله يبارك فيك
انا اه رحت اللى في جسر السويس
و ربنا معاك و متخافش من التوكيل هو كويس الحمد لله
عرض للطباعة
الحمد له العربية تمام اوي من كل حاجة
بالنسبة لاستهلاك البنزين هو ممتاز بس لو فكرت تحرق هتشفط بنزين لان عزمها حلو جدا على موتور صغير
و سحبها ما شاء الله تحفة و بيديناي اللى انا عايزة و بالنسبة لاي عربية 1200 او 1300 هي يمكن اسرع واحدة في الفئة دي
بس ملحوظة الموتور بتكتم جدا لما تفتح التكييف يعني لو عايز تجري اطفي التكييف
و بالنسبة للثبات بجد انا بروح اسكندرية كتير كما ذكرت قبل كده و احيانا برجع بالليلو ميكونش فيه رادار و الدنيا هادية و مفيش زحمة فا بجري من 140 لـ 160 كم/س
بصراحة انا ببقى مطمن جدا جدا و مش قلقان الحمد لله و بحس اني متحكم في العربية جدا جدا
بس برضه خلي بالك العربية اصلا وزنها 1040 كجم يعني على سرعة زي دي مينفعش تمشي في حتة فيها مطبات هوا كتير او حاجة تخلي اتزان العربية اقل ىن اقل حاجة ممكن تفقد تحكمك في العربية (مع العلم ان ده صعب شوية لانها واخدة 5 نجوم في الـ EuroNCap بس برضه احطات)
و بالنسبة لموضوع 1400 سي سي: هو فيه فعلا 1400 و 1600 و 1900 كمان بس اللى نزل مصر 1200 بس و مانوال بس
و كمان فيه عربيات بونتو السنتر لوك بتاعها بريموتو انذار 1200 سي سي بس اللى نازله مصر اللى من غير ريموت و انذار
يعني اقل حاجة من الاخر.
بس هي عربية فوق الممتازة ان شاء الله و معرفش حد جابها و ندم باستثناء اللى بيحبو يجروا و هما فاتحين التكييف.
s تصدقو ياجماعة ان مفيش مركز صيانة لفيات فى الاسكندرية و انى لو عايز اعمل صيانة لعربيتى اعملها فى القاهرة فى جسر السويس الكلام داة الى قالهولى التوكيل نفسة
ظبعا حد هيجى يقولى فى مركز صيانة فى الاسكندرية فى الباب الاخضر طبعا داة اكيد ميعرفش ان دا خاص بالطارق للنيل وليس اوماترا و صيانتهم زيفت
طب ممكن بعد ازنك تبعتلى تقييم شامل عن البونتو كلاسيك عشان انا ان شاء الله هشتريها لكن فى ناس كانت بتشتكى من الموديلات القديمه بتعتها فعايز اعرف الموديل دا فى مشاكل ولا لا يعنى تقفيل العربيه عامل ايه وهل قطع غيرها متوفره ولا لسه واسعرها فى المعقول ولا . كمان اداء التكيف وهل هو قوى وبيسقع ولا لا وكان فى ناس بتشتكى فى الموديل القديم ان العربيه بتسخن مع التكيف فهل دا موجود ولا لا كمان حجم العربيه والشنطه معقولين ولا ايه معلش انا طولت عليك بس انا اصلى كان معايا عربيه مطلعه عينى فنفسى اشترى عربيه تريحنى وبصراحه البونتو شكلها عجبنى ودا ايميلى moro_8ml@hotmail.com
وزن العربية 875 كجم
المعلومة ده من البروشور
ومن الموقع ده
2003 Fiat Punto Fire 1.2 technical specifications and data - 5 door 1.2 litre (1242 cc) S4 59.8 PS - Carfolio.com car specifications pages
بصراحة ياجماعة اوماترا توكيل محترم والناس اخده فكرة وحشة عنه وانا على طول معاهم و نفس الكلام ده بيحصل معايا
ممكن تشرح لينا اية الى بيحصل معاك وكمان تقول لينا اية المحترم فى اوماترا
يا جماعة فى خبر حلو فى مركز صيانة معتمد جديد فى فيصل اسمه البرقان 43 ش العريش و دول اللى واخدين توكيل Lexus فى الكويت فأظن ها يكونو كويسين اللى عنده معلومات اكتر يا ريت يفيدنا
هو التوكيل حلو جدا فعلا و اعتمادي من ناحية الصيانة و الميكانيكا و كده
انما لو هنبص لصاج مثلا او حاجة تانية في الاكسسوارت يبقى تعملها احسن بره التوكيل و الا هيطلع عينك و هتدفع قد كده و مش هتاخد نتيجة مرضية برضه
انما الميكانيكا و الصيانة و الزوايا مثلا متعملهمش برة التوكيل
و لو عندك اكصدام مكسور او مشروخ مثلا الحل عندهم هو التغيير بس يعني تدفع 1500 جنيه اكصدام ممكن يتلحم و يدهن ب 300 جنيه بالكتير مثلا
لانهم مبيلحموش و الكلام ده
ونفس الكلام في اي قطعة غيار تانية
انا متفق مع حضرتك تماما هو التوكيل حلو جدا فعلا و اعتمادي من ناحية الصيانة و الميكانيكا و كده ... وفعلا انا مجربتوش في غير كده وبالتالي انا بقول محترم زيه زي باقي التوكيلاااات .. ومش عارف حاسس يا استاذ هاني ان ليك موقف مع التوكيل ؟؟