اقتباس المشاركة الأصلية كتبت بواسطة saidbakr مشاهدة المشاركة
حضرتك عندك أمل إن عز العرب يفضل شغال حتى2020 ؟!!!
يا سيدي الفاضل أغلب رجال الأعمال هؤلاء او تلك المؤسسات يعملون كالبائع السريح يعني ( جبرنا و مع السلامو عليكو ) و هذا يفسر مبالغاتهم في هامش الربح و بعض المعاملات السيئة الأخرى، و أعتقد أيضاً أن من يسموه توكيل جديد (أو سبوبة التهرب من الالتزامات او الضرائب ) يتهرب من أي شيء على علاقة بالتوكيل القديم (كما حدث مع توكيل فورد ).
الخلاصة الوحيدة، أن الضمان الحقيقي لتوفر قطع غيار للسيارة و إمكانية صيانة مناسبة هو في انتشار السيارة و ما يترتب عليه من تجار قطع غيار و حرفيين ( صنايعية ) - لا يضر أن يكونوا مهندسين - مهتمين بهذه النوعية او تلك من السيارات.
اقتباس المشاركة الأصلية كتبت بواسطة MohabSaeed مشاهدة المشاركة

* بالنسبه لقطع الغيار ... العربيه من الاساس اتباعت اينعم هى مش منتشره اوى بس اتباع منه كتير و موجوده فى الشارع و ليها محلات قطع غيار مخصوص لبروتون + محلات قطع الغيار الاستيراد .
فاحب اطمنك فى نقطه توافر قطع الغيار و التزام الوكيل بصيانه السياره .
مافيش وكيل بيبص انه يبيع عربيه لمده 5 سنين و بعد كده يقفل , او على الاقل عز العرب مش كده هو اينعم فيه مشاكل , لكن فعلا هو توكيل كبير " قد نتفق او نختلف " و فيه ماركات كتير + ان بروتون شغاله معاه كويس جدا و بتجيبله فلوس من غير مايصرف عليها .

و لو قولنا رجب فورد
و ايه الى حصل بعد ماتوكيل فورد اتغير ؟
توكيل فورد الجديد ملزم بتصليح اى عربيه عليها بادج فورد و بيصلح الفورد فيستا و الاسكورت موديلات التسعينات ,توكيل فيات الجديد بيصلح السينا و التمبرا و التيبو موديل سنه 90 .

حضرتك حتى لو التوكيل افلس ولا اتسحب منه و راح لوكيل جديد العربيه بتكون ملزمه من الوكيل الجديد . ده شئ

الشئ التانى العربيه نفسها موجوده فى الشارع و ليها محلات قطع غيار و ليها تجار بيشتغلو فى قطع غيارها الاستيراد .
يبقى المشكله فين ؟
و هل محلات قطع الغيار حتقفل ولا تغير نشاطها ؟؟ اكيد لا لان هما معروفين و ليهم زبونهم الى بيتعامل معاهم .

كمثال الفاروميو ... حاليا ملهاش توكيل , لكن قطع غيارها موجوده عند محلات قطع الغيار الايطالى زى الكيلانى مثلا , و ليها مركز صيانه النيل الهندسيه .


...بالنسبه لبروتون عموما انا شايف انها كل يوم بتنتشر اكتر و اكتر و اسعار قطع الغيار بتنخفض نتيجه للانتشار .