مفاااااااااااااااااجأه بروتون

**zee** · 30-03-2009 04:05 PM

السلام عليكم
اخوانى انا قرأت باحد المواقع ان شركه بروتون سوف تتخلى عن الشكل الحالى للواجا والذى هو من تصميمها
وقامت شركه بروتون بالاتفاق مع شركه متسوبيشى على استخدام الشكل الحالى للسياره لانسر 1500 cc
ومعنى هذا ان الواجا الحاليه خلاص !!!!!!!!!!!!!!!!!!!!
وماذا عن قطع الغيار والتوكييييييييييييييييييي يل و ..........و.............. واشياء اخرى تدور بذهنى
ولماذا هذا التخلى المفأجى لشركه بروتون عن هذا الموديل الرائع
يا اخوانى من لديه اى معلومه يلحقنا بها من حيث صحه هذا الخبر والمشاكل او المزايا المترتبه عليه من وجهه نظركم فى حاله صحته
وما هو الميعاد المتوقع لطرح الموديل الجديد اقصد شكل الانسر فى هذه الحاله وهل هو بماتور بروتون ام بماتور الانسر

**MuhammedSoliman** · 30-03-2009 05:32 PM

الخبر فى اللينك ده
Next generation Proton Waja to be based on the Mitsubishi Lancer platform

وتم مناقشته من قبل فى المنتدي
تحياتى

**ahmedsiyam** · 30-03-2009 08:20 PM

اللينك بيطلعنى على الصفحة الرئيسية للمنتدى

**SaMeR-PrOtOn ‎** · 30-03-2009 08:33 PM

اتفضلوا اللينك
http://paultan.org/archives/2008/12/...ancer-platform

**abo3bdolrahman** · 30-03-2009 08:48 PM

على ما أذكر إن بروتون نفت الخبر ده بس مش لاقى اللينك بتاع موضوع النفى ده و على فكرة دى مش حاجة كويسة إنها تاخد أشكال ميتسوبيشى القديمة خصوصا و إن الواجا كانت أول تصميم خالص من بروتون غير مبنى على تصميمات ميتسوبيشى القديمة.

**m.3abdel3al** · 30-03-2009 08:50 PM

بس التصميم جامد اوي على موتور الواجا وهمييييييييييي

**MuhammedSoliman** · 30-03-2009 11:22 PM

المشاركة الأصلية كتبت بواسطة abo3bdolrahman

على ما أذكر إن بروتون نفت الخبر ده بس مش لاقى اللينك بتاع موضوع النفى ده و على فكرة دى مش حاجة كويسة إنها تاخد أشكال ميتسوبيشى القديمة خصوصا و إن الواجا كانت أول تصميم خالص من بروتون غير مبنى على تصميمات ميتسوبيشى القديمة.

انا معاك فى الموضوع ده بس يمكن يغيرو الشكل بس البلات فورم واحد ... يمكن ... زي الفورد الجيد ماهو بلاتفورم لانسر
تحياتى

**MohabSaeed** · 31-03-2009 02:22 AM

من الاساس الواجا بقالها قد ايه ؟
9 سنين فى خطوط الانتاج " من سنه 2000 " و ديه فتره كبيره جدا بالمقارنه باى عربيه . و لازم يتم تغيرها ب موديل احدث علاشان تواكب التطور الى حصل فى فئه السيارات المتوسطه الكوريه و اليابانيه .
عموما الواجا الحاليه حتفضل فى خطوط الانتاج على الاقل الى 2010 و من المنتظر ان الواجا الجديده " كليا " حننزل الاسواق فى 2011 . يعنى الموديل الحالى حيكون بقاله فى خط الانتاج 10 سنين كاملين , طبعا فتره قياسيه , مافيش عربيه كوريه او يابانيه قعدت الفتره ديه ابدا و ده بيدل على الواجا الحاليه عربيه جيده جدا .
الواجا الجديده لسه مافيش كلام مؤكد هل حتاخد شاسيه الانسر " شاسيه فقط " مش حتبقى نفس شكل الانسر مع تغير البادج .
و فى كلام تانى انهم حياخدو شاسيه من روفر الانجيليزيه " المملوكه لسياك الصينيه " .
لسه مافيش كلام مؤكد .

* بالنسبه للتوكيل ... التوكيل ملزم بأصلاح و صيانه و توفير قطع غيار اى موديل من بروتون على الاقل لفتره 10 سنوات بعد توقف انتاج الموديل , يعنى لو الواجا حتتوقف فى 2010 هو ملزم بيها على الاقل ل 2020 !!

* بالنسبه لقطع الغيار ... العربيه من الاساس اتباعت اينعم هى مش منتشره اوى بس اتباع منه كتير و موجوده فى الشارع و ليها محلات قطع غيار مخصوص لبروتون + محلات قطع الغيار الاستيراد .
فاحب اطمنك فى نقطه توافر قطع الغيار و التزام الوكيل بصيانه السياره .

**saidbakr** · 31-03-2009 03:51 AM

المشاركة الأصلية كتبت بواسطة MohabSaeed

...

* بالنسبه للتوكيل ... التوكيل ملزم بأصلاح و صيانه و توفير قطع غيار اى موديل من بروتون على الاقل لفتره 10 سنوات بعد توقف انتاج الموديل , يعنى لو الواجا حتتوقف فى 2010 هو ملزم بيها على الاقل ل 2020 !!

....
.

حضرتك عندك أمل إن عز العرب يفضل شغال حتى2020 ؟!!!
يا سيدي الفاضل أغلب رجال الأعمال هؤلاء او تلك المؤسسات يعملون كالبائع السريح يعني ( جبرنا و مع السلامو عليكو ) و هذا يفسر مبالغاتهم في هامش الربح و بعض المعاملات السيئة الأخرى، و أعتقد أيضاً أن من يسموه توكيل جديد (أو سبوبة التهرب من الالتزامات او الضرائب ) يتهرب من أي شيء على علاقة بالتوكيل القديم (كما حدث مع توكيل فورد ).
الخلاصة الوحيدة، أن الضمان الحقيقي لتوفر قطع غيار للسيارة و إمكانية صيانة مناسبة هو في انتشار السيارة و ما يترتب عليه من تجار قطع غيار و حرفيين ( صنايعية ) - لا يضر أن يكونوا مهندسين - مهتمين بهذه النوعية او تلك من السيارات.