لالالا فى اننه فى الموضوع اكيد
عرض للطباعة
لالالا فى اننه فى الموضوع اكيد
شكرا.......بس ناس كثيير اشترت فعلا.......استراتيجية غريبة ومش مفهومه.....حوالى سنة او اقل شوية والداخلية تحث قائدى المركبات على ضرورة الشراء ثم تعلن اسعار واماكن شراء ..بل ترخيص من وزارة الصحة للعديد من الشركات التى أشترت كميات للسوق....ثم تظهر فجأة فكرة هدية للمواطنين...........استراتيجية المفاجأة تسبب سعادة ممزوجة بالدهشة للمواطن...وحسرة للشركات الموزعة سواء معتمده او غير معتمده.........الحكومة حظها وحش معانا مش عارفه تفرحنا مره بدون مراره....مش كده ولاايه....يمكن انا مكبر المسأله شويتين
يبقي انت اكيد اكيد في مصر
متهيألي أنهم إتاكدوا إن الشنطه ملهاش أي لازمه خصوصا بعد إعتراض وزير الصحه
فطبعا علشان المستوردين للشنط دي ميلبسوش في الحيط
الحكومه هاتشتري منهم وتوزع علي الشعب وفوق كل شنطه مثلث هديه
يعني كله علي حساب صاحب المحل
ويبقوا يلموا تمنهم بعدين في اي مناسبه ظريفه
يا جماعة الموضوع ده مريب إلى أبعد حد.
يعنى فى الوقت اللى الحكومة عمالة بتدور على مهرب من العلاوة بتاعة الموظفين بسبب الأزمة العالمية, تيجى وزارة الداخلية تطوعاً كده توزع 60 جنيه على كل سيارة مجاناً؟ يعنى ممكن العملية دى تكلف إجمالى حوالى نصف ملياااااااااااااااااااااا ااار جنيه.
يعنى إذا كان اللى بيتكلم مجنون, يبقى اللى بيسمع يشد فى شعره بقى.
طيب أنا مستعد أصدق بس أعرف فلوس الهدية دى هيدبروها إزاى ومن جيب مين بالظبط؟
يا خوفي تطلع حقيبة وزارة الداخلية دي غير مطابقة للمواصفات و بعد ما ناخدها ناخد عليها مخالفات و يلمو مننا فلوس تاني
يبقى كمين ملعوب :049:
الاخوة الافاضل
لي سؤال هام طب اللي هيجدد بعد شهر مايو يعمل أيه ؟؟؟؟؟؟؟؟؟؟؟
يمشي من غير مثلث و شنطة لحد ما ييجي ميعاد التجديد و يأخذهم مجانا و الا يعمل ايه ؟؟؟؟؟؟؟؟؟
رجاء الافادة
سمك : فرض موضوع الشنطة من اساسه
لبن : خلاص اشتريتوا ؟ حانوزعها ببلاش بس مش حانقولكوا ازاي. و في اول لجنة جرب ترد على البيه الظابط و قول له انك قريت مش عارف ايه في الاهرام - حايقولك ادفع و ابقى روح حاسب في الاهرام
تمر هندي : بحبه ساقع . . سكر خفيف
الموضوع ببساطة انهم بعد تطبيق قانون المرور الجديد بكل ما فيه من غرامات وحبس وبهدلة وقلة قيمة,لقوا الحصيلة عالية قوي والخزاين اتملت على الآخر ومش لقيين مكان يحطوا فيه الفلوس اللي بيلموها ليل نهار.وكمان هما خايفين من الحسد لأن الشعب كله دلوقت بينق عليهم وباصصلهم في اللقمة,قالوا نضرب عصفورين بحجر...
نزكي عن الملايين اللي جمعناها
وفي نفس الوقت "اطعم الفم تستحي العين" حاجة كده زي الوردة الدبلانة اللي بيصوروها كل سنة والباشا بيديها للناس في العربية وفي عينيه نظرة ابوة دفينة والمواطن بيبص للكاميرا في بلاهة وذهول.
طب ده في حاله ال لسه مرخصش اما اذا كان الواحد رخص خلاص هيعمل اه هيروح يقولهم انا عايز الشنطه والمثلث كده من غير حاجه خالص الوزير قال لما كل واحد يرخص طب ولي رخص من فتره هيعمل اه
انا كمان سمعت بس مش مصدق
http://contactcars.com/News_ViewStory.asp?NewsID=2783
صرف المثلث وشنطة الإسعاف "مجاناً" منحة حكومية أم قرار له تبعات؟
كد اللواء شريف جمعة مساعد وزير الداخلية للشرطة المتخصصة أن قرار اللواء حبيب العادلي وزير الداخلية بمنح المواطنين "حقيبة الإسعافات الأولية والمثلث العاكس" مجاناً جاء تيسيراً على المواطنين من قائدي السيارات ، ولمواجهة التجار الجشعين.
وكشف اللواء جمعة في تصريحات لصحيفة "الأهرام" يوم الأربعاء عن أن المواطنين سيتسلمون المثلث والحقيبة مجاناً من وحدات المرور التابعين لها اعتباراً من شهر مايو المقبل وذلك عند التقدم للوحدات لإجراء تجديد تراخيص السير للمركبات المملوكة لهم فقط.
وكان وزير الداخلية قد أصدر قراراً بمنح حقيبة الإسعافات الأولية والمثلث العاكس كـ"هدية" لجميع أصحاب السيارات بكافة أنواعها تيسيراً على المواطنين.
وأشار مساعد وزير الداخلية للشرطة المتخصصة إلى أن في حالة الترخيص لأول مرة ينبغي التأكد من تسلم السيارة الجديدة للمثلث وحقيبة الإسعاف ، مؤكداً أن جميع السيارات التي سيتم ترخيصها خلال شهر أبريل الحالي ليست ملتزمة بحيازة الحقيبة والمثلث.وأكد أن التفتيش على المثلث والحقيبة لن يتم إلا عند الترخيص فقط وليس في الأكمنة أو الطريق العام ، وذلك حرصا على عدم تعطيل إجراءات التأكد من صحة التراخيص.
وطالب اللواء جمعة المواطنين بوضع المثلث العاكس أمام السيارة حال تعطلها في الطريق حرصا على سلامة قائد السيارة وسلامة السيارة نفسها ، ومنعا لوقوع تصادم مع سيارة اخرى ، أو تعرضه لتوقيع عقوبة ضده.
جاء قرار الداخلية المفاجئ ليثير تساؤلات المواطنين بشأنه ، خاصة في ظل التأجيلات المتواصلة لتنفيذ بندي "المثلث وشنطة الإسعاف" في قانون المرور الجديد ، كما أن هذا القرار لم يشر إلى طريقة استخدام شنطة الإسعافات الأولية أو محتوياتها ، أو وضع أصحاب السيارات الذين اشتروا "المثلث والشنطة" بالفعل.
في سؤال هام : لو انا رخصت فعلا قبل أنتهاء المهلة و ليس معي الشنطة و المثلث ماذا أفعل ؟؟؟؟؟؟؟؟؟
أروح المرور و أقدم الرخصة و أطلب الشنطة و المثلث أم انتظر حتى العام القادم و أستلمهم مجانا و امشي من غيرهم ؟؟؟؟؟؟؟؟؟؟
و الا السنة الجاية هيطلع قانون جديد ؟؟؟؟؟؟؟؟؟؟؟؟؟
خلاي الواحد دماغه لفت من قرارات الحكومة المتخبطة
أنا سمعت امبارح فى حلقة العاشرة مساء -بس كلام غير موثق- إن فى شركة دعاية وإعلان عرضت على وزارة الداخيلة إنها تدى الحقيبة والمثلث مجاناً عند الترخيص, والداخلية قبلت العرض.
حد يعرف معلومات مؤكدة عن الخبر ده؟
فعلاً أنا كمان سمعت الكلام ده في الحلقة بتاعت إمبارح بس مش قادر أستوعب....مال الدعاية والإعلان ومال الشنطة والمثلث؟؟! همه سابوا الإعلانات وبقوا يشتغلوا في مستلزمات العربيات؟؟ :biggrin24:
وكانوا بيقولوا كمان إن الشركات اللي بتصنع المثلثات والشنط في مصر هاتخسر حوالي 150 مليون جنيه بسبب الحركة اللي الحكومة عملتها فيهم دي.....قالولهم صنعوا بكميات على قد ما تقدروا وهاناخد منكم الإنتاج كله......وبعد كده رجعوا في كلامهم بعد ما الناس صنعت وإستوردت!! :7bteen: :clap:
هي تقريباً الحكومة حبت تلبس أصحاب الشركات دي في الحيط بسبب المكاسب الوهمية اللي كانوا بيكسبوها قبل كده! :sifone:
قال يعني الحكومة ما كانتش متوقعة إنهم هايستغلوا حكاية قوانين المرور الجديدة دي عشان يكسبوا من وراها ملايين!!
يمكن كدبة إبريل؟؟؟؟............. الحكومة و مجانا!!!!!.............. أستر يار ب
الكلام صحيح وانا سمعته فعلا بس انا فهمت انه مرتبط بتجديد الرخص
بمعنى انه اللى حيجدد من اول مايو حياخدهم هدية اما الناس اللى مش حتجدد فلم يحددوا اذا كانوا المفروض يمروا على الوحدات ياخدوا الهدية ام انهم لازم يشتروها .
طبعا لو لازم يشتروها يبقى كده الهدية ستعطى لعدد محدود لان الباقى مضطر يشتريهم من اول مايو بعد انتهاء المهلة وطبعا مفيش حد حيستنى لميعاد تجديد رخصه ويعرض نفسه لغرامات متتالية من اللجان على الطريق .
علي فكره التفتيش علي المثلث و الشنطه هيكون عند تجديد الرخصه فقط...
يعني الاكمنه و اللجان مش من حقهم يسألوا عليها...
المعلومه الكامله اهي:
http://contactcars.com/News_ViewStory.asp?NewsID=2783اقتباس:
وأكد أن التفتيش على المثلث والحقيبة لن يتم إلا عند الترخيص فقط وليس في الأكمنة أو الطريق العام ، وذلك حرصا على عدم تعطيل إجراءات التأكد من صحة التراخيص.