حساس الاكسجين

**A.samy** · 30-03-2009 05:09 PM

كنت عايز اعرف فكرة عمل حساس الاكسجين واية الدخل والخرج بتاعة وهل من الممكن معرفة افضل خرج لية كام ونستغنى عن الحساس ونثبت القيمة اللى ذاهبة الى الكمبيوتر عن طريف بتنشومتر وبذلك نضمن افضل استهلاك للبنزين ولا الفكرة دى صعب تنفيذها

**ahmedsrs** · 30-03-2009 09:00 PM

حساس الأوكسوجين او حساس فرن الشكمان وظيفته انه يقيس درجة تشبع غاز العادم بالأكسجين .
لو غاز الشكمان مشبع بدرجه عالية بالأكسجين يبقى في كميه هواء بتدخل غرفة الاحتراق اكتر من البنزين وبيكون المخلوط مش مظبوط فيقوم كمبيوتر السيارة بزيادة نسبة البنزين في المخلوط بزيادة وقت فتح الرشاشات والعكس صحيح .
والنسبة الصحيحة هى هواء الى بنزين 14.6:1
واكيد وجود حساس الأكسجين احسن من عدم وجوده عشان يقدر يدى الأداء المثالى للمحرك ويقلل من استهلاك البنزين يعنى لو مفيش حساس اعتقد استهلاك البنزين هيبقى مضاعف او لو اداء المحرك هيبقى ضعيف لو تم تثبيت النسبه بهدف توفير الوقود

**kemks** · 02-04-2009 08:19 AM

المشاركة الأصلية كتبت بواسطة astsaae

كنت عايز اعرف فكرة عمل حساس الاكسجين واية الدخل والخرج بتاعة وهل من الممكن معرفة افضل خرج لية كام ونستغنى عن الحساس ونثبت القيمة اللى ذاهبة الى الكمبيوتر عن طريف بتنشومتر وبذلك نضمن افضل استهلاك للبنزين

ولا الفكرة دى صعب تنفيذها

الفكره كويسه جدا و علي فكره في المواقع الاجنبيه شوفت الفكره دي بس شوفتها بالنسبه لحساس قياس درجه حراره الهواء IAT و كان في مشاركه بطريقه و ضعه بس ملقيتش اي اقبال من اي احد
http://www.nilemotors.net/Nile/showt...461#post744461

بس الواضح ان من الممكن تثبيت القيمه الخارجه عن طريق وضع مقاومه معينه برقم معين مكان فيشه الحساس و فصل فيشه الحساس بس محتاجه حبه بحث ان شاء الله الموضوع دا برضه في دماغي

لو وصلت لحاجة ياريت تبعتلي

شكرا و بالتوفيق

**MMamdouh** · 02-04-2009 04:36 PM

حساس الشكمان بيديك احسن استهلاك... لو نسبة البنزين زادت حيبقى المزيج غنى و العربية تاكل بنزين

لو البنزين قل حيبقى مزيج فقير و حرارة غازات العادم حتزيد اكتر من اللازم و ممكن الموتور يبوظ

MMamdouh

**mecho_392** · 03-04-2009 03:05 PM

متنساش يا باشا ان نسبة الهواء للوقود بتتغير حسب الحمل و دوسة البنزين.. يعنى ساعات طالع مطلع او على طريق سريع او بتحرق (نطاق القدرة القصوى) او اثناء ال idling او Normal power range و Best Efficiency (افضل كفاءة) و بالتالى فى كل مره Air/Fuel ratio بتختلف مثلا
14:1
17:1
12.5:1
و بالتالى الانبعاثات هتختلف و الاستهلاك مش هيتحسن بالعكس هيتدهور جدااااااا.

**Sharaf2009** · 03-04-2009 09:11 PM

تتميز نظم حقن وقود البنزين الاكترونيه بوجود حساس لقياس تركيز الاكسوجين الموجود بالعادم وذلك لوجود علاقه مباشرة بين نسبة خلط الهواء الى النزين وبين تركيز الاكسوجين فى العادم. ويعرف ذلك بنطام التحكم المغلق closed Loop Control System

ويتراوح جهد الحساس من صفر الى واحد فولت. فكلما كان جهد الحساس ضعيفا دل ذلك على مخلوط فقير وتقود وحدة التحكم بزيادة كمية البنزين لمحقونه من خلال زيادة الفتره الزمنيه لفتح رشاش الحقن الالكترونى والعكس صحيح. ومن استخداماته ايضا يساعد المحول الحفاز للحفاظ على ملوثات بيئيه أقل. ومن عيوبه انه يحتاج الى فتره زمنيه عند ادارة المحرك حتى يعمل بكفاءه لانه يعتمد فى عمله على درجة حراره معينه قد تصل الى 600 درجه

**MMamdouh** · 04-04-2009 02:20 AM

المشاركة الأصلية كتبت بواسطة kemks

شكرا علي الايضاح بس احنا بنتكلم علي احسن قرايه للحساس اللي ممكن نحاول نثبتها عشان احسن استهلاك للبنزين و كل دا مجرد مناقشه

ويا تري لو ثبت القرايه ممكن يبقي في مضاعفات زي ما حضرتك بتقول
يعني لو البنزين اصبح نسبته واحده و الهواء اكبر يبقي المشكله هنا مزيج فقير

فالمطلوب تثبيت الهواء و البنزين علي النسب المطلوبه لاقل استهلاك بنزين بس دا اكيد هيأثر علي الاداء مظبوط كدة و لاايه

كبداية اى تعديل على قراية اى حساس مش صح... لانك ببساطة بتضحك على الECU و تخليه ياخد قرارات مبنية على معلومات غلط

لو ثبت القراية يبقى بتثبت زمن فتح الرشاشات بالتالى لو فلتر الهوا اتسد شوية او الهوا برد او سخن او اى عامل من العوامل الموثرة فى نسبة الاكسجين فى غرفة الحريق اتغيرت حيحصل مشاكل

MMamdouh

**kemks** · 05-04-2009 09:42 AM

المشاركة الأصلية كتبت بواسطة astsaae

كلام جميل مقدرش اقول غير كدة بس انا بفكر بصوت عالى والتطوير والتحسين فى اى شىء لا يأتى الا بهذة الطريقة.
وبلاش الكلام اللى بيقول الخواجة معملش كدة يبقى احنا هنخترع ونعملها .

الله ينور عليك يا باشا ممكن نحاول مع بعض عشان نرفع كفائه العربيه من غير ما نأثر علي العربيه و الماتور يارب نحاول مع بعض للرفع من معدل كفائه العربيه

بالتوفيق

-

الموضوع: حساس الاكسجين

LinkBack

أدوات الموضوع

عرض

-

-

-

-

-

المواضيع المتشابهه

خرطوم حساس الاكسجين

حساس الاكسجين فى اللانوس

حساس الاكسجين هو حساس العادم

ما هى فائدة حساس الاكسجين؟

رشاشات و حساس الاكسجين

الكلمات الدلالية لهذا الموضوع

المفضلات

المفضلات

ضوابط المشاركة