الموضوع: تنصحوني بإيه ؟؟

السلام عليكم

اخى وحبيبى اسلام باشا هذه نصيحة منى لك لوجه الله تعالى ومع كامل احترامى لباقى اعضاء المنتدى فأن معظم الكلام

الذى يدور غير صحيح تماما تماما .

أولا أنا ( أعوذ بالله من كلمه أنا ) مهندس وعارف كويس جدا والحمد لله بخصوص هذه الا مور .

حضرتك يا اسلام باشا غيرت زيت فى ال1000 كيلو وفلتر واضفت زيت شيل اللى بيقعد 10000 كيلو

فنصيحتى لك ابتدئ فكر فى تغييره بعد 10000 كيلو لما يخلصوا لان هذه النوعية من الزيوت مصممة لان

تكون معمرة لعمرها الا فتراضى يعنى الزيت ده عشرة يبقى يقعد عشرة واولا واخيرا ده بيعتمد على درجة

الزوجه للزيت ففى الصباح وعندما تكون السيارة بارده قم بقياش مستوى الزيت وايضا خذ بعض منه على اطراف

صوابعك بين الا بهام والسبابة واخلطهم الصابعين وفك صوابعك من بعض بهدوء وشوف مدى اللز وجة اذا كانت

جيده ووجدت قوة تماسك يبقى الزيت لسه بخيره وهكذا.

وجرب وقولى وحتلا قيه بخيره ان شاء الله.

ملحوظة

اليوم تتجه شركات السيارات العالمية بنصيحة لا صحاب سياراتها لكى يحافظوا على مواتير سياراتهم لا طول عمر ممكن

وهذه النصيحة هى 1- استخدام زيت موبيل 1 لانه مع التجارب والا بحاث ثبت انه الزيت الوحيد الذى

يستطيع ان يحافظ على اداء ماتورك ويجعله يدور فى هدوء وايضا طبقاته عندما تلتصق بالبساتم تغطيها تماما حتى مع قلته

مما يعطى وقتا اطول لا زاله الليونه
2- النصيحة الثانيه

بالنسبة للسيارات الحديثة ::: فأن اغلب شركات السيارات تنصح بتغيير الزيت موبيل 1 مش عند العشرة

لا عند 12000 كم بما يحتويه هذا الزيت من درجة لزوجة فائقة تمتد لا طول كم

ماهى خواطر تغيير الزيت عند 7000 او 8000 كم وانا ضايف مثلا موبيل 1 اللى بيقعد عشرة؟

الا جابة

الزيت الجديد يغطى الموتور والبساتم فتكون درجته حاميه على البساتم وبتقل اثناء استهلا ك الزيت

وعندما اغير فى السبعة او فى الخمسة زى ما بعض الا عضاء بيقولو

يؤ دى ذلك الى تأكل البساتم تماما وبعد كده تغنى ظلموه

لان كل شويه اجيب زيت بيقعد عشرة واغير فى السبعة معنى كده انى بجعل طبقة الزيت الجديده الحامية على البساتم عالطول

فطبعا بعد كده مش حتلا قيهم

فأنصحك بالا عتدال

ومفيش حاجة اسمها اصلا بلدنا مليانه تراب ومش عارف مليانه ايه الكلام ده كله مالوش دعوى بتغيير

الزيت خالص

ارجو ان اكون افدتك واعضاء المنتدى .. واسف عما قد بدر منى من اشياء او الفاظ ومش عايز حد يزعل منى

ان بقولكم الكلام الصح عشان تحافظوا على مواتيركم وتضمنوا اداء احسن وفعال ان شاء الله

وفى النهايه كل شخص حر بما يرتضيه ...

والسلام عليكم

أولا أنا ( أعوذ بالله من كلمه أنا )

ملحوظة صغيرة خارج الموضوع:
كلمة "أنا" لا يستعاذ منها فهذا من الأخطاء الشائعة ، ولو كان يستعاذ منها لإستعاذ منها الحبيب فى حديثه حيث قال "أنا سيد ولد آدم ولا فخر" ، ولا يوجد أى دليل شرعى على سنة الاستعاذة منها كأنها منكر..
وجزاكم الله خيرا على نصيحتك لنا جميعا.

شكرا يا دكتور احمد

ورمضان كريم

أنا تحت أمرك فى اى حاجة يا اسلام باشا ومتخفش وتوكل على الله

وملحوظة جيدة فعلا انت مغير فى الا لف يعنى لو غيرت فى العشرة يبقى الزيت قعد 9

حلو مش وحش توكل على الله

والمثل بيقول اسئل مهندس ولا تسألش طبيب

واخد بالك يا د/ احمد

:D

بس ليا استفسار يا استاذ حماده

هو ليه التوكيلات كلها بتنصح بالتغيير عند 5 الاف دايما

انا بصراحه كنت عامل كده مع النوبيرا من يوم ما جت والعربيه بصراحه ماتورها ما شاء الله لحد الان كل اللي يركب العربيه يشكر جامد في اداء الماتور والعربيه عامله دلوقتي 85 الف وانا بغيير عالطول موبيل وان من يوم ما جت وكل 5 الاف كيلو مع فلتر

والمثل بيقول اسئل مهندس ولا تسألش طبيب

واخد بالك يا د/ احمد

مااااااااااااااااااااااشى يا حمادة باشا
بس المثل بيقول إسأل مجرب ولا تسألش طبيب

انا بقى مجرب وطبيب!! 8)

أخى الفاضل: طبعا دا رأيى الشخصى الذى أستريح له ولا يعنى بالقطع أنه الأصوب ، أنا غيرت عند 1000 وعند 10000 وسأغير بإذن الله عند 20000 لأنى أستخدم نفس الزيت الذى تستخدمه: شل الترا هيلكس..

إذا كنا هنعمل بنصيحة التغيير عند 5000 يبقى نسيب الزيت الغالى ده ونجيب حاجة زى توتال كوارتز 5000 وللا أشباهه، إنما دافعين دم قلبنا فى أنضف حاجة وأطول حاجة عمرا ، زيت معمول للمواتير التربو لعربيات تمشى فى الطين على طول ونغيره بعد 5 وللا 7 آلاف ممكن لو معانا فلوس كتيييييييير وعمالين نشترى حمام ونطيره.

إنما لحد دلوقت خلينا عند ال 10000 ، وعلى فكرة تاجر الزيوت اللى باشترى منه مصمم ان الزيت دا يتغير عند 12 - 15 ألف.