يوم الخميس اللي فات ردعت علي الساعة2 بليل وطبعا مفيش اي اماكن وكنت تاني يوم مسافر القاهرة مع صحابي وحسيب عربيتي وطبعا مينفعش اسبها صف تاني ,المهم ركنت العربية يوم الخميس بليل صف تاني لغاية ما يفضي مكان انزل احطها فيه ,لغاية ما لقيت واحد وقف قدام عربية وشكله حيطلع نزلت ودورت عربيتي وانا راجع بضهري السايس جاي يركن عربية من بتوع الجراج في الحتة اللي لسة فاضيه فانا كبست جامد
فقال :ينفع كدة
قلت :معلش اسف (فعلا انا كبست جامد)
قال:يعني ينفع كدة (قلت اة ينفع مش عاجبك لاني اعتذرت لة في الاول اعمل اية تاني؟)
قفلت الباب وطلعت وقمت الساعة 7 نازل رايح اشوف حالي فوجئت بالدوفر الخلفي بتاع الاكصدام مش موجود وحطة معجون في الرفرف الخلف تحت مش موجودة ! اتجنيت هبدت علي باب الجراج مين اللي عمل كدة قال معرفش! ,قلت لة العربية مركونة الساعة 3 ودلوقت 7 يعني 4 ساعات والعربية اللي ورايا مطلعتش من مكانها بقالها اسبوع (عربية ليبي),المهم قلت لة طيب
رحت القسم عملت محضر وخدت واحد يعاين وخبط علي الواد قال لة معرفش
المهم رحت قفلت المحضر وخدت بطاقتي ورخصة العربية وسافرت جيت بليل لقيت مامور الاتحاد سئل عني ملقنيش فكلم بابا فبابا فهمة المووضوع وجابو الواد وقال مش انا والله وكلام كتير كدة ,نزلت انا السبت قالو لي بعتنا للواد كذا مرة مش موجود والمحضر اتصدر للقسم عشان انا كنت عاملة في نقطة التابع لها .وطبعا انا كنت محضر كام شكوي للحي والضرائب والتامينات الاجتماعية قرف منهم بصراحة
قابلني مامور الاتحاد وقالي دة غلبان ومش هوة ومعلش والمسامح كريم وعشان خاطري والكلام دة وكبرت دماغي واستعوضت ربنا .
هل انا مخطئ؟