عرض للطباعة
استطعت اقناع عمى بشراء سيارة نيسان صانى ، بنفس مواصفات سيارتى EX saloon automatic ، وعند زيارتنا للموزع (السبع) افادنا انه حاليا يتم تسليم السيارات موديل 2008، بدون ادنى تغيير عن 2007
اشترى السيارة اوتوماتيك موديل 2008 بمبلغ 91500 ،حجزها يوم الجمعة الماضى، وتم تسليمه اللون اللى كان طالبه (شامبين) فى اليوم التالى لدفع العربون مباشرة واستلم الأوراق بعد هذا بيوم واحد
1600 اوتوماتيك ب 91500 :shock:
ولا هى 1300؟
الف مبروك لعمك يا باشا
مع انى كنت داخل عشان :D اقولها
غريبة جدااا.....
انا اسمع ان السبع كويسين ....
انا روحت المعرض بتاعهم ....وسالت علي 2007 ...وقالي 87 الف ..وماجابش اي شيرة عن الـ 2008...
لا حول ولا قوة الا بالله....
هي الناس مش هاتتقي ربنا بقي ...هما عايزين اية اكتر من ايلي هما فية ....
مافيش صانى محلى 1300 ، كل الإنتاج 1600 فقط
وسعرها 91500 جنيه
على فكرة هم عندهم مخزون من 2007 مانيوال فقط وبيبيعوه ارخص 1000 جنيه من 2008،بس احنا خدنا وادينا فى الكلام كتير مع البياعاقتباس:
المشاركة الأصلية كتبت بواسطة hero
عداة بيكون من الأفضل انك تاخد وتدى مع البياع فى الكلام علشان تعرف كل اللى عنده ويفضل انك تدور على مدير المبيعات مثلا او بياع قديم وليس اللى واقف على الباب
ده يبقى سعر هايل
انا كنت فاكرها اغلى من كده
سعر مناسب جدا
بس ربنا يستر وماتغلاش
مبروك لعم م.سبعاوى
كبير النيسانويه
سعرها مناسب و غير مغالى فيه
و على لسان واحد شغال فى المصنع
قالى العربيه دى جميلة و محترمة جدا
احنا عندنا موديل 98 و مع اخى للان
بصراحة النيسان شركة جامدة جدا
الف مبروك لعمك يا سبعاوي باشا ....وربنا يباركلة فيها ..
والله يا بية انا كنت باتكلم مع واحد تقيل جداا هناك ولا داعي لذكر الاسماء ....وكان حوارة كلة اني لازم احجز ...وحتي ما كانش عندة عربية اشوفها ....المهم انة ما جابش اي سيرة عن 2008 ....لان العقل والمنطق بيقول ان 1000 جنية خصم علي موديل سنة بحالها دة استهبال...المفروض الخصم ما يقلش عن 8 آالف جنية زي اي شركة محترمة برة مصر...
المهم لاقت طريقة الكلام مش قوي ...قمت سايبة وماشي....
اولا السلام عليكم
على فكره انا جديد معاكم فى المنتدى واول مره اشارك فى موضوع وعندى اضافه ان والدى لسه مستلم موديل 2008 من حوالى 3 ايام ب86000
على فكره انا من اسكندريه و اخدنا العربيع من توكيل احمد مرعى بس هوه كان حاجز العربيه واستلمها بعد اسبوع تقريبا
عندى اضافه كمان ان والدى لما راح يشترى العربيه مكانش عنده في المعرض موديل 2007اساسا وان الرجل بتاع المبيعات قاله ان العربيه احتمال تغلى 2000جنيه لو موديل 2008بس مكنش عارف العربيه اللى حيستلمها 2007 او 2008 فقولتله احجز وزى ماتيجى على سعر 86000 لو جت 2007 يبقى خير لو جت 2008 يبقى برضه مفيش مشكله بس الحمد لله موديل 2008 اخدهابنفس سعر 2007
الف مبروك طبعا يا سبعاوي علي النيسان التانيه :mrgreen:
بس بجد شي يضايق الشكل الجديد بقالوا سنتين برا و هنا منزلش !!!!! يعني هما ناويين يعملوا زي دايو ولا ايه ؟
+ ان المصنع ليه متأخر في الشكل الجديد ؟؟
مش ممكن المصنع ايلي واخد حق تجميع شكل النيسان القديم ....هايغير خط التجميع ويدرب العمال تاني ...علي خط جديد...
متهيألي مش قبل 5 سنين ....يعني موديل 2009 و 2010 برضة هايبقوا نفس الشكل ....
بس برضة دة لسة ما جاش حاجة في معجزة هيونداي مصر ايلي بتبيع 3 موديلات (اجيال ) من سيارة واحدة بس...وكلهم موديل نفس السنة علي الزيرو ....(الاكسنت)
ربنا يرحمنا ....ويتوب عليانا..
الف مبرووووووووك لعم البشمهندس سبعاوى و ربنا يحفظهالك
الف مبروك لعمك يا بشمهندس
وعلى فكره انا كان معايا ماتريكس 2007 بعتها وجبت صني ياباني اوتوماتيك 2005 اللي ما تفرقش كتير عن ال 2007 وال 2008 ومرتاح لها جدا جدا جدا والحمد لله .
انا حجزت في مودرن موتورز ايلي في الدقي
وحاجر صني 2008 نبيتي
بس بيقولوا التسليم بعد شهر!!!!!!!!!!!!!!
انا حاجز من 18 يوم ولم استلم ازى دفع واستلم تانى يوم غريبة قوى ممكن كانت جاهزة عنده ........ ربنا يكفيك شر طريقا الف مبروك