عملت حادثة ! ربنا يحفظنا جميعا

**Dr.Mohamed** · 30-03-2009 10:43 PM

جه على بالى موضوع فور فان انه نقول مين الى ما عملش ولا مره حادثه ولا حتى خدش فى عربيته طبعا الى كده عمره ما هيقول بس جه على بالى برضه انه لو كل واحد يحكى عن حاجه حصلتله حادثه وايه الى حصل ليه و اتعلم ايه ؟ او غلطه غلطها كانت هتكلفه كتير
يعنى نستفيد و نفيد بعض من اخطائنا
وربنا يحفظنا جميعا
اخوكم
محمد

**sendrella** · 30-03-2009 11:14 PM

انا حصلي موقفين كنت هفقد فيهم حياتي و الحمد لله
بس جات سليمة
عمر الشقي بقي

مرة كنت بعدي طريق و انا رايحة الجامعة
في طريق جامعة عين شمس كدة في ترام من بتوع زمان دول
و انا بعدي و مش في بالي خالص انه بيكون اتجاهين واحد رايح و واحد جاي
و عشان انا نيتي صافية و حلوة طبعا حصلت المعجزة
عديت من الترام الاول و مش واخده بالي ان التانى اللي في الاتجاه المعاكس جاي
و ماشية عاااااااادي خالص
و كنت هاخده بالحضن
لولا ان ربنا ستر و الناس فضلت تزعق زي بتوع الافلام
حاااااااااااااسبي حاااااااااااسبي حاااااااااااااااااااااااا ااااسبي
كان زماني في خبر كان

و مرة تانية و انا بعدي شارع الهرم و بالتحديد عند نفق الجيزة و كان الطريق رايق الى حد ما و العربيات مسرعة شوية
و كان الجو هوا شويتين .. و انا في نص الشارع الهوا رفع الحجاب على وشي فوقفت في مكانى و قلت زي ما تيجي تيجي بقى
و لحد ما استوعبت الموقف انى واقفة في نص شارع الهرم و عيني متغطية
كشفت الغطاء عن عيني و اذ بي سليمة و الحمد لله و مازلت على قيد الحياة

عمرررر الشقي بقي

تعيشي و تاخدي غيرها يا سندريلا

**Dr.Mohamed** · 30-03-2009 11:19 PM

ههههه حمدالله على السلامه على يا فندم
انا بقى مريت عليا مواقف كتير بس اكتر موقف ما انساهوش
راكب مع واحد المهم هو كان راكن العربيه فى شارع و بعدين بيبص و بيرجع لورا واذ فجاه طاخ
اتارى فيه عمود فى نص الشارع و انت لما بتلف راسك عشان ترجع بتبقى مركز انه مفيش حد جاى و كمان مش بتبقى فاتح زاويه راسك انك تاخد بالك من كل الى فى سكه العربيه
خدوا بالكم من الموضوع ده وخصوصا اننا عايشين فى المحروسه
عمود على نص ناصيه شارع
ولسه مواقف تانيه هقولكم عليها

**evoo90** · 30-03-2009 11:30 PM

انا مره واحده جارتى كانت بتهرج معايا بعربيتها وبتزنق عليا لغايه ماطلعتنى على الرصيف
تانى يوم شفتها ماشيه على رجلها جيت اهرج معاها اكعبلت ووقعت قدام العربيه.......................... قامت العربيه عامله حركه شقلابظ غريبه ونزلت من العربيه ركبى بتخبط فى بعض افتكرت انى دوستها الحمد لله لسه عايشه ...طبعا كانت عايزه

**sendrella** · 31-03-2009 12:07 AM

المشاركة الأصلية كتبت بواسطة derba

ههههه حمدالله على السلامه على يا فندم
انا بقى مريت عليا مواقف كتير بس اكتر موقف ما انساهوش
راكب مع واحد المهم هو كان راكن العربيه فى شارع و بعدين بيبص و بيرجع لورا واذ فجاه طاخ
اتارى فيه عمود فى نص الشارع و انت لما بتلف راسك عشان ترجع بتبقى مركز انه مفيش حد جاى و كمان مش بتبقى فاتح زاويه راسك انك تاخد بالك من كل الى فى سكه العربيه
خدوا بالكم من الموضوع ده وخصوصا اننا عايشين فى المحروسه
عمود على نص ناصيه شارع
ولسه مواقف تانيه هقولكم عليها

هههههههههههههههههه

الاول الله يسلمك

اما بقى عن عمود النور خد من ده كتييييييير

احنا الحمد لله في المحروسة بنلبس في عمود النور و احنا ماشيين على رجلينا و في وضح النهار كمان هههههههههههههه

**abdalla45** · 31-03-2009 12:28 AM

مره كنت راكب عربية والدى وراجع فى شارع ضلمه من شوارعنا الجانبيه بنت صاحب ببايا كانت جايا من اخر الشارع عشان تكلمنى كنت مركز معاها جدا وانا راجه ومبصتش فى المرايه خالص لحد ملبست فى حيطه ورايا واتلبخت ومعرفتش اعمل حاجه كل مطلع وارجع اخبط العربيه لحد مجه والدى وظبطنى

**nazaryia** · 31-03-2009 12:32 AM

انا بقي كان عندي عربيه سوزوكي سويفت قبل الاسبرانزا و كنت ماشي الساعه خمسه العصر علي شمال احدي العربيات المسرعه المهم الشارع كان فيه زي جزيره في النص بتبدأ من نص الشارع مش من اوله
المهم انا حبيت اعديه قبل منوصل لبدايه الجزيره راح هو قارص و عداني و اصبحت المسافه المتبقيه لاتسمح لي بأن اتجاوزه قبل الجزيره او ان افرمل حتي لا اصطدم و كانت الكارثه فرملت بكل عزمي و حاولت لتفادي الجزيره اللي راحت خابطه في الفانوس و الاكصدام و طبقت الكبوت من ناحيه الشمال المهم انا سليم الحمد لله
الموضوع ده بقاله سنه و اتعلمت منه اني لازم ادرس المسافه قبل ما اخد القرار و لو اخدته لا اتراجع عنه ولو للحظه لاني لو تراجعت او ترددت بعد ان بدات في تنفيذ القرار اكيد هتحصل كارثه

**evoo90** · 31-03-2009 12:33 AM

المشاركة الأصلية كتبت بواسطة sendrella

هههههههههههههههههه

الاول الله يسلمك

اما بقى عن عمود النور خد من ده كتييييييير

احنا الحمد لله في المحروسة بنلبس في عمود النور و احنا ماشيين على رجلينا و في وضح النهار كمان هههههههههههههه

بمناسبه عواميد النور صناديق القمامه انا ليا واحد صاحبى حوادثه كلها عباره عن كده ياعمود نور ياصندوق قمامه وساعات شجر بس لما يكون مزاجه رايق بس ههههههههه

**tawfic** · 31-03-2009 12:34 AM

وانا بعيد عن الجميع كنت سايق عربيه ولدى ورايح اجيبه من المطار الساعه 5 الفجر من حوالى 4 سنوات وماشى بسرعه 60 اه والله 60 وكان فى ملف جامد قوى هديت السرعه علشانه لكن القدر بقه كان فى بقعه زيت فى الارض كبيره والعربيه طبعا مع الملف الجامد فقت السيطره عليها لغايه ماخبطتت فى الرصيف واتقلبت بها اكتر من 3 قلبات والحمد لله مش عارف ازاى طلعت منها سليم عمر الشقى علشان انضم للمنتدى الجميل ده ربنا يحرس الجميع يارب

**sendrella** · 31-03-2009 01:07 AM

المشاركة الأصلية كتبت بواسطة tawfic

وانا بعيد عن الجميع كنت سايق عربيه ولدى ورايح اجيبه من المطار الساعه 5 الفجر من حوالى 4 سنوات وماشى بسرعه 60 اه والله 60 وكان فى ملف جامد قوى هديت السرعه علشانه لكن القدر بقه كان فى بقعه زيت فى الارض كبيره والعربيه طبعا مع الملف الجامد فقت السيطره عليها لغايه ماخبطتت فى الرصيف واتقلبت بها اكتر من 3 قلبات والحمد لله مش عارف ازاى طلعت منها سليم عمر الشقى علشان انضم للمنتدى الجميل ده ربنا يحرس الجميع يارب

يا خبرررررررررر

دي لا قدر الله حادثة موت

و الحمد لله انها جات سليمة

الموضوع: عملت حادثة ! ربنا يحفظنا جميعا

LinkBack

أدوات الموضوع

عرض

عملت حادثة ! ربنا يحفظنا جميعا - انشر الموضوع فى :

-

-

-

-

-

-

-

المواضيع المتشابهه

عملت حادثة بالميجان و دى الحكاية .. ربنا يرحمنا من سواقين النقل الاغبياء ..

حادث كبير داخل نفق السلام ربنا يحفظنا

السيول والكوارث فى اربع محافظات ربنا يحفظنا

عملت حادثة بالبونتو(ربنا يحفظكوا)

ربنا يحفظنا من الحوادث ..بس الانسر جاااااااااااامده

الكلمات الدلالية لهذا الموضوع

المفضلات

المفضلات

ضوابط المشاركة