لمبة الزيت منورة جزاكم الله خيرا

**ZEMZEM1983** · 31-03-2009 12:11 AM

بسم الله الرحمن الرحيم
جزاكم الله خيرا
حد يساعدني عندي مشكلة قلقان منها قوي عربيتي اونو
لمبة الزيت عندي منورة بس بتنور رعاش لما العربية تسخن و لما اكون علي السلانسية بس لما ادوس بنزين تطفي
الميكانيكي قالي ساعة الزيت غيرتها و طفت بعديها بيوم اشتغلت تاني بس لما تسخن العربية
و لما ادوس بنزين تطفي
الميكانيكي قالي العيب ممكن لا قدر الله يكون في الموتور و انا لسه شاري العربية من يوم واحد فقط يا ريت تطمنوني
مع العلم ان صاحب العربية بيقول انه لسه مغير الزيت من شهر تقريبا و الفلتر من 3 شهور
يا ريت تطمنوني
جزاكم الله كل خير

**max_ziro** · 31-03-2009 02:29 AM

حضرتك ممكن تغير الزيت تانى احتياطى ممكن يكون ناقص و لازم تغير الفلتر بردو معاة دى عربية جديدة يا راجل
و للمبة اسبابا كتيرة تخليها تنور ممكن يكون الفلتر مسدود
او السير بتاع طرمبة الزيت مش راكب كويس
او الزيت قليل
او لقدر الله الطرمبة مش سليمة ف مبتديش الضخ المناسب ف حالة السلانسية
و ربنا معاك إن شاء الله تكون بسيطة ..

**ZEMZEM1983** · 31-03-2009 07:08 AM

جزاكم الله خيرا
هو الميكانيكي قالي لو كان الزيت ناقص كان تفضل منورة علي طول
و الله انا نفسي اطمن و نفسي تطلع حاجة بسيطة احسن الميكانيكي بيلمح قوي انها في الموتور و تحتاج عمرة كاملة و دي مصيبة يبقي انا كده بالسلامة
هل ممكن فعلا يكون خرطوم الزيت يعمل كده او الفلتر مع العلم انها فقط علي السلانسية
يا رب

**maka** · 31-03-2009 10:51 AM

المشاركة الأصلية كتبت بواسطة ZEMZEM1983

جزاكم الله خيرا
هو الميكانيكي قالي لو كان الزيت ناقص كان تفضل منورة علي طول
و الله انا نفسي اطمن و نفسي تطلع حاجة بسيطة احسن الميكانيكي بيلمح قوي انها في الموتور و تحتاج عمرة كاملة و دي مصيبة يبقي انا كده بالسلامة
هل ممكن فعلا يكون خرطوم الزيت يعمل كده او الفلتر مع العلم انها فقط علي السلانسية
يا رب

هى ممكن تكون طلمبة الزيت

وحاول تورى العربية لميكانيكى تانى وخد رايه من غير ما يفتح شغل

وان شاء تطلع مشكلة بسيطة

**M.Mostafa80** · 31-03-2009 11:05 AM

المشاركة الأصلية كتبت بواسطة max_ziro

حضرتك ممكن تغير الزيت تانى احتياطى ممكن يكون ناقص و لازم تغير الفلتر بردو معاة دى عربية جديدة يا راجل
و للمبة اسبابا كتيرة تخليها تنور ممكن يكون الفلتر مسدود
او السير بتاع طرمبة الزيت مش راكب كويس
او الزيت قليل
او لقدر الله الطرمبة مش سليمة ف مبتديش الضخ المناسب ف حالة السلانسية
و ربنا معاك إن شاء الله تكون بسيطة ..

كل الكلام دا سليم وخلى واحد كهربائى محترم يبصلك على السلوك الكهرباء بتاعت الساعه ممكن تكون ملمسه فى جسم الماتور وطبعا الماتور بيبقى بيتهز والعربيه بارده فا بيلمس ولما بتسخن الماتور بيثبت فا تطفى الموضوع ده كان مع عمى فى عربيته وقلتلو عليه وطلع هى دى المشكله بس طبعا تراجع على كل الحاجات الى الأخ الكريم قال عليها

**KoDaK_Gti** · 31-03-2009 11:09 AM

قيس الزيت الاول بس الصبح قبل ما تدور الصبح علشان تتطمن انه مش ناقص

**aYaBooY** · 31-03-2009 11:14 AM

باشا مبروك العربية و ربنا يديك خيرها يكفيك شرها
1. غير الزيت و الفلتر
2. غير سير الكاتينة و سير الديناموا و سير التكييف لو فيها و اى سير موجود في العربية
3.غير فلتر الهواء و البنزين
ديه الحاجات المفروض تعملها مع العربية الجديدة و طبعا تكتب في اجندة ايه الي اتغير و قراءة عداد الكيلومتر بتاع العربية
لو المشكلة فضلت يبقي ممكن حاجتين يا اما عيب في الترمبة بتاعت الزيت او المشكلة تكون في الضفيرة بتاعت الكهرباء و عموما الحاجتين في الاونو مش غالين و ربنا يسهل و يكون فلتر الزيت بس قديم

**x100** · 31-03-2009 11:23 AM

بص يا عمنا انا كان عندى نفس المشكلة وطلع الحوار كلة ان سلك خبيث عريان طبعا من اهمال الصنايعية كل العربية متتحرك يلمس فتنور ولفيت على كل الصنايعية وكل واحد بيفتى بمزاجة والمشكلة موجود
رحت يوم اجازة مراجع على كل حجة لقيت الحتة دى عريانة لمستها فى المناطق اللى حوليها وخليت حد يبص على الطابلوة يلقى اللمبة بتنور وبخمسين قرش شريط لحام وجنية صابون علشان كنت اتبهدلت خالص اتحلت المشكلة
واظن ان عندك نفس السبب لن البية اللى ركبلك ساعة الزيت قعدت يوم متنورش ورعت تانى اذن استبعد ان الموضوع يكون فى الموتور .
وربنا يسهل وتطلع حاجة بسيطة