الموضوع: مقارنة بين ال128 والفلوريدا

كل عربية من الغتنين ليها ميزات وليها عيوب كما ان هناك نقاط مشتركة
نبدأ بالنقاط المشتركة:
1- العربيتين من نفس الشركة(يوجو) الصربية
2-العربيتين تقفيل شركة النصر
3- العربيتين لهم نفس تصميم المحرك والعفشة ومعظم قطع الغيار الميكانيكية هاتكون مشتركة
4- العربيتين تنتميان الى تكنولوجيا قديمة الى حد ما مما يقلل القدرة الادائية للسيارتين مقارنة بسيارات نفس الفئة المنتمية الى تكنولوجيا احدث، ولكنهما فى النهاية سيارات تؤدى الغرض بكفاءة

ننتقل الى مميزات الفلوريدا:
1- شكل حديث الى حد ما وغير منتشرة مما يحقق قدر من التميز
2- محرك اكبر 1400 سى سى وقدرة حصانيه اعلى 71 حصان
3-صالون اوسع
اما عيوب الفلوريدا فهى:
1-غير منتشرة مما يصعب الحصول على قطع الغيار وخصوصا الخارجية(صاج او صالوناو فوانيس ، الخ) ، القطع الميكانيكية فى تخيلى لن تكون صعبة لتوافق معظمها مع ال128 والريجاتا
2- سعر إعادة البيع لن يكون مرتفع
3-صالونها شكله كئيب جدا(هذا رأييى ولكنها مسألة اذواق)
بالنسبة لمميزات ال128:
1- واحدة من اسهل السيارات فى مصر فى الصيانة وقطع الغيار سواء ميكانيكية او صاج او صالون
2- سعر إعادة بيع مضمون
3-بالنسبة لحالتك ميزة اخرى انها زيرو
4- شكل صالونها فى رأييى اكثر قبولا من صالون الفلوريدا
عيوب ال128
1- لا يوجد ادنى قدر من التميز ال128 ببساطة هى سيارة الكادحين بدون زيادة ولا نفصان، ولكن لبعض التميز ممكن تركب لها جنوط سبور مثلا :)
2-صالونها اضيق من الفلوريدا
3- السعة اللترية اقل 1300 سى سى والقدرة الحصانية 65 حصان

الخلاصة: لو تبحث عن قليل من التميز وعندك استعداد تتحمل ضربيته(تكاليف الصيانة المرتفعة وانخفاض سعر اعادة البيع) يبقى الفلوريدا

لو انت بتدور على ماكينة عملية تحملك من المنزل الى العمل وبالعكس بدون الكثير من وجع القلب ووقت ما ربنا يكرمك بقرشين تعرف تبيعها كويس وتكمل وتجيب سيارة من فئة اعبى، بيقى عليك بال128

700جنيه تقريبا