سمعت ان فيه عربيات بتضاف لجماركها نسبة جمارك زيادة تسمى جمارك على الرفاهية ؟
هل ده صحيح ؟؟ وما هى النسبة دى وكيف يتم حسابها ؟!؟!
وهل هى على العربيات اعلى من 1600 ام كل المواتير ؟
-
لانى حسبت عربية زى المينى كوبر 2007 لقيتها بالجمارك تعمل 187000 وسعرها فى مصر 240000 جنيه ....... فهل سعر السيارة مبالغ فيه ام ان حساب الجمارك لها يختلف لانها تعتبر كوبيه !؟؟! ياريت حد فاهم فى الجمارك يساعدنا :idea:
مفيش حاجه اسمها جمارك رفاهيه لكن الجمرك بيزيد على العربيه كل ما سعرها زاد وده بيختلف حسب الكماليات
كمثال لو عربيه فاضيه سعتها 1600 فأقل وسعرها مثلا 10000 جنيه حتدفع جمرك 40% يعنى 4000 جنيه وبعدين تدفع 15% ضريبه مبيعات من السعر والجمرك معا (آه ضريبه على ضريبه ) يعنى 2100 وبعدين 3% رسم تنميه يعنى 483 جنيه لتصبح اجمالى الرسوم 6583 جنيه
نحسبها على نفس العربيه بنفس المحرك بس الكامله وليكن سعرها بجميع الكماليات 12500 جنيه جمرك 40% يعنى5000 جنيه 15% مبيعات من الجمرك والسعر معا يعنى 2625 جنيه وبعدين 3% رسم تنميه 603,75 ليصبح اجمالى الرسوم 8228,75 مع انها نفس العربيه لكن الكماليات فرقت فى الجمرك بتاعها 1645,75
نسيت اقول ان الجمرك بالنسبه للسيارات اكثر من 1600 سى سى بيزيد زياده فظيعه وهنا المحركات الكبيره بتكون لسيارات الرفاهيه إدفع بقى
مشكور ديدو ع الرد الخلاصة دا :roll: