انا ادامى عربية كورلا اوتو كاملة موديل 2003 انا عايز راى الناس فى العربية دى وهل هيا افضل ولا البوما انا عايز الناس تساعدنى فى اسرع وقت عشان اخد القرار وشكرا
عرض للطباعة
انا ادامى عربية كورلا اوتو كاملة موديل 2003 انا عايز راى الناس فى العربية دى وهل هيا افضل ولا البوما انا عايز الناس تساعدنى فى اسرع وقت عشان اخد القرار وشكرا
الناس بتقول ان ثباتها مش حلو خالص هل ده صحيح
هوا فى ايه يجماعة مفيش حد عايز يساعد
انا معايا عربية اختها بس خليجي
الخليجي اوطى بكتير من اللي هنا
انا ماشي بيها 220 الف
بصراحة عربية فوق الوصف كفاية اني مشيت بيهل المسافات دي واخري صيانة العادية
عربية محترمة وماسكة سعر دايما
العربيه جامده جدا
وحاول تجرب واحده وانت هتعرف
اما موضوع الثبات كل ما في الأمر ان العربيه بتنزل بكاوتشات مش عريضه
يعني الكاوتشات تعتبر مش اد كده على حجم وجري العربيه
الموضوع انك تعرض الكاوتش وبعدين انسى اي حاجه تانيه
ولو معرضتش برضه مفيش مشكلة
ولكن الافضل لأن العربيه عاليه من على الأرض وانت عارف ان ده ميزه في بلدنا مصر
بس محدش اشتكى من ثباتها الا لو انت ليك في التخميس والحوارات مقدرش اقولك رأيي
بس اللي اعرفه اني بمشي بيها 180لغاية دلوقت وعربية محترمة
عندك لحد هنا
استناني شويه
انت عامل بها 220 الف
اللهم بارك فيها ان شاء الله
بس ليا طلب منك ضروري جدا
تعملنا تقييم ولو حتى سريع
وياريت تقولنا غيرت ايه في العربيه من اول ما جبتها غير الزيت والفلتر بتاعه
يعني غيرت تيل كل اد ايه
غيرت ايه في الماتور او داخل الكابوت
ايه اللي باظ منك ؟؟؟ تكلفت كام فلوس من اول ما جبتها مثلا ؟؟؟
كده يعني
بس رجاء
ربنا يخليكو يجماعة بجد شكرا جدا طب لو حد يفدنى يعنى هيا ولا البومة بامانة الواحد محتار
ممكن شرح اكتر للجزئيه دي؟اقتباس:
التفوق الوحيد للانسر هو الثبات على الطرق السريعه
الكورولا تتفوق بالثبات على الطرق الغير ممهده
يعنى مثال بسيط لو حضرتك ماشى بالعربيتين على الدائرى بعد السلام فى اتجاه 6 اكتوبر على سرعه 120
لو ركبت اللانسر السبورت هتلاقى العربيه عماله تتنطط وترتفع بشد عن عن الارض وده خطر علشان لو على ملف وضربت فرامل او حاجه واعتقد السبب هو العفشه مش معموله صح
الكورولا مش بتنطط زى اللانسر ابدا ولو عديت على مطب وانت ماشى بسرعه عاليه العربيه مش هتعوم وفى نفس الوقت مش هتحس بالمطب
عكس اللانسر اللى كنت هعمل حادثه بسبب ان العربيه طارت منى فى الهواء بسبب عفشتها السيئه الصناعه
ولكن الحق يقال انه على الطرق السريعه ثبات اللانسر يتفوق بكثر على الشكل القديم للكروولا(وليس الجديد) خصوصا على المنحنيات
تحياتى
شكرا اوى يباشا
دكنور dr_waswas
هو حضرتك منين من بحري ؟؟
والف شكر على التقييم
iهوا لو فيها رخامة يعنى هيا موديلات الكورولامن 2003 م 2007 بتفرق ايه عن بعضها اصل انا ملاحظ ان شكلهم هوا هوا فهل فى فرق فى حاجة تانية ؟
iهوا مفيش حد عايز يرد ولا ايه
الفرق بين كورولا 2003 و 2007
هو الفوانيس الاماميه والخلفيه
الارتفاع من اول 2005 ذاد 2 سم علشان كدا ثبات 2002 و 2003 و 2004 اعلى من 2005 الى 2007
خشب ابانوس بالداخل من اول 2006
تحياتى
thnxxxxxxxxxxxxxxxxx
الحته بتاعة الثبات دى انا متاكد منها يا ابو عبد الله علشان انا شفت الاتنين واقفين جنب بعض ولاحظت ان ال 2003 و 2004 اوطى
الابانوس دى شفتها فى كل الموديلات 1300 اوتوماتيك فل اوبشن........يمكن قصدك دى الفل اوبشن يعنى
هو صحيح ليه مش بنسمع عن مقابلات للمنتدى زى زمان يا ابو عبد الله علشان عاوزين نشوفك ياباشا