الموضوع: مهم لكل فرد فينا: طريقك للنجاح........!

ولو ان حضرتك جرحت كتير في الكلام عن الشعب المصري... بس الامثلة دي صح .. للأسف

الشعب اامصرى عايز محمد حسنى مبارك بنفسة ينزل يحشش معاة وينضفلة الشارع ويدخلة الحمام !!!

المشاركة الأصلية كتبت بواسطة sa3dawy

الشعب اامصرى عايز محمد حسنى مبارك بنفسة ينزل يحشش معاة وينضفلة الشارع ويدخلة الحمام !!!

فعلا

و أحنا شعب
مش بيعجبنا العجب ........ و لا الصيام في رجب على رأي المثل .

و كمان حاجة تانية
الناس مش بتحترم قانون المرور على سبيل المثال إلا لما يكون فيه لجنة أو رادرا غير كدا ............... السيرك شغال ........... و البهلونات شغالة غرز و تزنيق على بعض و الحوادث ما شاء الله ......... مفيش أكتر منها في مصر
و الناس و لا في دماغها ............. و لا بتتعظ . ............ و لا بتتعلم ..............

ربنا يهدينا جميعا ........... أصل أحنا شعب عجيب يعيش في بلد العجائب .
لا ترى أهرامات .......... إلا في مصر .
لا ترى آثار عظيمة لحضارة عظيمة إلا في مصر .
لا ترى شعب فضائي ........ عجيب ............ إلا في مصر .

و تحيا ..........ج ع ع .............. بشعبها الفضائي .

توت با شا أنا متفق معاك في كل اللي بتقوله

بس ممكن تفسر لي تصرف المصريين في بلاد الغربة

مثلاً انا في قطر

كل إشارة فيها كاميرا واللي يكسر إشارة أقل غرامة 6000 ريال

أعتقد إن الكاميرات دي لو في مصر ما كنتش قعدت نص ساعة على بعضهم

الكل هنا بما فيه المصريين ملتزمين إلتزام غير عادي لدرجة إنك ممكن تقعد شهر ما تسمعش صوت كلاكس واحد

ولكن نفس المصري اللي كان ملتزم بره بلده أول مايرجع يتحول 180 درجة

فعلاً شعب غريب

المشاركة الأصلية كتبت بواسطة الطنطاوي

توت با شا أنا متفق معاك في كل اللي بتقوله

بس ممكن تفسر لي تصرف المصريين في بلاد الغربة

مثلاً انا في قطر

كل إشارة فيها كاميرا واللي يكسر إشارة أقل غرامة 6000 ريال

أعتقد إن الكاميرات دي لو في مصر ما كنتش قعدت نص ساعة على بعضهم

الكل هنا بما فيه المصريين ملتزمين إلتزام غير عادي لدرجة إنك ممكن تقعد شهر ما تسمعش صوت كلاكس واحد

ولكن نفس المصري اللي كان ملتزم بره بلده أول مايرجع يتحول 180 درجة

فعلاً شعب غريب

ما أنا قلت لحضرتك .
أحنا شعب مش بيحترم نفسه من نفسه ............ لازم عصايا علشان نمشي عدلين .
و بعدين فيه حاجات كتيرة مبوظة البلد منها عدم وجود نظام و عدم وجود رغبة لدى الناس لوجود النظام .

فيه ناس كتيرة متعلمين و أثرياء ........... و هما أول ناس بتكسر النظام و تمشي عكسي و تكسر الاشارة ......

الغني في مصر ........ فاكر نفسه أنه مفيش زيه و هو على رأسه ريشة
و الفقير ...... يقولك في داهية البلد و اللي في البلد ........ و أنا هاعيش بمزاجي

و الحكومة ............ في وادي تاني خالص .

اسمحولي اقول وجهة نظري

1- اولاً على المستوى الفردي
الجملة دي كنت بسمعتها في اطار كوميدي بس لما فكرت فيها لقيتها حقيقة وتستحق الاحترام " انا رئيس جمهورية نفسي "
يعني ايه.. يعني انا اللي بحض لنفسي القوانين اللي حمشي عليها وطبعا تبقى قمة التخلف ان واحد يحض لنفسة قوانين ويخلفها..!!
يبقى على المستوى الفردي كل واحد مسئول عن القوانين اللي حيمشي عليها وبالتالي حيكون ليه شكل حضاري معين ( متحضر - متخلف - فاسد - ...... )

2- على المستوى الاجتماعي
لو تجمع اكتر مفرد مع بعض في مكان واحد فاللي بيحكم العلاقة بينهم هي الاتفاقيات اللي بتكون مبنية على تشابه مستوى الثقافة والحضارة ( زي مثلاُ البدو اللي عايشيين في الصحراء )و الاتفاقيات دي بتكون بمثابة القانون الحاكم بينهم.

3- لو اجتمع اكتر من مجموعة مع بعض في مكان واحد (وهنا المشكلة) لان حيكون في اكتر من ثقافة واكتر من رأي بيحكم كل مجموعة وعلشان تقدر توحد القانون اللي حيجمع بين المجموعات دي لازم تقدر توصل لافضل واصح قانون داخل كل مجموعة وسعتها تجمع كل النتايج لينتج عنه قانون عام يحكم العلاقة بين المجموعات لتكون منظمة وعادلة. واهم نقطة ان مع زياده العدد لازم تجدد القانون بناء على الوضع الجديد لان القانون اللي بيجمع 1000 شخص مستحيل تقدر تطبقة على 1000000 وده لان الفجوة بين الثقافات زادت بنفس نسبة الزياده.

وهنا دور الحكومة اللي لازم تطور من نفسها ومن سيايتها لأن من رابع المستحيلات انك تقدر تطبق نفس القانون اللي كان بيجمع 20,000,000 على 80.000.000. وانا مفتكرش ان القانون المصري اتعدل من اول ما اتعمل سنة......؟؟؟

وبناء على هذه النظرية التي تحتمل الصواب والخطأ فهناك 2 حكومة لازم يمشوا مع بعض في نفس الاتجاه:
1- حكومة نفسي
2- حكومة البلد

يبقى التغيير لازم يتبع من الاتنين مع بعض مش من جهة واحدة بس. وبما اننا متحكيم اكتر في حكومة نفسنا يبقى ممكن نبتدي بيها الاول...

معلش ليا تعليك على الجملة دي

حنا شعب مش بيحترم نفسه من نفسه ............ لازم عصايا علشان نمشي عدلين .

لو نفس الغرامة الموجوده في قطر اطبقت هنا ( 6000 جينة لقطع الاشارة) اقسملك ان عمرها ما حتحصل ابدى,,,,
المشكلة ان القانون متهاون ومش رادع يعني مش بيخوف - يعني اهبل - يعني مالوش لازمة - يعني كل واحد يعمل اللي هو عاوزة.

الموضوع مش موضوع كرباج ولا عصايا الموضوع موضوع قانون وهيبة واحترام.
اي بلد في العالم شعبها مش حيحترم قانونها إلا لو كان رادع ومخيف......

استاذ رافي حضرتك عندك حق. بس انا متفق معاك جدا في اول كلامك ان كل انشان رئيس جمهورية نفسه ةلو كل انسان كان كويسمع نفسه هنكون مجتمع كويس.. ومتفق ان لازم تكون في عقوبات رادعة وقوانين جازمة .. بس اذا كان احنا معندناش مثل القوانين دي او موجوة بس الرقابة علي تنفيذها قليلة او معدومة .. هل معني كدا ان احنا بقي لينا الحق ان نعيش بطريقة همجية .. نعمل اللي يعجبنا مدام محدش شايفنا .. اومال اذاي الناس بتقول ان اول رقيب علي الانسان بعد الله _سبحانه وتعالي_هو ضمير الانسان ..
ولو افترضنا ان القوانين ملهاش هيبه زي محضرتك بتقول . يبقي نفترض ان لو حضرتك شفت بيتك بيخرب بسبب والدك اللي هو مفروض المتحكم والامر والناهي في البيت .. ان حضرتك مش هاتحول تغير نفسك وتنصح اخواتك .. لمجرد انك مش اللي بتأمر وتنهي في البيت ..
حضرتك معني الكلام دا ان الحكومة اللي هي لا تزيد عن -بص هقوللك مليون الي استحالة توصل لكدا- هتخليهم يضيعوا 80 مليون .. هو دا المنطق ؟؟؟؟؟؟؟؟؟؟؟؟؟؟؟؟

حضرتك مفهمتش كلامي كويس
انا اللي اقصده ان التغيير لازم ينبع من الانسان نفسة الاول
وبعدين ادور على الحكومة والقانون بس ده منمنتعش ان دور الحكومة كبير ومؤثر.
وان التغيير لازم يجي من الاتنين مع بعض مش واحد لوحده
ده بأختصار ..