مهم لكل فرد فينا: طريقك للنجاح........!

**Eng. Rafy Samy** · 03-05-2009 12:08 PM

رأي اننا نحض شوية قواعد كلنا نتفق عليها ونبتدي ننفذها..
زي مصلاُ قواعد للسير بالعربية..
قواعد للنظافة .. قواعد لاسلوب التعامل مع بعض في الشارع والعمل.. قواعد للايجابية وعدم السلبية........ الخ.
وبكده ممكن نبتدي بدل ما نقعد ننتقد وبس..!

**Eng. Rafy Samy** · 03-05-2009 12:10 PM

رأي اننا نحض شوية قواعد كلنا نتفق عليها ونبتدي ننفذها..
زي مصلاُ قواعد للسير بالعربية..
قواعد للنظافة .. قواعد لاسلوب التعامل مع بعض في الشارع والعمل.. قواعد للايجابية وعدم السلبية........ الخ.
وبكده ممكن نبتدي بدل ما نقعد ننتقد وبس..!

**samoevil911** · 03-05-2009 12:54 PM

والله انا مستعد .. ونبتدي من دلوقت كمان .. اصل لو محدش ابتدي منينا يبقي هنبتدي امتي؟؟؟ بس الناس شكلها مش معانا والا اييه؟

**Eng. Rafy Samy** · 04-05-2009 11:00 AM

طيب بما انك مهتم بالموضوع
ممكن تبتدي بشوية اقتراحات ونبتدي نتناقش فيها..

**hamedo0** · 05-05-2009 12:13 PM

المشكله في التعامل مع الحكومه ان انت متهم حتي ان تثبت عكس ذلك

**samoevil911** · 05-05-2009 02:46 PM

استاذ محمد عماد ..
اولا : موضوع الحكومة دا احنا اتكلمنا فيه اكتر من مرة وقلنا ان احنا مطلعين الحكومة دي من دماغنا خالص .. وراجع سيادتك الcomments وبأذن الله هتجد اللي بقول لحضرتك عليه
ثانيا : مين اللي قال انك متهم حتي تثبت العكس .. عايز مثلا لو يمكن يعني ..

العضو الكريم رافي سالم عايز بردوا اقول لحضرتك حاجتين
اولا: شكرا اوي علي روحك في المشاركة . بجد حاسس انك مصري بجد ونفسك تعمل حاجة في البلد
ثانيا : لو بجد عايزين نبتدي من اهم حاجة :: هيبقي ان كل واحد منينا يؤدي دوره في عمله بأمانة .. دي اهم حاجة ..

المبدأ العام : اي حاجة تشوفها واجب عليك تعملها اعملها بدون تردد

ورقة مرمية في الشارع شيلها
مذاكرة او شغل تعملها بأمنة
واحد محتاج مساعدة تساعده
دا كفاية انك تبتسم في وجه من تراه

ممكن تسغرب من اللي انا بقولوا .. بس هقولك حاجة .. لما تبص لحد وانت مبتسم .. اولا هيحس ان الدنيا بخير . دا غير ان نظرتوا ليك هتبقي مختلفة هيحس انك تنسان بشوش.. الابتسامة الصغيرة دي اللي مش هتكلفك اي حاجة .. هتنمي عندوا احساس بالود والحب من نحيتك .. فهيحس ان الدنيل بخير لسه والناس مبقتش وحشة مع بعضها .. دا هيعمل عندو دفعة معنوية كبيرة.. فتخيل كانا مبتسمين في وجوه بعض هيبقي حالنا ازاي .. مش هتلاقي حد زعلان مع حد .. فالروح المعنوية هتبقي عالية .. هتلاقي الضغط بيقل من علي عاتق الناس والود هيزيد.. مش هتلاقي خناقات كتيير بين الناس زي دلوقت من اقل حاجة ممكن اتنين يمسكوا في بعض -دا ممكن عشان بصله يضربو-. دا هيأدي ان النتاج هيزيد .. البلد حالها يبقي احسن .. المعاملات والعلاقات والحياة الاجتماعية خصوصا بين الازاوج هتبقي افضل .. الطلاق والخنائات بين الازواج تقل .. الحياة والانتاج يصبح كمان افضل .. لأن الضغوط بتقل .. مخلاص مش هتلاقي حد نازل قرفان من البيت ..

متخيل كل دا جه من ابتسامة واحدة .. عشان كدا الرسول (ص) قال ان البتسامة في وجه اخيك صدقة ..
لأن في حجات كتيير بنستهيفها .. بس بيكون اثارها كبير

**Eng. Rafy Samy** · 06-05-2009 10:47 AM

كلام جميل
انا فعلاً مقتنع ان مجرد الابتسامة ممكن تغيير حاجات كتير....
وعن تجربة صدقني لما الواحد بيقوم من النوم الصبح مبتسم اليوم كله كله بيبقى جميل وسلس ومفهوش مشاكل وتحس انك حابب الحياه واللي حواليك وراضي بكل حاجة برنا ادهالك..
انما لما الواحد بيقوم مقريف ومقريف كل حاجة بتبقى كئيبة واليوم بيبقى كله مشاكل...!!!!!

ولو مش مصدقني جرب..

انا اظن ان اكتر حاجتين نقصينا ومخليه الواحد دايماً سلبي هما ( الرضا - التفائل )
1- الرضا بكل حاجة حوالينا وكل حاجة ربنا ادهلنا والاقتناع ان كل واحد عايش في احسن حالة ممكن يكون فيها ...
2- التفائل : ان مهما الوضع كان سئ وكان الواحد بيقابل مشاكل فحييجي يوم كل المشاكل تتحل والدنيا حترجع تضحك تاني وان دوام الحل من المحال يعني مفيش حد عايش في مشاكل على طول ومفيش حد عايش في فرح على طول...

اسف اني طولت بس الحاجتين دول الواحد ممكن يتكلم فيهم ايام وايام
وشكراً

**hn_kamal** · 06-05-2009 11:27 AM

أنا شايف اننا نحاول دايما نطبق مبدأ العدل فى كل حياتنا يعنى كل واحد فينا أكيد بيتعرض لبعض المواقف اما يكون فيها عادلا أو غير ذلك , وده على كل مستوايتنا فى الحياة مرورا باعلى مستوي فى المسئولية الى الواحد فى بيته لازم نطبق مبدأ العدل ونبعد عن الظلم

وطبعا العدل ده حاجة مهمة جدا وكما قال ابن القيم: (على الارجح)

ن الله يقيم ويعلى الدولة العادلة وان كانت كافرة

ولا يقيم ولا يعلى الدولة الغير عادلة ولو كانت مؤمنة

وده اللى احنا شايفينه فى أوروبا وأمريكا وغيرهم

ياجماعة ده اصلا كمان فيه قول ان (تأخير العدل ظلم ) فما بالكم بأه لو لم يطبق أصلا !!!!!

وطبعا اذا تم تطبيق العدل كل حاجة بعد كده حتيجى لوحدها (التعليم - البحث العلمى - .........)

واخيرا نفسى تشاركوا فى الموضوع ده:

http://www.nilemotors.net/Nile/showthread.php?t=72063

**PoweRPassioN** · 06-05-2009 12:11 PM

الإداره ثم الإداره ثم الإداره

الحكومة هي اللي بتدير البلد ولو عايزه محدش برمي زباله في الشوارع هتقدر وبالقانون زي ما بتفرض اي حاجه تانية هي عايزاها بالقانون

نقطه الوعي الشعبي بالمواضيع دي زي النظافه واحترام المرور وأهمية العمل طبعا مهمة بس مينفعش نعتمد عليها في الأول لأن مش كل الناس ثقافتهم واحده وعلميا الجماعه بتأثر في الفرد يعني لما انت تكون واحد ملتزم وتلاقي نعظم اللي حواليك غير ملتزمين بعد فتره هتلاقي نفسك بقيت زيهم بدون ما تشعر

إذن لازم الحكومة الأول هي اللي تقنن الموضوع وبعد كدة الناس لما تلاقي في جديه ورقابه هتبدأ تغير من سلوكياتها وهو دة اللي بيحصل في الدول المتقدمة لما الحكومة بتحترم الشعب الشعب بيحترم الحكومة وبيحترم البلد وبيحافظ عليها زي بيته تمام

+999999999999999
ودا حصل فعلا لو تفتكروا في موضوع حزام الامان
الاول الناس معترضه وبعدين معظم الناس دلوقتي ملتزمه بالموضوع وحاسه بأهميته
يبقى
أولا أداره فاهمه ولامسه مشاكل الشارع
ثانيا قانون فاعل و تطبيق عادل
ثالثا التزام

كدا ممكن يكون في امل في بكره

**samoevil911** · 06-05-2009 10:56 PM

استاذ سمارت مان .
لو حضرتك راجعت الموضوع من اوله هتلاقي ان احنا قلنا هنستبعد الادارة خالص..
اصل حضرتك ممكن تتحكم في نفسك بس الادارة ....؟؟؟؟
غير كدا .. لو احنا من جوانا اتغيرنا واتعدلنا .. ماحنا في منينا ناس في الحكومة .. غير كدا اولادنا مهما اللي هيبقوا الحكومة بكرة .. فلو ربناهم علي العدل والاخلاق الحميدة .. هيطلعوا كويسين .. يبقي حكومتنا هتبقي كويسة ..

هي الحكومة دي مش من شعب مصر ؟؟ والا احنا جيبين ناس من برا يحكمونا ؟؟

ولو حضرتك راجعت الموضوع هتفهم قصدي..

الموضوع: مهم لكل فرد فينا: طريقك للنجاح........!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

طريقك لتسقيط مواتير الكرستالة

بر الوالدين .. طريقك للجنة

ثلاثون نصيحه للنجاح والسعاده (موضوع رااااائع)

30 وصية للنجاح فى الحياة (لازم تخش)

طريقك مسدود يا ولدى مسدووود ( منقووول )

الكلمات الدلالية لهذا الموضوع

المفضلات

المفضلات

ضوابط المشاركة