تقرير من تويتي عن جين 2 موديل 2008 بعد 30000 كم ومفاجات عز العرب

**ahmedsiyam** · 31-03-2009 03:28 PM

ربنا يباركلك فى العربية و للاسف العيوب دى كان لسه بدرى عليها بس بوتون فى التقفيل و فى قطع الغيار مستواها متواضع جدا

**khpopo** · 31-03-2009 06:14 PM

الف مبرووك الصيانة وتفضل مبسوط منها
ربنا يوفق

**AhmedGen2** · 31-03-2009 09:47 PM

هو تيل الفرامل بيتغير على حسابى ولا على حساب الضمان؟.

**ahmad alshaaer** · 01-04-2009 01:09 AM

طبعا اشكر جميع الاعضاء وارد على اسألتهم
بالنسبه للاوتوماتيك في الجين 2 علاجه انك تعمل كيك داون لو محتاج انك تشد وتحرق وعموما هي زي العربيات الالماني تقيله في طلعتها ولكن لاتمتاز بالنعومه زي الالماني
وبالنسبه للاستاذ احمد صيام اتفق معاك ان الحاجات دي كان لسه عليها بدري
ولما توكيل يقوللك ان تيل الفرامل الاصلي ب 800 او 900 جنيه لسياره في فئة 90000 جنيه يبقى ساب ايه للمرسيدس والبي ام
طبعا تهريج
وعموما يااستاذ احمد ادينا بنجرب العمر الافتراضي للسياره وتحملها للمشقه
وبالنسبه للاستاذ اللي بيسأل على موضوع انه هيدفع تمن التيل ولا ضمان
طبعا هتدفع تمن اي حاجه بتستهلك في الطبيعي زي الفلاتر والكاوتش والتيل والزيوت
ودي مالهاش ضمان
انا اول تيل غيرته في صيانة ال 20000 كم
والتاني غيرته بعد 8000 كم لانه طبعا مش زي اللي كان جاي في العربيه
ولا يسعني الا ان اقول حسبي الله ونعم الوكيل في كل ظالم
اشكركم على ردودكم والى اللقاء في تقرير ال 40000 كم ان شاء الله على خير

**Osama.shihata** · 01-04-2009 02:12 PM

المشاركة الأصلية كتبت بواسطة tweety26980

اولا للاستاذ ايمن فعلا العربيه دي هي بتاعتي اللي انت شفتها ومكان الاستيكر مظبوط ولونها جالاكسي ميرون وكانت بايته عندهم 10 ايام لاني كنت مسافر بره مصر ورجعت استلمتها يوم السبت اللي فات
واشكرك على كلامك الرائع
والعربيه والله انا لسه مش قادر احكم عليها الا لما تعدي ال 150000كم وده اعتقادي لان اي عربيه جديده بتتستحمل واديني متابعكم وبجرب وربنا يكرمني فيها ان شاء الله ويطول عمرها
اما بالنسبه للاستاذ بولتي 55 انا مؤيد لكلامك جدااااااااااااا وبشكرك على مشاركتك
بالنسبه للاستاذ اسلام ويجا التوكيل فعلا كأي توكيل في مصر فيه نسبه من الاستغلال وموضوع التيل اللي حصل معايا ده من الادله دي وعلى فكره ياجماعه انا وانا في الخارج قبل ماجي مصر بيوم واحد واللي كان يوم الجمعه كلمت الاستاذ امر ولما رد عليا جيت احكيله على اللي قالولي عليه في التوكيل ورد عليا وقاللي على فكره النهارده الويك اند بتاعي وكلمني بكره بنفس الاسلوب ده وطبعا ماكلمتوش تاني لاني قلت ادفع الفلوس بتاع التيل ولا ان حد يقوللي الكلمه دي
بالنسبه بأه لموضوع استهلاك البنزين ياستاذ اسلام بتوضيح شديد وعن خبره في الجين2 اسمع الكلمتين دول
شد وقرص على الغيارات وار بي ام عالي وسرعه عاليه العربيه هتعمل معاك في اللتر 8 كم بالكتير يعني 160 في الصفيحه
لكن تغيير طبيعي عند ار بي ام 3000 ومن غير شد ولا قرص وعلى سرعة 110 كم هتعمل معاك 12 كم في اللتر يعني 240 كم في الصفيحه ولو قللت السرعه تحت 90 كم هتلاقيها 14 كم في اللتر يعني 260 تقريبا في الصفيحه
ده اخر كلام عن الجين 2 وعلى فكره زي ماقلتلكم انا من النوع اللي مش بهين عربيتي ولا عربية غيري انا بجري فقط لاغير ولكن مطبات وامريكاني بكرهم عشان العربيه
وشكرا للجميع
وااااااااسف لاني مقل شويه في المنتدى ولكن لظروفي وكمان مش برد على اي حاجه الا لما اكون تعرضت ليها ومتأكد منها
السلام عليكم ورحمة الله وبركاته

احمد بيه طبعا الف مبروك على الصيانة وربنا يحفظلك العربية ويباركلك فيها ، كان ليا استفسار
هو المفروض يوصل معدل استهلاك البنزين على الشاشة الديجتال كام اصل انا عندى .6.7
وزميلى 6
واحنا فى اخر تليين الالف كيلو الاولانية
وشكرا

**saidbakr** · 01-04-2009 04:57 PM

المشاركة الأصلية كتبت بواسطة tweety26980

...
3-كنت مغير طبعا تيل الفرامل في صيانة ال 20000 الامامي ومن بعدها كان في صفاره وصوت احتكاك مع ضغطة الفرامل وعند الوقوف غربله خفيفه جدا في بدال الفرامل

...

يا باشا و الله أعلم، معنى الغربلة في بدال الفرامل، إن فيه حاجة موش مظبوطة في الطنابير و هذا نتيجة التيل الرديء اللي ركبوه أول مرة.

**viper911s** · 01-04-2009 05:45 PM

يا شباب انا هقول حاجة صغيرة مستحيل توكيل فى الدنيا يقول انو بيركب تيل مش اصلى لائن دى حاجة تدينة وتيل الفرامل الاصلى الى علية بادج بروتون فى التوكيل بيعمل 250جنية شامل ضريبة المبيعات هو صحيح ناشف بس دة بيرجع للحمية التيل فى بعض الاقطقم فيها نحاس ذيادة وبالتالى بيصفر وللعلم عمر ما كان تيل الفرامل الامامى اغلى من 250 جنية ودة انا متأكدة منة 100%

**karimone** · 01-04-2009 06:10 PM

الف مبروك علي الصيانه... و ربنا يباركلك في العربيه...

عربيه محترمه فعلاً بس مشكلتها في التوكيل...

**saidbakr** · 01-04-2009 09:42 PM

ممكن اعتبار ادعائهم في التوكيل ان التيل الأصلي ب 900 جنيه، إحدى مصائب التوكيل من حيث استخفافهم بالعملاء. انا اتذكر في احدى المشاركات إن أحد المسئولين الكبار في التوكيل أرجع سبب عدم نزول جين2 سب بي اس مصر؛ إلا أن الحكومة المصرية لن توافق على دخولها مصر نظراً للقدرة الحصانية العالية! و قد كان هذا خلال اجتماع مع اعضاء من نايل موتورز ( بالطبع لم أكن انا من الحضور و لكن هذا الموضوع تم مناقشته في مشاركة بعنوان عندى سؤال بخصوص ال جين2 2009 CPS )