الموضوع: تقرير من تويتي عن جين 2 موديل 2008 بعد 30000 كم ومفاجات عز العرب

السلام عليكم ورحمة الله وبركاته
الاخوه الاعزاء
طبعا من خلال موضوعاتي انتوا عارفين اني اسمي احمد واملك سياره جين 2 موديل 2008 اوتوماتيك منذ 20/80/2008 وحاليا السياره كم 30000
ظروف القياده سفر دائما وعلى سرعات عاليه اغلب الاوقات 170 او 160 واحيانا 180 ولكن في الظروف الطبيعيه 120 واذا كان في رادار 90 او 110 كم
عموما داخل البلد كيك داون اغلب الاوقات والطبيعي تغيير على ار بي ام عالي نسبيا 4000
ولكن في المطبات يتم الوقوف نهائيا وبتجنب البلاعات والحفر الا نادرا جدا
وليس لي في الامريكاني والخمسات
ولكن غرز وشد وقرص اوك مافيش مانع
عموما
وصلت السياره للمرحله التاليه من العيوب
1- صوت احتكاك حديد واحيانا خبط من الخلف اثناء السير على الاسفلت وعلى اي سرعه ابتداءا من 70 كم وبدون مطبات
2- جهاز الانذار من المفتاح ولابيفتح ولا بيقفل من الجهاز لازم من الباب
يدوي يعني
3-كنت مغير طبعا تيل الفرامل في صيانة ال 20000 الامامي ومن بعدها كان في صفاره وصوت احتكاك مع ضغطة الفرامل وعند الوقوف غربله خفيفه جدا في بدال الفرامل
4-دهان الكبوت كان بيقشر من بداية شراء السياره وكانوا اثبتوا ده عندهم انهم هيدهنوه ضمان سابقا
5-صوت تكتكه من الابواب خفيف جدا
6- مفتاح النور ناعم شويه
7-غربله خفيفه على السرعات من 90 وطالع
8-صوت تزييق من الكنبه
9- السياره اثناء تشغيل التكييف وانا ماشي وهو شغال على سرعات العربيه بتخطف خطفتين خفاف كده وترجع تاني تمام
دي كانت العيوب حتى الان
وكان رد عز العرب على كل منها
رقم 1 - قالوا ان العيب من فردة الكاوتش الخلفيه فيها واطي وعالي طبعا مافتنعتش وقلتلهم ان الصوت ده صوت حديد وليس صوت من الكاوتش من خبرتي في السيارات وطلبت انهم يكشفوا على رمان البلي وفعلا تم تغيير رمان البي والسره الخلفي داخل الضمان واختفى الصوت
2- فالوا ان حجر الريموت كان ضعيف وتم تغييره ضمان واتصلح فعلا
3-طبعا هنا كانت المفاجأه انهم قالولي ان مشاكل الفرامل دي راجعه ان التيل خلص وانا طبعا رديت وقلت اني مغير التيل الصيانه اللي فاتت ومشاويري هي هي يعني تيل ايه اللي يقعد 10000 كم بالعافيه وكمان قاعد يصفر قالوا انه مش اصلي طب ازاي توكيل ومش اصلي وردوا وقالولي الاصلي ب900 جنيه ومش موجود
تخيلوا تيل امامي لسياره بروتون 900 جنيه ومش موجود وقالولي هنغير ده ونركب العادي الجميل اللي بيصفر 320 جنيه بالمصنعيه وده اللي حصل وفعلا اتظبططت الفرامل ولكن عايش مع الصفاره
4- تم دهان الكبوت ضمان
5-التكتكه زي ماهي كالعاده رابع مره
6-مفتاح النور مافهوش حاجه طبيعته كده
7-الغربله قالولي من فردة الكاوتش اللي مبقلله هي اللي عاملاها وطبعا مش فارقه لانها خفيفه
8-التزييق من الكنبه اتعمل من مسمار الكنبه واتعمل سابقا على فكره
9-تم تنظيف البوابات الانجيكشن وفلتر البنزين وطبعا لسه ماجربتش
والحمد لله انها جات على قد كده
وعموما انا حبيت اعرفكم حاجه
ان التوكيل للاسف الفنيين مش على درايه كبيره بالسياره بمعنى انهم حافظين مش فاهمين ولكن اللي بيفكروا ويساعدوهم مهندسي الورشه والاستقبال
وربنا يبارك لكم في سياراتكم
وعموما انا هرجعلهم تاني اغير الزيت والفلتر
زيت توتال 10000 كم وفلتر عشان انا ماغيرتهمش لسه من صيانة ال 20000 كم
والسلام عليكم ورحمة الله وبركاته