كوبلن ولكن

**wezo122** · 31-03-2009 04:42 AM

الموضوع كالأتى روحت للميكانيكى الى بتعامل معاه قالى لازم تحل الكبالن وتشحمها حفاظا عليها وراح حل الكبالن وكبسها شحم وحاليا بسمع صوت طقة خفيفة سعات بتظهر وساعات لا ممكن اعرف هل فى حاجة اسمها تشحيم كبالن وهل لو واحد الى بايز يتغير ولا الجوز لازم يتغيروا وايه اسعارهم وانواعهم وعاوز اسئل هو انا لو فصلت حساس الأيدل لمبة التشيك بتنور ولا لا وأسف على الأطالة

**Shiref_mohamed** · 31-03-2009 10:01 AM

اولاً : هل كانت الكبالن بطقطق معاك قبل التشحيم ولا لأ اصلها لو كانت سليمة ولما اتشحمو طقطقو فيه احتمال ان يكون الميكانيكى بدلهم.....
وكمان الكوبلن بيبقى عليه كوتشة وجواها الشحم وطول ماالكاوتشة سليمة ومش مقطوعه بيقضل الشحم جوه الكوبلن ومش بيحتاج يتشحم...

ثانياً : انا كنت سألت من اسبوع على الكبالن وكان سعر الكوبلن الواحد صينى = 65 جم والإيطالى 175 جم للكوبلن الواحد

**A.samy** · 31-03-2009 07:24 PM

هل فى منة كورى اصلى وبكام

**toshipa** · 31-03-2009 11:42 PM

لو كنت ماتسمعش الطقة دى قبل التشحيم وظهرت بعد ذلك
فاتفق مع كلام زميلنا ان الميكانيكى الله يسهله قام بالواجب معاك
وركبلك واحدة جديدة ببلاش من عنده ( بطقطق)
هى دى تصرفات معظم ميكانكية بلدنا
وهياخد بتحتك ولما يرحله واحد زى حالاتى واكون بعمل عنده اى شغل ويركب مثلا العربية يجربها هييجى يقولى الكوبلن اللى عندك عايز يتغير لان ممكن يعملها معاك باليل ويكون معاك اولادك او مرتبط بميعاد فغيره احسن
اروح انا موافق واقوله اتكل على الله وركبه
ويفك اللى عندى السليم ويروح بايعه لواحد تانى برده