ممكن اعرف زرار الهولد الى فى الفتيس الاوتوماتيك فى الاوبترا وظيفتة اية

**viper911s** · 31-03-2009 01:29 PM

ممكن حد يفيدنى ويعرفنى زرار الهولد فى الفتيس الاتوماتيك للاوبترا 2009 وظيفتة اية ولو امكن يشرحلى

**وائل عطية** · 31-03-2009 03:38 PM

بمنتهى البساطة وبدون تفاصيل دا كأنك سقطت نقلة في المانيوال
يعني بيديلك عزم أشد للتغلب على المواقف الطارئة

**hisham132** · 31-03-2009 04:15 PM

المشاركة الأصلية كتبت بواسطة وائل عطية

بمنتهى البساطة وبدون تفاصيل دا كأنك سقطت نقلة في المانيوال
يعني بيديلك عزم أشد للتغلب على المواقف الطارئة

+111111111111111

**viper911s** · 31-03-2009 04:30 PM

متشكر جدا لردك بجد يا وائل باشا بس انا فعلا مش فاهم بيعمل اية والمواقف الطارئة هى اية بالظبط اعذرونى يا شباب

**ahmed643** · 31-03-2009 07:46 PM

بتحرق على اى نقله يعنى بيثبت النقله ومش بينقل للى بعدها يعنى هتلاقى لفات الماتور بتزيييييييييييد طول ما بتدوس بنزين

ووبكده بتديك عزم كبير عشان اى موقف طارىء وهوه مثلا انك بتعدى عربيه نقل وفى مقابل وحسيت انك مزنوق فبتدوس عالهولد عشان تحرق عليه ويدك عزم

**menabigboss** · 31-03-2009 07:47 PM

يعني لو حضرتك علي الغيار الرابع ودست ال holdالعربية بتنزل للتالت ودة بيديك سحب اكبر بالعربية لو اتزنقت وانت بتسبق عربية تانية.........وبعدين لازم تدوس الزرار تاني علشان تطفيه

**Rafat** · 01-04-2009 01:16 AM

أيوة بس لو فرضت ضغطت الزر وأنا علخامس وفي سرعة 160 مثلا
معقول السيارة ترجع للرابع وهي في هذه السرعة؟!

**menabigboss** · 01-04-2009 01:47 PM

المشاركة الأصلية كتبت بواسطة Rafat

أيوة بس لو فرضت ضغطت الزر وأنا علخامس وفي سرعة 160 مثلا
معقول السيارة ترجع للرابع وهي في هذه السرعة؟!

الفتيس الاوتوماتيك في الاوبترا 4 غيارات فقط ولا يوجد الخامس اصلا....................ودة احد اسباب استهلاك البنزين العالي في الاوتوماتيك مقارنة بالمانيوال.
ومش مفروض اساسا (كما لو كنت راكب مانيوال) ان العربية وهي ماشية 160 انك تدوس الهولد(والعربية اساسا علي الرابع وتجيب بيها التالت علي السرعة دي)....

**rorogogo** · 18-04-2009 12:09 AM

Hold يعنى تعليق يعنى ماتنقلش يا فتيس

**memotaigee** · 24-08-2009 03:14 PM

لا يا جماعة خليكو واضحين انا جبت الحمد لله افيو اوتوماتيك و درستها كويس جدا من زمان الموضوع بكل بساطة مفيهوش اي تسقيط نقلات

ده كل البيعمله بيخليك متنقلشي للغيار الاعلي فيخليك تفضل حارق مهما كنت دايس بنزين و نفس الوقت الزرار ده بيقفل الباور بتاع الدريكسيون بنسبة معينة و الكلام ده من ع السايت باعت شيفروليه و اول ما تحرق و انت دايس هولد و تسيبه هينقل ع النقلة اللي بعدها علي طول حاجة شبيهة بال اوفر درايف