بلدها ايه ؟؟

**magdyford** · 31-03-2009 02:18 PM

انا معايا فيستا موديل 2000 و الموتور زيتيك
وكنت عايز اعرف العربية دى صناعة ايه ناس تقول امريكى وناس تقول المانى وفيه ميكانيكى ابن حلال( منه لله ) قالى انها اسرائيلى انا لقيت مكتوب على مفتاح الاضاءة بتاع التابلوه انه المانى والكاسيت برتغالى و الولاعة فرنساوى !!!

خلصنى من القصة ديه

**aYaBooY** · 31-03-2009 05:00 PM

معلومة صغيرة
لو حد يعرف المرسيدس ال 8 راكب ( عادتا بتكون اجرة شمال سيناء ) ديه مرسيدس اسرائيلي
الفورد ملهاش مصنع في اسرائيل اصلا
مصانع فورد الي اعرفهم
المانيا
انجلترا ( و على فكرة كان حد قال هنا ان الفورد في انجلترا زي النصر عندنا )
فرنسا
اسبانيا ( و ديه اعتقد اكبر مورد لمصر )
روسيا و ده اتفتح اواخر 2002 و بيصنع المونديو الجديدة
تركيا و ده بيصنع الميكروباس ال 17 راكب الي ظهر شوية في 2000 و اختفي بعد كدة
و ايطاليا
الفيستا 98 و 97 ال 1300 الماني
الفيستا 1100 95 و 96 و 97 اسباني
الفيستا 99 و 2000 الماني و اسباني
بس ده الي اعرفة و عمرى ما سمعت عن موضوع اسرائيل في اى عربية غير المرسيدس و مسمعتش عنه في الفورد
و ممكن تراجع اللينك ده كنت جايب تاريخ الفيستا و بلاد الصنع
http://www.nilemotors.net/Nile/showthread.php?t=59542
و سيبك من الاخ الميكانيكي الي قال كدة تلاقية من صنايعية كتير زيزهم زي ال... و بيعتبرو الفورد سيارة فضائية و حتى لا يعترفوا بفشلهم في تصليحها يبدائوا يفتوا
و عموما اعتقد ان الزيتيك الماني بس مش واثق اوي و لو مش الماني تبقي اسباني مش حاجة تانية ها

**magdyford** · 31-03-2009 06:23 PM

شكرا ereny على الرد الوافى

خلصنى من القصه دى

**aYaBooY** · 01-04-2009 10:54 AM

dear magdy
my name is aYaBooY

**magdyford** · 01-04-2009 02:43 PM

Thank you ayabooy

خلصنى من القصه دى

**memobeeh** · 01-04-2009 11:24 PM

عظيم يا أخ ayabooy لكنك نسيت مصنعا في غاية الأهمية بالنسبة لفورد وهو الموجود في بلجيكا كما انها -حسب معلوماتي المتواضعة- ليس لها مصنعا في روسيا الاتحادية انما في روسيا البيضاء (بيلاروس) وهذا المصنع كانت ينتج الاسكورت اللي جابها الجيش مصر في أواخر التسعينات وهي 1300 سي سي. اما بخصوص اسرائيل فانها تستخدم الفورد فقط بكثرة لكن لا تصنعها أبدا واستخدامها يأتي ربما باعتبارها جزءا من المعونة الامريكية الضخمة التي تأخذها وربما لأن الدولة تسمح بدخولها بجمارك مخففة أو ما شابه ذلك.. وحسب معلوماتي اسرائيل لا تصنع أي سيارة.

**aYaBooY** · 02-04-2009 11:41 AM

نشكر الاخ ميمو على موضوع بلجيكا انا مكنتش اعرفة
و موضوع روسيا ده بردوا مكنتش فاهمة علشان انا معرفش اصلا الفرق بين روسيا و بين روسيا البيضاء ههههه بس اشكرك على التوضيح انا كنت اعرف انه فيه اسكورت روسي بس بعد
كدة قريت ان مصنع روسيا اتفتح 2002 و مكنتش عارف ازاي
و عموما يا اخ مجدي انا عرفت انه فيه مصنع كمان في البرازيل و البرتغال فيها جزء لدعم المصنع الاسباني ببعض القطع و ده يفسر وجود الكاسيت البرتغالي عندك

**aYaBooY** · 02-04-2009 11:43 AM

و علي فكرة يا اخ ميمو موضوع المرسيدس الاسرائيلي ده عرفته من واحد سواق عليها

**memobeeh** · 02-04-2009 07:28 PM

أكرمك الله يا أخ ayabooy لكن المرسيدس اللي بتقول عليها دي والموجودة في العريش ومحافظات سيناء منذ أيام الاحتلال الاسرائيلي بالفعل وهي مرسيدس ألماني كانت منتشرة في اسرائيل في حقبة الستينات والسبعينات وأخذها بدو سيناء من الاسرائيليين وأخفوها في خنادق غطوها بالرمال أثناء رحيل الاحتلال بعد اتفاقات كامب ديفيد بين مصر واسرائيل ثم أخرجوها وأعادوا تشغيلها بعد اندحار الاحتلال وعودة شبه جزيرة سيناء للوطن الأم.. وكون ذلك الشكل من المرسيدس منتشرا في اسرائيل ليس معناه أبدا انها صناعة اسرائيلية.