هو الكلام ده بجد ؟

**Terrible_DaRsH** · 31-03-2009 08:03 PM

من شوية سمعت ناس بيتكلموا عن حلقة البيت بيتك امبارح ..

ال ايه واحد وخطيبته راحوا مصر الجديدة و خطيبها نزلها الناحية التانية للمحل اللى كانت هتشترى منه الملابس ..

دخلت المحل واتاخرت لمدة ساعة .

خطيبها نزل ودخل المحل وبيدور عليها ملاقاهاش و سال عليها الناس اللى شغالة فى المحل قالوا له مفيش حد دخل هنا بالمواصفات دى .

اتخانق معاهم وراح رايح القسم خد 3 ظباط معاه راحوا المحل وسالوا و محدش قال انها دخلت .

بالصدفة ظابط شاف قطعة سيراميك مش ملزوقة فزقها برجله لاقاها بتتحرك فراح شايلها لاقى تحتها سلم .

راحوا نازلين لاقوا 3 دكاتره تحت وبيقطعوا فى البنت وبيقسموا اعضائها وكان فى 5 بنات كمان زيها ..

طبعا انا مش مصدق الكلام ده خالص .

يا ريت لو حد شاف الحلقة يقولنا ايه اللى حصل .

**shafey** · 31-03-2009 08:09 PM

ياريت لو حد متاكد من صحة الكلام دة يرد

**sendrella** · 31-03-2009 08:09 PM

المشاركة الأصلية كتبت بواسطة Terrible_DaRsH

راحوا نازلين لاقوا 3 دكاتره تحت وبيقطعوا فى البنت وبيقسموا اعضائها وكان فى 5 بنات كمان زيها ..

طبعا انا مش مصدق الكلام ده خالص ..

الحقيقة يا درش انا مشفغتش الحلقة و اول مرة اسمع الموضوع ده

بس ده وارد جداااااااا انه يحصل

انعدام الضمير بيوصل لاكتر من كدة بكتيييييييير كمان

خلاص مابقاش في حاجة غريبة ولا حاجة مستحيلة في الزمن ده

الجريمة ما بقاش في اسهل منها دلوقتي

انا شخصيا مصدقة اللي حصل

او بمعنى ادق مقتنعه ان ده ممكن يحصل

هو ده زمننا و هي دي بلدنا

**medooooo** · 31-03-2009 08:10 PM

طيب الكلام ده عرفته منين وفى حلقة ايه ياريت تقولنا

**Terrible_DaRsH** · 31-03-2009 08:21 PM

ده كان فى حلقة امبارح زى ما بيقولوا ..

و اللى بيحصل فى الحقيقة افظع من كده والله يا سندريلا ..

ربنا يطلعنا منها على خير .

بس برده مش عارفين اذا كانت حقيقة ولا لا ؟

**yehia** · 31-03-2009 08:41 PM

أنا ما شفتش الحلقة دى وأول مرة أسمع الواقعة ..... وبالتأكيد أنا مش باكدب الأخ صاحب الموضوع ولا باكدب اللى قالوله عليها.. بس أعتقد انها اشاعة زى بتاعة الرقم اللى يتصل على موبايلك ولو فتحت عليه يطلع اشاعات قاتلة ويموت صاحب الموبايل ....

طبعا سرقة الأعضاء موجود وقائم ومنقدرش ننكره ... إنما بالوصف إللى فى الواقعة بتاعة سيراميك تحتيها سلم ودور كامل قبو تحت الأرض مجهز كغرفة عمليات .. ده ولا أفلام الرعب والخيال العلمى يا جماعة ماعتقدش إنه يحصل فى مصر ... لا الامكانيات المادية ولا تصميمات المبانى عندنا تسمح بكده .....

ولا ايه؟

**sasatony** · 31-03-2009 10:06 PM

الكلام ده لو حقيقي ياباشا كانت الدنيا اتقلبت وهتلاقي 90دقيقة والحياة اليوم والعاشرة مساءا بيتكلمو عن الموضوع ده ومفيش حاجة بتستخبي في مصر ياباشا يعني كنا هنعرف علي طول ولا اييييييييييييه؟

**evoo90** · 31-03-2009 10:40 PM

المشاركة الأصلية كتبت بواسطة sendrella

الحقيقة يا درش انا مشفغتش الحلقة و اول مرة اسمع الموضوع ده

بس ده وارد جداااااااا انه يحصل

انعدام الضمير بيوصل لاكتر من كدة بكتيييييييير كمان

خلاص مابقاش في حاجة غريبة ولا حاجة مستحيلة في الزمن ده

الجريمة ما بقاش في اسهل منها دلوقتي

انا شخصيا مصدقة اللي حصل

او بمعنى ادق مقتنعه ان ده ممكن يحصل

هو ده زمننا و هي دي بلدنا

خدى بالك وانتى ماشيه بيلموا القصيرين .... اقصد..ى بيلموا البنات

وبعدين استنوا هنا ازاى كان فى 5 بنات تانين ومحدش سأل عليهم ولا حتى سمعنا عن اختفاء حد منهم فى الجرايد ولا التليفزيونات؟؟؟؟؟

**analyzer** · 31-03-2009 11:50 PM

انا سمعت من اصدقاء ليا نفس الكلام ده وهما بردو بيقولو انهم سمعو

**Bossy_Fadl** · 01-04-2009 12:00 AM

يا نهار اسود!!!!!!!!!!!!!

يعني هيك الواحده اساسا تقلق تروح تجيب لبس لحالها بعد كده.

و لا تمشي في الشارع لحالها اصلا.

دي تبقي مصيبه.

يعني ممكن دكاترة حلفوا القسم و المفترض انو عندن ضمير يعملوا هيك شي؟

ربنا يستر معانا.

انا بعد كده مش هاخلي اختي او ماما ينزلوا لحالهم يشتروا شي من السوبر ماركت حتي.

الموضوع: هو الكلام ده بجد ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

الكلام ده صح ولا ايه ؟

الكلام ده صح ؟؟؟؟

الكلام ده صح؟؟

الكلمات الدلالية لهذا الموضوع

المفضلات

المفضلات

ضوابط المشاركة